بخصوص القبول بالكليات العسكرية وعلاقته برقم السجل المدني" الله يفرج من يرد علي "
السلام عليكم ورحمة الله وبركاته
اخوكم بالله اخر سنه لي بالجامعه ، وناوي ادخل كلية عسكرية " كلية الملك فهد او الملك خالد " لكن فيه شيء محيرني .. وكثير قالوا لي ماتقدر تدخل بسبب ان رقم ثباتي يبدا بـ 11 يقولون لي انت متجنس ! وانا ماني متجنس ولا شيء ، وابوي رقم ثباته يبدا بـ 10 وعيال عمي كذلك يبدا ب 10 ، احد يقدر يفيدني بهالخصوص ؟ مع العلم ان خوالي كانوا من فئة البدون و اخذوا الجنسيه قبل تسع سنوات تقريباً هل لهذا الشيء علاقة برقم سجلي المدني ؟ او هل راح يؤثر على قبولي في الكليات العسكرية ؟ والله ياشباب هالشيء مضيق صدري اتمنا احد يفيدني ويكون عن علم ، ولا يجي احد يفتي من راسه ويحطم فيني ومعلوماته تكون غير دقيقه تحياتي لكم |
اقتباس:
|
والله يابعدي مافيه شي خافي على الحكومة
وان شاء الله يقبلونك |
خلك منهم كذاااااابين
مالها دخل نهائياً .. اصلاً لما يقبلونك يطقون برنت عنك وعن عائلتك كلها من الاحوااال ... يعني تطمــن والله يوفقــكك |
انا اثنين من اخوياي ابوهم سعودي وامهم مصرية متجنسة والان لهم اكثر من 4 سنوات متعسكرين
لاطالما الوالدين سعوديين لاتشيل هم |
ياخوك عادي انا مثلك يبدا السجل المدني 11 وابوي وامي كلهم سعوديين الاصل
|
غير صحيح اطلاقا سالفه الرقم يبدا 11 سعودي بالتجنس الكل يعلم ان المواليد الجدد الحاليين جميعهم سجل المدني يبدأ ب 11 وايضا من مواليد 1419 فما فوق تبدأ ارقامهم ب 11 هي مجرد ارقام بالتسلسل لانها خانه الواحد صفر قفلت وخلصت الارقام . من هالناحيه لاتخاف نهائياً خذها مني وبالتوفيق يابطل
|
[align=center]وعليكم السلام ورحمة وبركاته
هالكلام غير صحيح انا مثلك بالضبط بإختصار : 100 جيل الطبيين 10 مابعد الطيبين 110 جيل الببي :q والأرقام هذي مو معناتها سعودي او متجنس لاتعني شيئا هو رقم تسلسلي بدأ مع بداية استخدام الحاسب في الاحوال وأظن كانت تبدأ من 1000 واليوم اعتقد المواليد الجدد وصلوا للرقم 117 وحاليا جميع السجلات المدنيه الجديده تبدأ بــ 117 مثله مثل السجل التجاري ايضا الان 1010 وربما سابقا كان 100 والاقامات كانت 20 والآن 23 [/align] |
من مواليد 1416 وفوق يبداء ب 11
|
هذا كلام غير صحيح قدم والله يوفقك وفالك القبول بإذن الله .
|
الساعة الآن 09:27 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين