|
صرخه مطلقة اجنبيه ام طفل سعودي !!!!
السلام عليكم ورحمه الله وبركاته ( الظلم ظلماااات يوم القيامه ) املي بالله كبير ،، لكن مايمنع اني اشارككم همي الكبير .. هل سأحسن تربيه ابني الوحيد ؟؟ كيف ؟؟ ؟؟ فكيف لو كانت المرأه اجنبيه لزوج سعودي ظالم مستغل طلقها بأضعف حالاتها ودون سبب ، وماجدد اقامتي ولا نقل كفالتي عليه ،، ولم يكتب لي الله اني اكمل دراسه ، وابوي توفى من شهرين فقط ،، برقبتي طفل ،، عمره ثلاث سنوات الحين ،، يعني كمان سنه ويدخل روضه ! برقبني طفل ،، وسكن اهلي شعبي وزحمه وهووواش كل يوم عشان ولدي لحد يتعرض له !! برقبتي طفل وماعندي وظيفه معتمده بسبب عدم وجود شهاده او اقامه مجدده ،، ولأني مو سعوديه ،، برقبتي طفل وما طلعوله اهله اوراقه للحين فماحقدر اقدم ضمان ولا جمعيه خيريه ولا حتى علاج !! قال الله تعالى نحن نرزقهم واياكم ،، وفي ايه اخرى نحن نرزقكم واياهم الله تعالى سهل كل شيء ، لكن الظروف الي فرضها المجتمع علينا ظااااااااااااالمه ،، والله اني كل يوم ابكي ضيقه ،، كل يوم الحمل يصير اثقل ،، وانا محلك سررر ماتغير شيء في وضعي ،، ورمرض ابوي الله يرحمه وموته خلاني ااخر موضوع الشكوى ع طليقي ! صعب اربي طفلي بالظروف التعجيزيه ذي !! اخاف ولدي بيوم يدور ابوه واهله لما يشوف الوضع الي هو فيه ،، رغم انه سعودي لكن لأن امه اجنبيه قاااااااعد يدفع الثمن غالي من الحين !! ليش مايغيرون القوانين ويسهلوها علينا شوي ،، والله انا ما ادور جنسيه ما ادور الا الستر وتربيه ابني افضل تربيه وتعليمه احسن تعليم واعوضه عن ابوه الي رماه ورماني بدووون اسف المطلقات الاجانب اكثر فئه مظلومه ،، والظلم ظلماااات يوم القيامه ،، الله حرم الظلم ع نفسه ،، فلا تظااالمو المطلقات الاجانب يخااافو يطالبو ويخافو يشتكوو عشان لا يلوون ذراعنا ويستغلون مشاعر الامومه فينا ويساومونا ع اطفالنا ،، نضطر نسكت ونسكت وعيالنا يدفعو الثمن وهم سعوديين اولاد البلد !! والله لولا خوفي من ملامه ابني بالمستقبل لأخذه بلدي اعيش فيه هناك اكرم لكن هذه انانيه مني !! متى توصل صرخاتنا لأولياء الامر ،، نحن مانبغا لنفسنا شيء ،، والله نبغا نربي اولادنا بدون الصعوبات التعجيزيه القاهره ذي اقلها يفرضون سكن وراتب للاجنبيه الي طلقها زوجها وظروف اهلها ماااااش !! نحن حريم مالنا حيله ،، صعب علينا نخرج نخالط الرجال عشان لقمه العيش والله كرامتي احسها صارت بالارض ،، بحكم عملي بالطبخ بالبيت والتوصيل للزباين ،، والله ما احب كذا ،، احب الحرمه المستوره ببيتها ومصروفها يجيها ،، نحن حريم ربي خلقنا نربي عيالنا مو نكد بالشوارع مثل الرجااال سمعنا بقرار اقامه دائمه بدون كفيل لأم الطفل السعودي مع حق التعليم والتوظيف ويشملها السعوده ف العمل ،، القرار من سنتين ،، للحظه هذه ماتطبق ،، طيب ليييييششش ؟؟؟ شوفوا حل يامسؤولين ،، حرام نحن اناااث بعضنا تستحي تطلع كثير ،، خصوصا معي ولد مافي احد يمسكه عني اضطر اشحططه معاي ف كل مشوار ،، وبالأخص مثل وضعي لا اثبات ولا شهاده ،، الظروف ضدنا بكل شيء ارجووووووووووووكم لاتقولون لي ليش تتزوجي سعودي وهالكلام ،، قصتي رويتها باحد المواضيع ،، ماكنت ابغااااااا ،، بس النصيب !! لا تستخسرون علي هالحق ،، صحيح انا اجنبيه بس ولدي سعودي ،، ماله ذنب يدفع الثمن ،، حرام لسه صغير ،، من حقه بحياه كريمه ؟؟؟ صح ولا لا ؟؟؟؟؟ |
الله يرزقكم
|
يا بنتي انتي شكلك مسكينه وعلى قد نيتك
اول شيء انتي من يقرر حياتك لا احد هنا يملك قرار حياتك اسمعي نصحي يابنتي اول حاجه انتي يجب ان تسألين نفسك هل زوجك ممكن يرجعك أو لاء ( انتي ادرى ) إن كان في مجال لارجاعك انتظري واصبري ان الله مع الصابرين ان كان لا توجهي للمحاكم نحن نعيش بدولة شرع ولله الحمد ولا نعيش بغابة زمن استعباد الاخر واستبداده ولى وانتهى بغير رجعه المحكمه تلزمه بان يستخرج لابنه اوراق ونفقة ثم ان كان لايريدك يطلقك وان الطلاق ابغض الحلال عند الله وهكذا تحفظي حقك وحق ابنك من الضياع ... ولا اعتقد من يرمي ولده هكذا وبهذا الشكل الا لمجنون ولو كانت امه فيها كذا وكذا يأخذ الولد ولا يطشه بالشارع هذا انسان لا يستحق الأبوبة الاف من الناس يتمنى أن الله يرزقه بولد على مر السنوات ولكن........ ما هذا ماذا يحصل بنا ..... والله ان لم ارى اولادي او اسمع صوتهم يوم واحد اشعر بان يومي غير طبيعي والحمدلله الذي فضلنا على كثير من خلقه .... |
كان الله في عونك نعم المولى ونعم النصير الزمي الدعاء والله على كل شيء قدير
|
أسأل الله ان يفرج همك عاجلاً غير آجل
|
اكثري من الاستغفــاار
|
ايه والله اكثري من لأستغفار
وربي يفرج همك يارب |
الله يفرج همك
ويسعد قلبك |
عليك بالاستغفار هو بلسم الجروح
|
[align=right]الله يفرجها عليكم عاجل غير آجل اللهم آمين [/align]
|
| الساعة الآن 09:42 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين