مشروع صاله رياضيه
السلام عليكم يا شباب ومساكم بالله بالخير
انا عضو جديد في المنتدى الاكثر من رايععع<< مافي عزيمه منا ولامنا << لالا امزح هههه اخباركم عساكم بخير انا قدمت في معهد رياده والحمدللله قبلوني وسويت درااسه لمشروعي والحمدلله قبولني حيث اني قدمت على 300.000 الف ريال ولاكن نقصوها على وصارت 200.000 الف مدري ليه بس حبيت اسئلكم هل تكفى 200.000 الف وبغيت منكم استفيد كم اخذ حجم المحل الله يوفقكم يا رب والي يسئل وخايف من شهادة الخبره ابشرك السنه ذي تقدر تطلب تمويل بدون شهادة خبره:Thumbs: |
تستاهل يا راااايع احلى عزيمه وابشر بحقك ومحفوظ متى مابغيت سير وذبيحتك والمه
بالنسبة لمساحة المحل والله ماعندي خلفيه لكن اعتقد 200 ألف غير كافيه اجار المحل اعتقد بيكون عالي لو بتاخذ معارض او صف محلات والناس ميولها للانديه الكبيرة والمساحات الكبيرة بتصاميم انيقه فدخلك بيكون شوي منخفض بالبدايه الى ان تتميز بشئ يجذب الزوار لك والاجهزة وتجهيز المحل والمدربين اعتقادي لاتكفي والله اعلم مثل وقت اللياقة وبودي ماستر مسيطرين على السوق تمنياتي لك بالتوفيق والى الامام |
الله يسلمك ويعافيك يا اوائل الخير
لاكن الى بفتحه انا صاله رياضيه بليادرو وكافيه بس |
وردك يكفيني يا اوائل الخير
ممكن ردود يا شباب كم مساحه المحل ؟؟؟ |
معقوله المشاهدات وصلت 60 واحد ولا احد اعطاني رايه
انا صراحه دخلت هنا لاستفيد من خبراتكم وتستفيدون مني لاكن افدكم بالي عندي ولا استفد من خبراتكم معقوله كذا |
والله مشروع ممتاز
انت عارف الشباب مسكره بوجيهيهم جميع الاماكن ويدورون شيء يشغل وقت فراغهم ويتجمعون فيه صالة البلياردو على حسب الي شفتها بالمدينه كبيره فيه صاله دور واحد ولاكن المساحه كبيره تستوعب يمكن 30 طاوله والصاله الثانيه دورين والمساحه وسط تستوعب يمكن 20 طاوله غير البلايستيشن والصاله الخاصه وصاله صغيره دور واحد تستوعب 15 طاوله مع الكوفي والمطعم وكشك بيع المضارب ومستلزمات البلياردو انصحك تفتحه برضو وربي يوفقك ويسهلك امورك ان شاء الله |
بيضك الله وجهك ورحم الله والديك يالوتر على التحفيز هذا
ايه الشباب من كل شي ممنوع ما عندهم الا صالات الترفيه سلمات اياديك على كلماتك الرائعه لا عدمناك |
كافيه + صالة بلياردو + كمبيوترات ( انترنت + game )
من أفضل المشاريع ، المجتمع السعودي .......من اهم مميزاته مجتمع شبابي ، نسبة الشباب عاليه ،،، بالتوفيق ،،،،:Thumbs: |
اقتباس:
اشكرك على ردك المتواضع انا من فئه الشباب كل ما اروح مكان قالو لي عوايل طفشششنا عشان كذا هذا كان قراري |
أخوي أنا قدمت ع ريادة بنفس مشروعك واخذت صاله مساحتها 297متر مربع بس للحين مابلشت بالعمل أنا بالبدايات بسس من خلال دراستي للموضوع أكثر شي بيمص دراهمك الإيجار بسسسس والباقي تقدر تخليه حبه حبه يعني البداية ب3 طاولات وبعدها هيك تزيد تزيد أي خدمه أنا تحت أمرك
|
الساعة الآن 01:59 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين