افيدوني بين الحرس الوطني والحرس الملكي
السلام عليكم ورحمة الله وبركاته
ياخوان انا حاب استفسر منكم انا مقدم على الحرس الوطني وخلصت كل شي سلمت اوراقي في شهر8 بس باقي استن رسالة الدورة ومقدم برضوه في الحرس الملكي وخلصت الكشف وكل شي واعطوني الاستمارة اكملها وموعد تسليمها لهم في1436/1/4 ودورتهم بتكون في نص شهر2 اللي حاب اعرفه انا خايف اسلم الاستمارة للحرس الملكي وقبل ماتجي دورتهم يتصلون عليه الحرس الوطني للدورة لان انا سمعت ان في دورة في بداية 2 ودورة ثانيه في نهايته للحرس الوطني طبعا انا ابغى الحرس الوطني عشان الحرس الوطني جاء تعيني على تخصصي وكيل رقيب فني صيدلي في المستشفى بالرياض تعيني وبالنسبة للحرس الملكي الرتبه جندي اول وامن وحماية مارح تكون في تخصصي انا متردد قلت بسلم اوراقي للحرس الملكي وحتى تجي دورتهم اذا اتصل عليه الحرس الوطني باخلي الملكي واروح الوطني بس اللي خايف منه اذا سلمت اوراقي للملكي وماجيت للدورة اكون مفصول عسكريا وانا خايف اذا ماسلمت الاوراق للملكي وماجتني الحرس الوطني تروح عليه الثنتين معليش طولت عليكم لكن اخوكم محتار اللي عنده اي معلومه ولا نصيحه لايبخل على اخوه وبالتوفيق للجميع |
بسالك سؤال وش اكثر وظيفة ضامنها
وانا اقترح عليك الحرس الوطني لانه على تخصص ودوامك في المستشفى |
استخير لكن اقولك ي الحرس الوطني ولا انتظر تعين الصحه
ب النسبه لي اذا ماجاني الحرس بقدم على بنتظر وزارة الصحه :) والله تورطنا حتى مافي طريقه نقدر نستفسر فيها علقونا وابلشونا |
اقتباس:
وبالنسبه للملكي مؤكد دورتهم في شهر2 واذا سلمت اوراقي خلاص انا معهم ومحتار اسلم اوراقي وخايف اسحب عليهم وما اجي الدورة واكون مفصول عسكريا مدري اذا المعلومه هذي صح ولا غلط ابغى اح يفيدني في المعلومه هذي |
اقتباس:
وبالنسبه للصحه وانا اخوك مطولين اعرف ناس لهم 4 سنوات وانا الصراحه مليت من الخاص والخاص مافي امان وظيفي وانا متزوج الله ييسر الحرس الوطني لنا ياااااااارب |
المشكله بعيده الرياضض جدا يبغالها تكاليف واخرتها تروح ماتاخذ منهم علم
واللي يبغى يجلطني اشوف ناس ب المنتدى يقولون لنا سنه ننتظر بديت افقد الامل والله |
اقتباس:
المشكل اتمناء لو يقولون لنا انتم خلاص مؤكد ودورتكم بتكون في تاريخ كذا ويعطونا وش نجيب معنا حتى لو الدورة تكون في شهر 6 اهم شي خلاص عرفنا ان صرنا موظفين في الحرس عشان نرتاح لكن الشكوه لله |
والله مشكله مدري وش الحل والله حرام المفروض نكون على بينه وعارفين وضعنا
|
ما شاء الله باين انك طويل من يوم قبلوك باالحرس الملكي ومسألة الحرس الوطني بإذن الله تراه وقت احسب لهم إلين شهر 3 كأقصى حد والله الموفق
|
اقتباس:
|
الساعة الآن 02:20 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين