اجراءات صرف الدفعات في رياده اللي جرب يعلمني
 

التمويل معتمد في رياده

ودخلت في الموقع ع صرف الدفعات
مكتوب اجراءات صرف الدفعه الأولى

الاحوال المدنية
التامينات الاجتماعية
مكتب العمل
الامانه
وزارة التجارة


مين جرب رياده
يعني اراجعهم كلهم وهل يطولون ؟
وش المطلوب
انا انتظرت سنه فأخاف تطول الاجراءات بعد ..
أفيدووني تكفون
انتظررررركم

تقديمي صار عليه سنه واسبوعين
واليوم تو يعتمد القرض

صح ريادة يطولون كثييييير

دامك انتظرت سنة كمل طريقك الحين جاك الاعتماد والقرض
تصبر سنة ويوم يجيك توقف

استخير اذا متردد
واذا معزم على المشروع روح لهم اتوقع هم يشرحون لك كل شي وايش المطلوب

يخوي انا قدمت في المعهد وانا مثلك حالتك لاكن تم صرف الشيكات لاول مجموعه من عندنا وعددهم 7 اشخاص وانا رحت لهم قال انت الدفعه الثانيه والتسليم شهر 2 وسلامتك

انت اخذت الدفعه الاولى اذا اخذتها

تروح للامانه وتاخذ شروط المحل وتستاجر محل وتروح تطلع سجل تجاري وتركب لوحه

بعدين تودي كل هالاوراق لرياده يعطوك الدفعه الثانيه

قبل مايستأجر لازم يخلي البلدية يشوفون المحل ويقولون له اذا مناسب وتنطبق عليه الاشتراطات او لا
وبعدين يستأجر ويدفع الايجار

الله يوفقكك من خلال تجربتي في رياده من تبدأ تسجل في رياده الى ان تجيك رسالة اعتماد القرض هذا وقت رياده( وبعد هذا تعتمد عليك انت وسرعتك في انتهاء تحقيق الشروط بالنسبه لي في الدفعه الأولي عطوني ورقة شروط قالو جب الطلبات هذي

1 برنت احوال 2 برنت العمل 3 حساب بنكي بأسم المنشأءة ( عشان تطلع حساب بنكي لازم تروح للوزارة التجاره وتطلع سجل تجاري ) وبعدها تروح للبنك وتسجل حساب بأسم موسستك او مشروعك 4 ورقة الكفيل تآخذها من بنك التسليف وتعبيها من كفيلك 5 ايصآل رسوم بنك التسليف 6 صورة لك وصورة لكفيلك

وبعد مآتخلص تعطي الاورآق رياده ويغلفونها ويضبطونهآ ويعطونك هي ويقولون لك توكل على الله وعطهآ للبنك التسليف وتروح لبنك التسليف ويعطيك أورآق توقعهآ وبعدهآ توكل على الله وآحسب 3 يآم والدفعه بحسآبك

نصآيح عشآن مآ تتأخر

- جهز 200 ريال قيمة السجل التجاري - جهز 3000 ريال اذ قرضك أكثر من 200 الف أو 2000 ريال اذ قرضك أقل هذي رسوم البنك التسليف - وانت رآيح تفتح حساب فيه شرط دآيم يتأخرون أغلب اللي مستعجلين ي اللي هو ختم بأسم المؤسسه تسوي في المطآبع والقرطاسيات ولازم تعطي المطبعه السجل التجاري وهذا من أهم شروط البنك عشان تتطلع حساب -


أهم نصيحه لك صور 20 صورة للبطآقتك وخلهآ بالسياره لأن كل مآدخلت موسسه حكوميه يقولك هآت وجيب مره 1 مره 2


أسئل الله أن يوفققك وييسر أمورك وأمور الجميع

بالنسبة للريآده أقل من سنة من ست شهور الى 9 شهور لأن البدآية بالتسجيل بالموقع وبعدهآ اللقاء التعريفي وبعدهآ المقابلات الشخصيه وبعدهآ الاستعدآد للدورة ومدتتهآ ثلاث أسآبيع وبعدهآ موآفقة الفرع على المبلغ والمشروع وبعدهآ تروح الاورآق للرياض للريآده وبعدهآ ترجع للفرع اللي انت فيه وبعدهآ تروح الاورآق لبنك التسليف في الرياض وتجلس بحدود شهر او شهر وكم يوم وبعدهآ ترجع للفرع ويتم إعتمآد القرض من بنك التسليف عشان كذآ تآخذ فتره مآهي كثيره بحكم أنهم يبون يعطوني قريشآت :p


بالتوفيق

أنت رح خذ إذن من رعآية الشباب عشان يسمحون لك وآختصر الوقت عشآن تصير سريع :d