استشارة ليموزين بالرياض
السلام عليكم ورحمة الله
صباح الخير وكل عام وانتم بخير ابي استشيركم الله يعافيكم انا موظف حكومي اداوم من الساعه سبعه ونصف الى ثلاثه ونصف مساء ومن بعدها فاضي وماعندي التزامات حيث اني اعزب عندي سيارتي الخاصة كامري 2013 وش رايكم ياجماعه ابي دخل اضافي عشان اجمع حق العرس مابي قروض ولا ديون هل التاكسي مناسب من بعد العصر الى الساعه 11 بالليل او حولها وكم راح اطلع تقريبا ابي تجارب ناس جربوا التاكسي او احد يعرف واحد معاه تاكسي لو كان مناسب وله دخل كويس بقلب سيارتي بأذن الله وشكرا لكم مقدما |
وينكم يا اخوان ماحد يعرف ؟؟؟
|
ولد أختي طلع ليموزين من مشروع الملك عبدالله (هونداي إلنترا)
كان وضعه مثلك .. ماخذ الوضع طقطقة وعلى المزاج يقول ماهي شينة وفيها خير لكن مشاوير الرياض تقطع الظهر :b ويبغالها تعب وطولة بال بس مع الاحتكاك بالناس وطاريك بينهم يجي لك مشاوير ثابته تريحك وتضمن لك دخل شهري ثابت يفكك من الدرعمة في الشوارع .. مثل ( معلمات ) أو موظفات بالأسواق يستأجرونك توديهم وتجيبهم . مع الوقت صاروا أخوانه وأبوه كل مافضوا ولا بغوا فلوس دقوا سلف الليموزين :i |
الاخ خالد الحرف
الله يعطيك العافية وشكرا على ردك الطيب |
[SIZE="7"]هلا اخوي انا عندي ليموزين الصراحة مثل ماقال خالد الحرف يبي لك تشتغل وتكون زباين عشان يصير شغلك على الجوال وانا انصحك تروح للمطار بسيارة خصوصي او ليموزين وتوقف بالمواقف وتروح للصالات تلقى ناس ورحلات بالهبل احسن لك من داخل البلد نصيحة لكل من يبغى يترزق رح وتدعي لي لكن المشكلة احيانا يتشددون الشرطة والبحث يعني حجز سيارة 15يوم وانت 3 ايام لكن معليك الشباب قدامك خلك معهم فاهمين كل شي اذا ظبط وضعك بدون شرطة ومشاكلهم راح تطلع 200 او 500 او اكثر على حسب واتمنى لك وللجميع السعادة والتوفيق بالدنيا والاخرة :rolleyes:
|
ماتيا
الله يعطيك العافيه ويرزقك وكل طالب رزق ان شاء الله مشكلة المطار وانا اتكلم عن الملك خال بالرياض الان حطوا صبات واللي يدخل السرا خلاص ماعاد يطلع الا ماخذ زبون ويمكن يتأخر ويجلس بالساعات على العموم انا اقتنعت انه مو خساره كلها 3 لالف وتسوي تاكسي وتجرب والرزق من الله شكرا لك |
هلا اخوي
اخوي انا اقصد انك تجي وتروح تحت في المواقف لاتصف مع التاكسي دولا عندهم اشتراك وصعبة انك تنتظر انا اقصد وقف بالمواقف ورح فوق انت على طول ودور تلقى ناس يبون توصيل فهمت الشغلة ذهب .............
|
انصحكم عن هذه الفكرة الفاشلة جدا
يرغبكم فيها : 1 - تعجبكم في البداية سيارة جديدة . 2 - تنبسط أول 3 شهر فقط بحكم انك لك فترة عاطل ويمكن بدون سيارة جديدة . اسباب الفشل مئات الاسباب واكتب ما اجده في ذهني حاليا : 1 - كم ارباحك في اليوم لنفرض 200 او 150 ريال كم القسط في اليوم 50 ولا تنسى فيه ايام تغيير زيت لنفرض ان ربحك الشهر 4500 تدفع قسط 1500 صافي لك 3000 كم مصاريفك ؟؟ ولو اشتغلت في وظيفة مرتاح براتب 3000 مو احسن لك من التعب واللفلة كل يوم . 2 - هل ستعمل كل يوم ؟؟؟ 3 - اليوم اللي بترتاح فيه يومية القسط ماشي ومحسوب عليك . 4 - بعد سنتين او ثلاث سنوات ستصبح السيارة مصدمه ومهلوكه حتى منظرها الحلو يتغير . 5 - بعد سنة تبدأ تتعب وتحس بتعب السيارة وتبدأ اللآم في رجولك . 6 - شر لا بد منه لسائق التاكسي الكرش والجسم الخمول لقلة الحركة فقط جالس . 7 - بعد مرور 4 سنوات تنتهي الاقساط وتبغى تبيع السيارة وما تجيب لك قيمة لأنها تاكسي ومصدمة وحتى لو بتفكر هذه الفكرة كم مكسبك بعد 4 سنوات بتبيعها ب 30000 او 35000 يعني تعب 4 سنوات لعشان مكسب بسيط . 8 - مهم - ماهي خبراتك بعد 4 سنوات عندما تبحث عن عمل اخر ماذا ستقول كنت سائق تاكسي طيب مين يبحث عن سائق تاكسي له خبرة ؟؟؟ 9 - عندما تسجل السيارة تاكسي باسمك تصبح مهنتك في الاحوال المدنية سائق تاكسي تمنع نفسك من أهم شئ الوظائف واستقدام عمالة واذا استخرجت جواز سفر يكتب المهنة سائق تاكسي وحتى عند استخراج بطاقة احوال جديدة يكتب سائق تاكسي . 10 - كم من شخص عمل سائق تاكسي وتركها الاف الشباب لماذا ؟ غير مجدية ولو فيها خير ما تركها الطير . 11 - ما هو مركزك الاجتماعي ومعليش سامحوني هذا مهم عندما تتعرف او تجلس مع شباب ويسألونك ايش تشتغل بتجاوب سائق تاكسي طيب نقول عادي لكن عندما يقول لك الشباب انا معلم وانا ظابط وانا موظف ما شعورك بصراحة . 12 - سؤال مهم هل اذا تقدم عريس لأختك وانا لا تعرفه وعندما تسأل عن مهنته يقولون سائق تاكسي هل توافق ؟؟؟ لا اقصد المهنة غير شريفة ولكن الا تخاف على مستقبل اختك معه !!! فكر في الاجابة وحط نفسك محل هذا الشخص . 13 - ما هو مستقبلك يا سائق التاكسي . 14 - المهنة خاصة بمن لديهم وظائف في شركات وغيره وهي مصدر دخل ثانوي ليست اساسية . 15 - معرض للحوادث وللمشاكل . 16 - مستقبلك بعد 10 سنوات او 20 سنة ماهو ؟ تضل سائق تاكسي ولا تعرف اي خبرات او ايي شئ سوى التاكسي والمشاوير والركاب . اكتب من واقع تجربة صديق حميم لي عمل سائق تاكسي لسنوات ووالله لم يندم على سنين ضاعت من عمره مثل السنين اللي اشتغلها سائق تاكسي راحت هباء منثورا بلا اي فائدة ولا اي خبرة اصحابه توظفوا في وظائف برواتب بسيطة منهم في شركات ومنهم حكوميين بند اجور وبعد سنوات اصبحت رواتبهم عالية وهو مازال سائق تاكسي لكن الحمدلله لحق عمره وترك هذه الشغلة الفاشلة بمعنى الكلمة . الاخ متعجب تحية طيبة اشكرك على التعليق وانا لا اقلل من سائق التاكسي مهنة شريفة ولا يستطيع اي شخص ان يقول غير ذلك ولكن اتمنى ان يبتعد الشباب عنها لأن مستقبلها ضعيف لأن الموظف يكبر ويترقى التاجر يكبر ويتوسع اما التاكسي فيضل كما هو وهل له ترقيات مثلا او سوف يتوسع تتكلم عن نقليات من اين لسائق التاكسي ان يشتري سيارات . والله ان الشاب يعمل في محل بائع خير له لأنه سوف يتعلم البيع والشراء وسيعرف اسرار المحل وتكاليفه وارباحه اما بالنسبة للمطار وغيره اقول لك صديقي الذي عمل في التاكسي أخذ 6 شهور انتظار ليتم تسجيله في مطار جده وبعد ان سجل وجد سراء طويل جدا خلف المطار والانتظار لساعات لحين دوره وفي الاخير مشوار واحد فقط في اليوم والله أعلم . وانا ارى حرام شاب يضيع عمره في تاكسي لأنه لا يطور الشخص ومتعب ودخله محدود وكما قلت كل الاعمال الشخص يتطور فيها ويكبر والتاكسي العكس السيارة تصبح قديمة ويتعب السائق مع الزمن ويسبب العبوس هل تعلم ماهو العبوس ؟ يصبح الوجه عبوس لأن السائق يقضي مابين 8 الى 10 ساكت لا يتكلم الا قليلا اما الموظف وغيره فله زملاء عمل يتكلمون ويضحكون مع بعض وكذلك يسبب العزله بصراحه اراه مشروع فاشل وانصح الشباب عنه |
انصحك **** السعوديه ابحث عنه بجوجل
الحين اغلب ناس يطلبونه من ابلكيشن حق اوبير وماتغير سيارتك تبقى خصوصي ويطلعلك اقرب طلب من خلال ابلكيشن انا وكل صديقاتي ماعاد نركب تكاسي كل مشاويرنا على اوبير نطلبه من ابلكيشن واقرب سياره هو اللي يستلم طلب سالت سواق كم تستفيد يقول 9 الاف شهريا الله يوفقك وابحث عن موضوع الى الان اللي يوصلون بس اجانب يمكن في سعوديين بس ماشفت او مايدرون عنه وفي بعد شركه اسمها كريم نفس نظام اوبير |
اقتباس:
وكم اسعار التوصيل ؟؟ |
الساعة الآن 08:24 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين