معلم جديد ﻻ يعرف شي عن النظام ....... ارجو المساعدة
السلام عليكم
يا شباب ان معلم جديد واجهل كل شي بالنظام ماعطونى محاضرات عن النظام و ﻻ كتب مساعدة دخلت الموقع الوزارة ما حصلت شي ياليت اذا احد يعرف معلومات يدلني اسمع بحصص اﻻنتظار و دفاتر التحضير رائد الفصل اﻻذاعة ...الخ وماني فاهم شي وبيني و بينكم احس اﻻدارة تستغل جهلي و تكلفني بأ ااشياء خارج عملي |
وعليكم السلام
مبروك التعيين ويارب يجعل الوظيفة خير عليك .. وانا مثلك متعينة جديدة وماكنت فاهمة كثير وللاسف مايدربونا قبل المباشرة والتعليم اتغير كثير [QUOTE]اسمع بحصص اﻻنتظار و دفاتر التحضير رائد الفصل اﻻذاعة ...الخ وماني فاهم شي انا حفيدك بالشي الي اقدر عليه وان شاء الله الاخوان يساعدونك الان كل معلم له نصاب محدد واعلى نصاب 24 حصة واذا عدد نصابك 24 حصة انت غير ملزوم باي عمل اخر من حصة انتظار او مناوبة او اي نشاط اخر .. طبعا في مواد كثيرة حصصة قليله مثل الاجتماعيات والمكتبات .. ومستحيل يصل ل24 حصة هنا لازم يكمل نصابك باعمال اخرى مثل : حصص الانتظار ( ممكن حصتين في اليوم ) المناوبة الصباحية ( تقريبا للكل ) يجي دورك في الاسبوع مره انا مثلا مناوبتي يوم الخميس مع زميلتي واثنين من الاداريات ( نرتب الطابور_ندخل الطالبات الفصول - ننزل وقت الفسحة ونطلعهم ) المناوبة اخر الدوام هذا في الشهر مره ... للعلم اذا نصابك 24 حصة واخذت حصص بعد 24 يحقلك 75 ريال عن كل حصة .. في مهام اخرى تقسم للمعليمن : رائد الفصل الاذاعة النشاط المدرسي ( هذا اذا كلفت به ) المفروض ماتمسك ولاحصة لانه في تفرغ مصادر التعلم ( هذه لازم خبرة 4 سنوات في التدريس ) وايضا المعلم يكون متفرغ والاكثر يريد يمسك مصادر التعلم وفيه تنافس شديد .. دفتر التحضير : اشتري ملف الي يجيك 200 او 300 صفحة نايلون اشتري التحضير الجاهز لمادتك واطبعها وضعها في دفتر التحضير .. طبعا دفتر التحضير هو ايضا ملف انجا زالمعلم تضع فية : 1- السيرة الذاتية 2-رؤية امدرسة ( اطلبة من المدير) 3- رسالة المدرسة (اطلبة من المدير)) 4- اهداف التعليم العامة بالمملكة العربية السعودية 5- اهداف المادة 6- شهاداتك ودوراتك 7-الخبرات ان وجدت 8- اوراق العمل ( هذا تلقي في التحضير الجاهز الي حتشتري من المكتبة ) 9- توزيع المنهج ( ضروري جدا ) 10- التحضير عادي كل حصة حضرت فيها اطبعها وحطها في الملف .. طبعا المشرف حيقيم دفترك هذا ولازم اوراقك كامله اطبع النقاط اعلاها في ورقة A4 ورصها في الملف .. وكل يوم او كل نهاية اسيوع لازم مديرك يوقع على التحضير ملاحظة : طبعا تقيم ادئك الوظيفي يكون على عدة عوامل ومنها ممشاركتك في الاحتفالات مثلا اليوم الوطني والخ او اي شي يكلفك المدير .. للعلم اذا نصابك مثلا 16 حصة ممكن يجيك ندب لمدرسة اخرى عشان تكمل نصابك والندب له ميزة وهي ( الاسبوعين الي في بداية العام واخر العام يداومو فيها المعلمين ولايوجد طلاب ) هذي الاسبوعين انت ماتداومها اذا انت معلم منتدب .. اما اذا ماسك مثلا حصص ومكلفك باذاعة مدرسية او نشاط مدرسي يعفيك من الانتداب واي سؤال انا حاضرة ربي يسهلا امرنا ويسخرلنا عبادة الطيبين في كل مكان .. |
[align=center]
هههههههههههه والله أني جيت متحمس أبي أرد عليك لقيت زهرة مكه ماقصرت جابت كلش ( حسيت لها 20 سنه ) ماهوب معلمه جديده ماشاء الله عليها + أنا لي سنتين بالتعليم ( ماسك مادتي 15 حصه _ علوم _ + قران 6 حصص + بريد المدرسة ونظام نور + وبرنامج حسن ) وفالها .. : ) أهم شىء أنك تحب الوظيفة عشااان ماتتعب والله يوفقك [/align] |
شكرا لكم اخواني افدتمونا بهذه المعلومات
انا في مدرسة عدد طلابها 35 طالب فقط في نجران وتحديداً يدمه فيها ثلاث فصول فقط وكلها متوسطة اول دوام بيكون لي هذا الاسبوع بإذن الله وخايف يشوفون نصابي بس 12 حصه ومايخلوني بحالي وينتدبوني وانا ما ابغا :( ان شاء الله يكلفوني باي عمل او نشاط وافتك :) |
اقتباس:
صحيح كلامك اذا حبينا العمل واخلصنا نيتنا لله تعالى فباذن الله ربي يرضينا ويكون معانا اقتباس:
لاتخاف انا اعرف معلمات عندهم 4 حصص فقط وماانتدبوهم وكلفوهم بنشاط او اوي عمل اخر وخاصة انت في يدمة مستحيل ينتدبوك لنها منطقة بعيدة واذا قدر الله وجاك انتداب اطلب منهم يرتبولك جدولك في المدرسة الاخرى بحيث يكون دوام واحد يوم فقط تروح تعطي مادتك وتخرج الله يكون في عوننا ويسخرلنا جميع خلقة :w |
وانا بعد متعينه جديده وماعرف شي عن التدريس الا اني اشرح الدروس فقط وشايله هم المفروض فيه دورة تدريبيه
|
اقتباس:
ياحيكم يالسعوديين للتبطح أجل تقاعد:m أقول على فصلك يا أبله :mish::q + المفروض تأخذون دوره تدريبيه مثل ماصار معنا الله يعينك أخوي |
للعلم النصاب الاعلى 25 وليس 24
والندب فيه ميزات جميله منها انهُ حين تنتهي من اعمالك تعطل بدري قبل المعلمين وربي يوفقكم |
بالتوفيق للجميع ..
|
الله يعين
|
الساعة الآن 02:26 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين