معهد الدراسات الفنية للقوات الجويه
السلام عليكم
انا طالب في معهد الدراسات الفنيه من تاريخ 17.1.1434 وبعد سنه من هذي المده كان فيه ابتعاث للولايات المتحده الامريكيه طبعاً سجلت اسمي ووقعت على اوراق إنزال دورة وقالوا لنا كل وتحد في غرفه وانتم تعتبرون طلبه المهم كان كل الكلام ذا كذب رحنا هناك كل 42 شخص في حضيره وماتطلع الا في الويكند ولا وبعد فيه مواقيف بعد !! المهم بعد نص المده جات زياره لقائد القوات الجويه فياض الرويلي وقتها المهم قال اللي ينزل من امريكا فصل ، وينزلون بعده طلبه لسعوديه 'باك هوم' حول ال 180 شخص واغلب قضاياهم كانت ( غش ، حشيش ، شراب ، مضاربات ) ورجعوهم الى المعهد بعد ماقال فياض الرويلي انهم فصل وهم قضاياهم انضباطيه المهم بعد فتره حول 6اشهور رجعنا حنى اللي كان فيه امل ان نجتاز اللغه بس ماحلفنا الحظ وكانت رجعتنا بسبب اكاديمي المهم يوم رجعنا الا ويقولون لنا انت شوهتوا سمعت السعودية انتم السبب في كل شي المشاكل كله منكم ثم قالوا انتم مفصولين وعلمناهم كل شي قالوا عندكم القياده في الرياض روحوا لها رحنا للقياده قلنا نبي نقابل قايد القوات قالوا في المانيا قلنا طيب النائب قالوا بعد راح الى قطر قلنا حنى نقابل من قالوا تقابلون قايد التدريب " اللواء خالد سقلي " قابلناه وعلمنا كل شي وقلنا اخويانا رجعوا الى المعهد قال كذا * انسى اخوياك انت وهو اخوياكم مستثنين * وكل يوم في مكان ندور اللي نشتكي له الحل ياشباب |
|
اقدر اقدم على وظايف وملفي عندهم الين مالقاء لي وظيفه ؟
|
ياشباب ابي حلكم وجهوني قولوا لي وش الصحيح ترا ماحطيت الموضوع قرايه بس
|
الله يعينا واياك انا كنت من طلاب المعهد قبل خمس سنوات دوره 118 وخلصت الفرد الاساس ودرست بالمدرسه اسبوعين كلها تقريب اربع شهور وفصلت انا من نفسي لعده اسباب ومن ضمنها اني ماقدرت استوعب عسكريه بحته ودراسه بنفس الوقت ماقدرت اجمع بينهم ابد لدرجه مرات يخلونا نروح للمدرسه بدون فطور !!! ناهيك من شده التعب النفسي والبدني . والله يالمعهد انه ضيع مستقبلي انا والكثير من الشباب تخيل بعد مافصلت سجلت بالجامعه تخصص انجليزي بكالوريوس والحمد لله اخذت الشهاده ماحصل لنا التدريس قلت بدخل رقيب بالطوارئ لحين يجي تعييني معلم وتفاجئت بعدم قبولي لسبب اني كنت عسكري سابقا المهنه تعدلت الله يلعن المعهد ياشيخ , نصيحه لاتخلي حقك راجعهم انشب لهم واذا مانفع رح لديوان المظالم وقدم شكوى والله يوفقك
|
اقتباس:
ايه والله صدقت يآخوي المعهد يجمع العسكرية والضغط والدراسه في نفس الوقت ، والتوقيف بسبب تإخير حصه والسبب من النهائي يجازي او ضابط يطقطق .. اعرف ناس زيك فصل بعد الفرد الاساسي وقدم على الطوارئ وانقبل ! .. والله ياخوك - رحنا اشتكينا بس فيه ورقة قبل لنطلع الى امريكا وقعناها ويوم نطالب فيها يردونا ويقولون عند القيادة اللي بالرياض نروح الى الرياض يقولون في الظهران وكل اشوي خط من مكان ومن ديرة واللي بالشمال واللي بالجنوب من كل مكان ندور على حقنا بس مالقيناه ناهيك عن بعض الاصدقاء اللي تعرض الى حادث كله من سبب المعهد ماندري وين نروح نروح لهم يردوننا على القياده اللي فالرياض .. رحنا الى سلمان بن عبدالعزيز قالنا ان شاءالله يصير خير توكلوا على الله والى الان مافيه اي خبر حسبي الله ونعم الوكيل |
مدأأم مشاكلة كذا الحمد للة مارحت لهم لانهم قبلوني وكان موعدي بشهر رمضان وسحبت عليهم لان محد نصحني فيها وبعدين ثلاث سنين تضيع من عمرك عشان وكيل رقيب شي يقهر صراحة الله يفرج همك انا وخوك ويرد لك حقك .
|
اقتباس:
احسن لك مارحت لهم ناس كذابه .. الله يسمع منك |
الساعة الآن 10:39 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين