ودي بمشروع واتمنى منكم الفائده؟؟
 

السلام عليكم

انا ودي بمشروع يكون فيه ربح ولو كان بسيط
بس يكون المشروع غير متعب يعني اروح واجي
لان معظم وقتي مرتبط بالعمل

انا راتبي ضعيف وتوه يكفي مصروفي ومصروف البيت

لكن اقدر اخذ سلفه من البنك على راتبي
تطلع تقريبا بحدود 200000

ياليت احد يفيدنا جميعا بمشروع غير متعب وبحدود 200000

انا فكرت بمشروع السقيا اللي تبع شركه المياه

اعرف احد اقاربي عنده تريله بالمدينه مشغلها على مشروع السقيا وكل شهر تقريبا 4000
مع انه من سكان الطائف وعمله بتبوك والمشروع بالمدينه

انا فكرت بهالمشروع (( السقيا)) لكن ماعندي خلفيه عنه ياليت احد يفيدني عنه
او اللي عنده فكره بمشروع اخر يطرحها لنا

ولكم جزيل الشكر ...

في مشروع بالشرقيه

ما المشروع ؟

الله يرزقك
اذا عندك ٢٠٠ تقدر تاخذ مشروع يطلع لك شهرياً فوق عشرة الاف

محل جوالات
سوبر ماركة
مغسلة ملابس
مغسلة سيارات

كلها بنصف المبلغ اللي معك تقدر تعملها

بس نصيحتي لك ولغيرك من المشاهدين

المحل من العامل من العامل من العامل

مانصحك تاخذي سلفه بالمبلغ الكبير هذا

ادخلي جمعيات ولاتاخذي سلفه مال البنوك مافيها خير

اذا عندك مشروع اطرحيها هنا علشان تكوني مقتنعه وشي تعرفي له شغل حريم

التريلا يحتاج لها متابعه وصيانه ماراح تقدر عليه

التريلا افضل وامن لان ما راح تخسر لو اشتريتها يمكن تبيعه بنفس السعر

عالعموم موفق ان شاء الله

الله يوفقك يارب ........ فكر بمشروع مغسله للسيارات اشوفه ممتاز ....

والله انا براسي مغسلة سيارات
من خلالها اقدر ارجع راس المال بأقل من سنه
والباقي ارباااااااااااااح


لكن الاهم العااااااااامل هو الي يقومها ويطيحها

أخي الكريم التجارة لابد منها من التعب والجهد بالبداية حتى تعرف مالك وماعليك وحتى يرسى مشروعك ثم بعد كذا ترتاح


قبل لاتقترض من البنك ابحث عن كل مشروع يجي في بالك واقرأ عنه ومن تجارب الناس وروح زور المشاريع القائمة واستفد منهم وخذ بنصايحهم

مثلا انت الان قدامك ثلاث مشاريع :

مغسلة سيارات

مطعم شاورما او برجر

مطعم بيتزا

هذي المشاريع الثلاثة قبل ان تقترض لابد ان تعصر مخك بالتفكير فيها ولا تتسرع ولاتستهين بكل صغيرة فيها

هذه المشاريع ناجحة بكل المقاييس وخاصة المطاعم .. فالمطاعم دخلها الشهري عالي مابين 30 الف الى 60 الف ريال بشرط توفر عدة شروط لابد العمل بها وعدم الاستهانة بها :

1- الموقع ثم الموقع
2- اشرافك عليه بنفسك بشكل يومي او شبه يومي ومراقبة البيع ووضع عدة كاميرات لمراقبة الكاشير
3- التميز بالنظافة واحرص ان يكون الاكل نظيف وتميز بالطعم ( جب لك معلم شاطر يتقن عمله واتفق معه على راتب 2000 ريال + نسبة بسيطة مثلا نص ريال عن كل وجبة او بيتزا .. سوي نقل كفالة افضل دور لك على معلم في بلدك واتفق معه وخله ينقل كفالته عليك أفضل لسرعة الاجراءات وعشان تشوفه بعينك وتاخذ راحتك انت وياه بالكلام وتتفق معه بإتفاق يرضي الطرفين )
4- تحفيز العاملين على نسبة معينة من المبيعات
5- توصيل الطلبات
6- اللطافة مع الزبون واللباقة معه مع الابتسامة


المطاعم المذكوره بيعها اليومي مابين 3000 الى 5000 الاف ريال ( وذلك من خلال مروري وسؤالي عدة مطاعم وبالاخص البيتزا بيعه اليومي 3000 الاف ريال ) لكن هذا الدخل لم يأتي عبثاً ( لم يأتي الا بالشروط التي ذكرتها لك سابقاً ) عندها انت احسب تكلفة الرواتب اليومية والنسب وقيمة الفواتير باليوم ( يومياً لابد ان تعمل كذا وتحسب كل الحسابات هذي من خلال بيعك اليومي ) والباقي بعد حسابك يبقى هو ربحك 1000 ريال - 1500 ريال - 2000 ريال - 2500 ريال أيّاً كان من هذه المبالغ فهي تعتبر ربحك الصافي لك ولنفترض ربحك الصافي لك اليومي 1000 ريال × 30 يوم = 30000 الف ريال بالشهر !


إن من اسباب الخسارة :

1- الاتكالية على العامل وذلك بإعطائه راتب شهري وترك المحل له دون مراقبة منك شخصياً
2- سوء الموقع
3- ردائة الاكل والنظافة
4- عدم تواجدك بالمحل او مراقبته منك شخصياً


بالنسبة للمعلمين : ابتعد عن الاردنيين والفلسطيين

انصحك بـ : الفلبين - مصر - تركيا


بقولها لك من الان : التجارة ماتبغى واحد كسلان وبارد ومشغول عنها .. التجارة دراسة كل مادرست مشروعك أكثر وواصلت فيه وطبقته صح فتراك بتنجح , عكس ذلك بيفشل المشروع وياحسافة الـ200 الف راحت هباءً منثوراً وتجلس مدة 5 سنوات تقسط للبنك دون فائدة !!

التجارة مثل الدراسة التعليمية .. تدرسها وتضل تدرس وتدرس وتهتم وتجتهد وتداوم في مشروعك وتركز عليه بتنجح .. لكن ماتدرس ولا تركز وتغيب ولاتهتم ولاتجتهد فتراك بترسب وبيفشل مشروعك !! هذي 200 الف ياخوي ماهي لعب ! لابد من الدراسة والتخطيط والتفكير العميق مرة ومرتين و10 مرات الى ان ترتاح وتطمن وتعرف ماهي السلبيات والايجابيات وتعرف كيف تربح وايش اللي ممكن راح يخسرك

أخيراً ( لاتنسى تحط لك مبلغ احتياطي لمواجهة اي عقبات تصادف مشروعك .. فمثلاً دخلت التجارة بمبلغ 150 الف فلا بد عليك ان تضع 50 الف احتياط للعقبات التي تواجهك في المشروع )


وفقك الله أخي

انا اعرف احد الزملاء ماخذ شيول
ومؤجره على شركه
كل يوم تشتغل الشركه
ياخذ 500 ريال
حسب كلامه


200000 تجيب مشروع مربح
بس ودنا نفكر قبل نتخذ القرار
واعتقد اقرب شي انك تاخذ تريله او شيول وتوجره
وبكذا تاخذ المبلغ من الشركه مو من العامل

للرررفع