الربح الخفي في سوق الخضار
بسم الله الرحمن الرحيم كثرة المواضيع بخصوص سوق الخضار الكثير تحمس يخش بالشغلة لكن وقت الجد والبدء في التنفيذ لا تجد أحد الا من رحم ربي . أنا يأخوان أحد أعضاء المنتدى دخلت على أغلب مواضيع الخاصة بسوق الخضار تحمست وحبيت الشغلة قلت خلني أنزل حراج الخضره بسوق جدة وأدرسه بشكل يومي لعلي أطلع بنتيجة وفعلا يوم بعد يوم الى أن عرفت تقريبا 80% من طريقة الكسب أبطالها الدلال أولا بخبرته وعلمه بالبضايع اللي جايه يقدر يقولك وش تنزل اليوم ويحرج عليه عشان تمشي بضاعتك بسعر مربح. الدلال اللي لقيته ماشاء الله عليه وين مايحرج والزباين ماشيه معه وباقي الدلالين ماحولك أحد ثانيا أنت يالبايع علاقتك لازم تكون مع دلال واحد عشان يكسبك وأنت تكسبه . ياأعزائي أول يوم جيت للحلقه كانو أغلبهم (طبعا بنقاليه) منزلين بضايع فاصوليا وفلفل أخضر ما عدا واحد (بنقالي) منزل 10 كراتين تقريبا باميه والله صار قدامي وصل المزاد ل130 ريال للكرتون .ثاني يوم نزل الاغلبيه باميه بس ما وصلوا للسعر هذا وخوينا البنقالي الوحيد منزل خيار تقريبا 30 كرتون وانباع ب40 ريال خوينا هذا فهم الشغله وفهم السوق وينزل بضايع نظيفه وما ينزل بضاعته الا عند الدلال هذا وبس والكل صار ينتظر بضاعته بحكم نظافتها . اللي حزني أن اللي يبيعوا أجانب تمنيت يكون سعودي. اللي أبي أوصله أن الشغله فيها مربح لو طلعلك بالميت 1000 ريال باليوم بشهر 30000الف بس مشكلتنا ياأغلب السعوديين أننا نتكبر على الشغل وما عندنا صبر و أنا عندي الحل . الشغله سهله بس يبيلها تنظيم وتعاون : أهم شي العزم والجد والثقة والأمانه والصبر أهم الامور لنجاح الشغله. : محتاجين أحد عنده مزارع أو يكون بمنطقه تكثر حولها المزارع بمعنى المناطق الزراعيه (جيزان .نجران .عسير .الطايف .تبوك ..) أسعار الخضار في السوق بسعر رخيص بحكم وجود المزارع حولها . وأنا مستعد أتكفل ببيعها بمنطقتي (جدة) طبعا جدة مفيدة للي يبيع ومهي مفيده للي يشتري بحكم الطلب على الخضار وعدم وجود مزارع حولها والربح والخساره بالنص ونقضي على سوق العماله ومحد يرسل الا النضيف وأنا والله ماابي غير أني أفيد واستفيد واعتذر أني طولت بموضوعي واللي عنده أي ملاحظات أتقبلها بصدر رحب واللي حاب يتعاون معي أنا موجود وحياه الله. ودمتم بود. |
الله يوفقك ويرزقك من واسع فضله
|
انا خضت في غمار السوق بجدة وتعلمت اسراره في ايام والمكاسب شيء لا يخطر ع البال وكسبت من السوق في خلال الساعة الواحده يوميا ما بين 150 الى 200 تزيد يوم وتنقص يوم وحصل اني دخلت بمبلغ كنت مجمعه وراح اكثر من نصفه بلمحة البصر لكن المكسب الحقيقي هو من زرع واجتهد بالزراعة وسوق بضاعته .
ثم بعد ذلك يأتي المكسب لمن يشتري من المزارع وهو عارف الاسعار والمواسم وأين يضع البضاعة بالاسواق وكيف يحافظ على جودتها اثناء التنقل من مدينة لأخرى ايام الصيف وغيره . ثم يأتي من يشتري من اسواق بعيده ويبيع بالاسواق ذات الاسعار الاعلى وهؤلاء مكسبهم ضئيل وافضل دخول للسوق ان لم تكن مزارع هو الشراء من مزارع بعيده كما هو كلامك لكن بعد حفظ الاسعار 100% ومعرفة الجودة الأفضل وان لم تعرف ذلك فأتبع طرق اخرى افضل لك حتى لا تخسر اموالك بدون تمحيص والحمد لله خرجت من السوق بخسارة ولكن استفدت معرفة بالسوق وخبايا بشكل لابأس به ولا زال السوق يحكمه الوافد وبني جلدته حتى مع النظام الجديد ولولا الاشغال والبحث عن وظيفة لرجعت للسوق لكن الله يصلح الحال ويرزقنا جميعا من فضله . |
اقتباس:
هل تعلم ان مافيا العمالة الوافدة تبيع بخسارة ليوم او يومين لتكسرك وتخرجك من السوق لتبقى هي المسيطرة انت لم تخسر لكن هناك من تعمد تخسيرك |
اقتباس:
|
اقتباس:
سوق الخضار احلى ما فيه انه فيه مكسب بس يبيله صبر وما يحتاج لراس مال عالي اللي ممكن تقضي عليك لو خسرت . كل اللي يهمنا للنجاح فهم السوق والتعاون والجديه ان خسرنا ما خسرنا الكثير ونكون استفدنا واخذنا خبره نعالج فيه خسارتنا للتجارب اللاحقة.. أسعدتني بمرورك |
اقتباس:
الشيء الاخر اذا اتى وقت النظافة تذهب بها وتبيعها عند المساجد وغيرها ولن اجعلك تبيع هنا لأن المكان لايتسع ووانا الان في بداية تجارتي واخاف الخسارة فقلت له جزاك الله خير وتركته . سوق الخضار افضل بكثيير من الوظائف والدخل فيه قوي جدا لكن ان لم تكن صاحب مزرعه او مستورد او مشتري من مزارع بعيده او مستأجر بسطات ومعاشق فمكاسبك ضعيفة جدا ولا تستحق الجهد هذا الا من وفقه الله ورزقه . |
اقتباس:
والله ياخوك عقولهم مهي أحسن من عقولنا ولا تنسى انهم في بلد غير بلدهم ممكن يكون عندهم دهاء التجاره بحكم خبرتهم لكن أنت ممكن تكسب الخبره لو مارستها وشغلت تفكيرك بكل صغيره وكبيره مهو شرط تدخل السوق على طول خذ جوله يوم يومين وراح تعرف الطبخة. تحياتي لك |
عزيزي / انا من منطقة زراعية تحيط بها مزارع الخضار من كل الجهات لكن
المشكلة في النقل من منطقة الى اخرى ربما يسبب تلف الخضار المنقولة |
اقترح انشاء قروب
محب الخيل اين المنطقه ؟ وبالمناسبة هل تؤيد فكرة النقل لأصحاب المزارع كل فجر وهل اصحاب المزارع محتاجيين لمن ينقل لهم ؟ ان اشتريت البضاعة غطيها عن الهواء وتوكل على الله فانت بفصل الشتاء والنقل لايسبب تلف مثل فصل الصيف . ما دام المزارع متوفرة وانتاجها وفير فالسالفه الاخرى سهله جدا وفرصة لا تعوض . |
الساعة الآن 07:24 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين