السلام عليكم
أرجوكم دبروا لي حل مع هالمشكلة
أنا موظف حكومي مشكلتي مديري في العمل مستفز كل ما انسى شيء او ألخبط بشيء يضربني بكلمات مستفزة تخليك تكره الدوام وتحبطك في آن واحد
ولما كلمته برواق يغير معاملته معي ما استجاب بعد كذا كلمت ادارة شؤون الموظفين بالموضوع علشان يدبرون لي نقل من مكتبه الى ادارة اخرى قالوا ابشر بس لما يجي خطاب من مديرك بالاستغناء عنك راح ننقلك وما عندك اي مشكلة
المصيبة ان مديري يقول انسى تنقل من ادارتي
قووووووولوا لي وش الحل ؟؟؟؟؟
والله اني صرت اغيب واترك الدوام بسبب اسلوبه البايخ

لاحول ولا قوة الا بالله طيب روح مكتب العمل اذا لهم صالحيه
او روح للمدير اللي اكبر منه بس انتبه لاتغيب وتترك الدوام
نصيحة محب حاول ثم حاول ثم حاول وان الله مع الصابرين

مهما كان مديرك مستفز وهذا انا استبعده لانك بوظيفة حكومية لو انك موظف بشركة ومديرك اجنبي كان صدقتك لاكن مستحيل موظف حكومي
و يعاني من مديره بدون سبب او خطأ لم يرتكبه
حاول تشيل هذي الفكرة من راسك وتفكر بشكل ايجابي وحط نفسك في مكان مديرك اكيد راح
تشوف اخطائك وتقصيرك في عملك لابد تتفهم ما هي الاخطأء اللي تخلي مديرك يزعل منك
وتتجنبها وبين لمديرك حرصك واهتمامك لعملك صدقني راح يتغير اسلوبه معك

واحمد ربك ليل نهار انك موظف حكومي راحة واستقرار وظيفي انا لو احصل وظيفة حكومية براتب
اقل من راتبي اقدم استقالتي واروح لها بدون ما اشاور احد

سهله جدا استفزه وقابل كلامه البايخ بكلام ابيخ منه , بكذا بيستغني عنك

شوف عندي لك نصيحة... خلك اكبر من عقله...
يعني يتكلم من اليوم لبكره... دخله من اذنك اليمين وطلع من اليسار...

لاتعطيه اكبر من حجمه...

المهم لاتعطي اي احد شيء يمسكه عليك..داوم زين وواظب على الحضور...

الجيد أنك تعرف وين نقاط الضعف
النسيان والخطأ

أشتغل على نفسك وخلها نقاط قوة

بالإضافة

ادفع بالتي هي أحسن فإذا الذي بينك وبينهُ عداوةٌ كأنهُ وليٌ حميم

شكرا جزيلا لكل الذي تفاعلوا مع الموضوع
كثير من الموظفين العتاة والشيبان اللي عندي قالوا لي أن أحسن حل هو التطنيش ومحاولة اللعب بأعصابه إلى أن يعدل أسلوبه مثلا لو طلب مني شغلة كنت أخلصها سابقا بدقيقة أخلصها بعشر دقايق واللي بنص ساعة أخلصها بساعة وهكذا
سويتها مرة معه وتنرفز وضربت فيوزه بس أنا في النهاية ما أقدر أتحمل الله خلقني كذا ما اتحمل
الكلام اللاذع
حبيت أوضح لكم أنا أتعامل مع قاضي وتعرفون القاضي في المحكمة والبلد كلامه مصددددددددددق وانا لا والمشكلة انه ينقدني أمام الخصوم بعض الاحيان
زملائي مجرمين يتحملون السب واذا حولوهم للتحقيق علشان التعمد في تأخير المراجعين بسبب البطء قالوا هذا جهدنا
واذا ما عجبكم انقلوني من مكتبه
بس هذي الطريقة زينة وشينة في وقت واحد
يعني اخاف ان القاضي يحطني براسه واذا طلبت اجازة عادية او اضطرارية راح يرفض ويبهذلني بهذلة
انتظر مشوراتكم

اليوم حكيت ل مدير المدرسه اللي اداوم فيها عن قصتك وقالي المدير فيه المدير عليه ، يقول انصح صاحبك يروح لادارته بعدين يروح للاكبر شيئا فشيئا وبينقلونه

أخوي سيف
هذا الكلام ينفع في المدارس وفي بعض الدوائر الحكومية
أما المحاكم ما ينفع
والمصيبة أن رئيس المحكمة واثق فيه ثقة عمياء ومصدقه على طول الخط
وهو اللي جايبه للمكتب وطلب منه أنه ينظم المكتب
وانا والله العظيم من اكثر الموظفين اجتهادا ومواظبة عند القاضي السلف
بس ما أدري وش فيه علي
حاولت أفهم منه وش اللي مكرهني في ما وصلت لنتيجة مطلقا لمدة أربعة أشهر
ولما انسدت الأبواب في وجهي من جهة الرئيس والادارة طلبت منه النقل رفض النقل مطلقاااااااااا
فلا خلاني ارتاح معه ولا خلاني انقل
والله العظيم انا بحيرة شديدة لا يعلمها الا الله
وجهوووووووني
والمصيبة ان زملائي بالعمل يقولون تحمل الانتقادات ولو كانت قدام الخصوم وتعمد تاخير المراجعين الى ان يطفش منك وينقلك
بس اخوكم في الله ما يتحمل
وش الحل مع هالعينات مع الرؤساء النشبة