غرفة الشرقية تنظم معرض الوظائف للجنسين تحت رعاية أمير منطقة الشرقية 3ـ6 محرم 143
اليوم جتني رسالة على الجوال وهذا نصها: يسرنا دعوتكم لخضور معرض وظائف 2014 والذي سيقام بمركز شركة معارض الظهران الدولية بالراكة خلال الفترة 3 ــ 6 محرم 27 ــ 30 أكتوبر 2014 بمشاركة أكثر من 100 شركة وستكون أوقات زيارة المعرض من الساعة 10 صباحاً حتى الساعة 10 مساء وقد تم تخصيص اليوم الأول والثاني والثالث للرجال واليوم الرابع للعائلات فقط لمزيد من المعلومات يرجى زيارة الموقع الالكتروني www.wadaef.sa |
جزاك الله خير
|
الله يستر بس لا يصير مثل معرض السيف الماضي والمعرض اللي قبله
يعطيك العافية |
الحقيقة المعارض فقط اعلام
ودعايات للشركات اما التوظيف لا يحقق النسبة الدنيا من التطلعات ياليت بدل هذه المعارض يعتمد برنامج تدريب تقوم عليه الغرفة وتشارك به جهات حكومية داعمة |
الى الحين فيه ناس مؤمنه بمعارض التوظيف !
هههههههههه من ايام الملك فهد الى الحين , النظام ماتغير مافي جديد . تجتمع الشركات والقطاع الخاص وتطلب من الغرفة التجارية رعاية امير المنطقة او رئيس الغرفة يكون راعي للمعرض , بنرات دعاية مع مندوب الشركة معه قلم و استمارات عبيء ودبسها مع اوراقك وخلها نتواصل معك ان شاء الله واهررررررب ههههههههههه استغلال حتى على حساب الشباب و الشعب للمصلحة الخاصة ! هذا يصددق قول : مابني على باطل فهو باطل اذا الفساد اذا ينبع من اعلى مناصب الدولة .. محتوم ان يتسرب ويجري لكل منصب تحت رايته الوطنية ب_ب وحجم فساده على قده على حسب ,, من الى عامل النظافة تخيلتو هههههههه الله يصبر كل عاطل , ويسهل على كل طالب علم |
ما اصدق معارض التوظيف بس ايش ورانا نروح نتمشى ونقدم
شكرا لنقل الخبر |
[align=center] ليش هالأحباط ياشباب ؟؟
فيه شركات محتاجه فعلا وتتصل عليك اذا مؤهلاتك مناسبه وأكثر من واحد نعرفه توظف عن طريق معارض التوظيف وأنا شخصيا ً احدى المرات رحت ، وجاتني أتصالات بعدها بأيام من كمن شركه لكن ماناسبتني عروضهم ... المشكله بهذا الأسلوب ياشباب تهدون عزيمة بعض اللي يبون يروحون أتمنى من كل عاطل يروح خصوصا أن فترة المعرض طويلة من 10 الى 10 وشكرا ً[/align] |
انا عاسل ايدي من المعارض اخبرها من عام الي قبل حق معرض سيف كلة نصب محد اتصل
نجرب بنروح حق الظهران ونشوف وضعهم هل مثل السيف او لا |
[align=right]
شكرا لصاحب الموضوع ،، ---------- الاخ / احمد ابو عدنان الصراحة كلمه الحق ذكرت من قبل الاعضاء الى الان ومنذ 7 سنوات وفي كل سنه يقام معرضين توظيف على الاقل ولا اتصال على المتقدمين ؟؟ و عند حضورك لملتقى التوظيف او المعارض اغلب ممثلي الشركات لايتواجدون والبعض الاخر يكتفي بـ اعطائك كرت للموقع ويقول لك قدم عن طريق الانترنت ؟ اولا لاتوجد وظائف مستحدثة معارض وملتقيات التوظيف # شكليات فقط ومسكن من وقت لاخر لان ليست هناك جهه تشرف على التوظيف فعلياً الله يوفق الجميع .. [/align] |
مافهمت الموضوع
بس بالتوفيق للجميع |
ادا الكلام صحيح ليه ما يكون في الموقع او اعلان اسماء الي تم قبولهم في شركات.
. الاسم الي تم قبولهم واسم الشركة هذه المعارض اكثر ما تكون دعاية واعلان لكثرة المتقدمين على الوظائف بعض الشركات تكون غير متواجده بعض الشركات تاخد وقت كثير مع الباحث عن عمل والبقيه ينتظر بعض الشركات التقديم عن طريق الموقع بعض الشركات تبي تخصصات معينة بعض الشركات الوظائف مكانها ليس في المنطقة الشرقية تخيل الي جاء قدم في شركة من الشركات الموجوده في المعرض 100 شخص او 200 هل سيتم الاتصال مع جميع المتقدمين ع الوظيفة الجواب لا انا شخصيا افضل ارسال CV على البريد الالكتروني لشركات لان بعذ الشركات تروح لها الي مقرها او في معرض التوظيف ويقول لك التقديم عبر الموقع طيب ادا عند الموقع هناك سؤالين 1- بالنسبة للموظف الي يستقبل طلبات التوظيف-- انت جاي هنا وش تسوي وتوظيف عن طريق الموقع -- لاتعليق 2 - بالنسبة للباحث عن العمل - انا ابحث عن عمل وجيت هنا وتالي تقول عن طريق الموقع يعني المعنى الي جاء او ما جاء نفس الشيء هذه المعارض جيده ولكن عيوبها هي 1- تخيل انك تروح ويقول لك احد الشركات مثلا نبي جامعي تخصص ما ادري شنو ؟؟ او نبي كليه تقنية او كلية الجبيل تخصص ؟ بعض الشركات تبي تخصص معين طيب حطو ورقة جنب مكان عرض الشركة ف المعرض التخصصات المطلوبه ؟ يوقف الواحد جنب المعرض اكثر من 10 دقائق ومسؤول الشركة يتكلم معاه شخص واحد ومليون الف واحد واقف ينتظر دورة وبدون ترتيب ولا نظام وتالي تساله عن الوظائف ويقول ما نبي كليه او مانبي جامعه نبي تخصص معين من زمان انت تنتظر وتالي على الفاضي او اختصار للوقت 3 اشياء مطلوبه لاختصار الوقت وهي : تخصص المطلوب والوظيفة المطلوبه رواتبكم حدود كم مكان العمل وخد CV ادا مناسب انا اتحدى اي واحد يروح ولا يصير هذا الكلام الي كتبته معاه بختصار كلمتين . ((( لايوجد نظام ))) مثل معارض الغرفة التجارية في الغرفة التجارية ومعارض السيف لكن اشكر جميع شركات و القائمين على التوظيف واتمنى من الجميع الشركات النظام والترتيب |
مع اني ماعرف احد اشتغل من هالمعارض توظيفيه عدا خريجي جامعة البترول اللي يكون المعرض بجامعه نفسها ومو كلهم يستفيدون منه .. اما خريجي جامعات والكليات الاخرى صراحه بالنسبه لي ماخليت ولا معرض مارحته وماشوف اي تواصل او جديه بتوظيف حتى ايضاً اصحابي ماشفت احد استفاد واشتغل عن طريق هالمعارض..
لا والمشكله بعض الشركات تحضر ويقولك سجل بموقع او بعضهم واكثرهم يقولون لي وظائف بالشرقيه مافيه !! مدري شالفايده من المعرض المفروض بما انه بالشرقيه الوظائف المطروحه تكون بنفس المنطقه مو بمناطق بعيده عنها .. وايضا اقدم عليها وماشوف تواصل بس شكله يقولون كذه عشان يتخلصون منك بدري .. نروح هالمره ونشوف شوضعهم يمكن فيه تحسن ! |
اقتباس:
كلاامك سليم 100% .. |
سؤال .. هالمعرض هذا لازم تسجل في موقعهم قبل زيارة المعرض ؟
لأن في موقعهم رابط تسجيل الزوار . |
اقتباس:
لا مايحتاج تسجيل ولاشي ، بس تحتاجين شغلتين كرتون موز شربتلي فاضي مشحون بنسخ من السيرة الذاتية |
اقتباس:
أسأل الله أن يرزق من يبحث عن وظيفه ، من واسع فضله وأن يغينا بفضله وكرمه . |
ياليت اللي يروح اليوم يذكر لنا تجربته للمعرض ؟؟؟؟؟؟؟؟؟؟؟ وكيف تقييمه له
|
[align=center]اي صدقت لو احد يفيدنا من الي راحوا نكون شاكرين
انا بروح بكرة ان شاء الله دعواتكم[/align] |
[align=center]إذا في أحد راح لهم اليوم ...يوافينا بالأخبار
والله يوفق جميع المحتاجين [/align] |
أنا رحت اليوم..
الحمدلله المعرض أفضل بكثير من المعرضين اللي قبل سواء من ناحية تنظيمية أو من ناحية الشركات التنظيم كان كويس ما فيه تدافع والدخول سلس جدا رغم ان اللي يشوف زحمة المواقف برا يتوقع ان ما يمديه يمشي خطوة داخل المعرض.. بالنسبة للشركات صح ما أعطيهم الدرجة الكاملة لكن على الأقل أفضل من قبل.. اللي قالوا لي سجل من موقع الشركة تقريبا 7 شركات بس ( عكس المعارض اللي قبل كانت شبه كل الشركات تقول عشان تسوق لنفسها ) أنصح أي واحد يروح يعرض تخصصه على مندوب الشركة قبل عشان يعرف هل عنده فرصة أو لا.. بالنسبة للي شهادتهم ثانوي أو أقل ما أنصحهم يجون لأن الإقبال أكثر شي على الدبلوم ثم البكالوريس.. وكثير من الشركات كانت تسألني عن مدى إجادة التحدث باللغة الانجليزية.. حدود 70% من الشركات سألتني هالسؤال ( بحكم اني ما خليت شركة ما مريت عليها هناك ) اللي بيروح، أفضل له يروح بالفترة من 10 صباحا إلى ما قبل العصر هي الفترة اللي يكون فيها كل مندوبي الشركات موجودين بالتوفيق للجميع وأحب أنبه انها وجهة نظر شخصية ممكن غيري يختلف معاه الكلام |
اقتباس:
|
فيه دوره اخر يوم للنساء
بحضرها غير كذا مستحيل افكر ابحث عن وظيفه من عندهم قممة الفشله بمعرض السيف اللي من شهرين لاوظفو ولاشيء ! |
لو سمحتي اختي انثى الغيم
اي وقت الدورة ( وليتك تعطيني معلومات كافية عن الدورة ) جزاك الله خير |
[align=center]يبون دبلوم شبكات ؟؟؟
مع خبرة فني حاسب ؟؟؟ بدل ما ناخذ مشوار من الجبيل والله يوفق الجميع[/align] |
أنا رحت اليوم وأنصح أي احد يروح وتقريبا كل المؤهلات مطلوبة حتى الثانوي وأستغرب من الي قال ماينصح للثانوي انه يروح ! بالعكس .. فيه شركات كثير تبي ثانوي و فيه شركة تبي ثانوي حديث التخرج بعد !
|
اكثر شيء رغبه بالمعرض الوظيفي من وجهة نظري ..
1- التخصصات الهندسيه بكالوريوس وبعدها دبلوم 2 - الثانويه والتخصصات المهنيه واقل شي لاحظته رغبه هي وظائف المحاسبيه والماليه والاداريه (بكالوريوس ودبلوم) فيه شركات تاخذ بس انه قليل .. |
فعلا مهرجان منظم
شركات ومسئولين محترمين التقديم للجميع بالنسبة لورش العمل النسائية راح تكون عن ( الاستعداد الوظيفي) الاستاذة بدور الزامل فيه فترتين الظهر 12ونص والمساء الساعه سبعه بتاريخ 30/10/2014 بالتوفيق للجميع |
الحين هالمعارض توظف وين .؟؟؟ يعني لو نبي في منطقتنا يوظفونا بمنطقتنا ؟
|
مرحبا بنات اللي راحت المعرض تبدي انطباعها اذا حلو رحت
|
يعتبر المعرض افضل من اللي قبل بكثير وصدق من قال اليوم رحت تقريباً مريت عليهم كلهم وقدمت عند عدد لابأس فيه
|
طيب اختلاط او لا واللي موجودين رجال ولا حريم؟!
|
اليوم الخميس للكل رجال ونساء
|
بالتوفيق للجميع ان شاء الله
|
الساعة الآن 09:58 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين