بغيت اقتراحاتكم في مشاريع وملاحظتكم حيث ان راس المال لا يتجاوز 180 الف ريال
السلام عليكم ورحمة الله وبركاته.
اسعد الله صباحكم بكل خير اعزائي الاعضاء واخواني القراء. احمد الله اولاًْ واخر علي ان رزقني ودلني علي هذا المنتدي الغالي والمفيد الذي اسأل الله ان يوفق القائمين عليه ويرزقهم ويرزق جميع الاعضاء من حيث لا يحتسبون انه ولي ذالك والقادر عليه. من لا يستثمر هذه الايام فمتي يستثمر؟ سؤال انتظر له اجابه ليست اجابه فقط بل و ارشاد من اصحاب الخبرة وهم بذالك مأجورين بإذن الله. عن نفسي استطيع تأمين حوالي 150 الف ريال الي 180 الف ريال. فكرت في اكثر من مشروع يغلب علي فيها التردد.لا ادري هل اقدم ام انتظر ولكن الي متي الانتظار. موقعي في الجبيل واعمل في شركة للبتروكيماويات وعملي شفتات وهي ما زادت علي الامر صعوبه. المشروع الاول :- شراء تريله مع سطحة او صهريج خاص بالمواد الكيماوية والمحاوله بإدخالها لشركة او للميناء لنقل البضائع من ميناء الجبيل للدمام. او تركيب طرمبة قلاب واستخدامها قلاب. ولكن البعض ذكر لي بعض العيوب وانا في نظري ان لم تخسر فلن تربح منها ان التريله يبغالها مال علي جنب في حالة تعطلة لا سمح الله تجد المال الذي يسارع في اصلاحها. ومنها ايضاً ان القلاب متعب للتريله ويكون خرابتها كثيره نظرا لانها تمشي علي جلد مثال مساعد مكسور بستم منفقع ذراع مفكوك ومن هالقبيل. المشروع الثاني:- فتح محل حدادة ولكن اتوقع في الجبيل اسعار الاجار غاليه للورش. لكن تحدث الي باكستاني اني استأجر المحل واجيب العدة وهو يجيب العمال ويتكفل بكل شي ويقولي ان الشغله ما تتجاوز 80 الف كاملة من الف الي الياء. ويعطيني مبلغ معين نهاية اخر كل شهر من 2000 الي 3000 الالف. المشروع الثالث:- جلب سواق وشراء سيارة اينوفا من تويوتا بقيمة 35 الف الي 40 الف وجلب سائق خاص مصري او هندي ويكون سائق خاص ومنها بعد مشاوير خاصه داخل الجبيل والجبيل الصناعيه والدمام والخبر. يعطيني مبلغ نهاية الشهر وابي مشورتكم كم المبلغ اللي يستاهل انه يتحصل اخر الشهر مع خراج السايق . هذي هي مشاريعي اريد منك النصح والارشاد وجزاكم الله عني وعن كل مستفيد من هذا المنتدي خير الجزاء. وانا من المنتظرين لارائكم وارشاداتكم وارئكم التي ليس لي عنها غني لا عدمتكم وصلى الله علي نبينا محمد وعلى اله وصحبه وسلم تسليم كثيراً وفير. |
اولا الله يطرح البركه في مالك ويزيده يا رب
كوجه نظر " من ناحيه المشاريع الي ذكرتها اشوفها ما تراعي المجمتع ككل فانا لو كنت امتلك هلمال بسوي التالي بشتري تريله ما يتعدا قيمتها 80 الف ريال واجرها لشركات او مووسسات بحيث يكون قيمت ايجار التريله 7000 ريال راح من مالي 80 الف والمتبقي 80 الف بامكان فتح مغسله " على حسب خبرتي والى اعرفه انك تفتح مغسله 100 الف لاكن خل مشروع المغسله على جنب اتفقنا ان الباقي الى معك 80 الف ريال لو كنت شخص فاهم بلحلال فتاجر في الطليان والبهم واذا ما كنت تفهم في الشي هذا بمكانك تخلي المبلغ 80 الف على جنب وبدخل التريله الى انت ماجرها على الشركه تاخذه توزده على مبلغ 80 الف ريال وكذا انت تقدر تفتح مشروع ثاني كوجه انظر لا غير والله يبارك في مالك ويزيده اسف على الاطاله الله يوفقك وينور دربك |
بالتوفيييق اخوووي ..
مغسلة سيارات لو نقول يومياً بتغسل 15 سياره * 20 ريال = 300 ريال يومياً 300 ريال * 30 يوم = 9000 ريال غير الويكندات وغير الأعياد وغير الإجازات |
اتمنى لك التوفيق
اخونا منقادوا اعطاك الكلام السليم |
اقتباس:
اخوي الغالي معهد ريادة اول شي شرف لي انك مريت علي موضوعي وابديت رأيك واعطيت اقتراحاتك. الشي الثاني التريلات عشق واعلم بأسعارها المرسيدس ال بي موديل 1996 نظيف قيمته لا تقل عن 160 الف ريال والجفالي بصفه عامة غالي لما يمتلك من مواصفات مناسبة لنا.والمستورد لا تقل عن 110 الالف . الغنم افهم فيها ولكن وقتي ضيق نوعاً ما واعرف ان فيها رزق بشرط تعدي 100 راس لكي تحمل مصاريفها والمغسله فكرة جيدة وتدور في راسي. الله يبيض وجهك علي المرور وتقبل تحياتي |
اقتباس:
اخوي منقا دوا الله يحيك تحية المطر يالغالي ويطول عمرك ويجمل حالك علي هذا الترحيب بي وهذا من طيبك وطيب اصلك. التريلات بشكل خاص والنقل الثقيل بشكل عام من شيول الي بوكلين الي قلاب تاله قلبي تل احبها واحب العمل فيها لانها تجارة وشيك في نفس الوقت وريحة الديزل ماشية بعروقي:d. انا اللي خوفني منه ان التريله لازم تطلب قطع غيار واخاف انه يجي يوم وتطلب واجد وراس مالي محدود انا لو عندي مقدرة اخلي مبلغ للطواري علي جنب شريت وانا مغمض .بس بإذن الله راح اتحدي هذا الخوف وادخل هذا المجال لانه في مخيلتي ولا يفارقني ابداً ونسبة دخولي فيه 90% بإذن الله. المشروع الثاني والثالث فقط قلت تمشية حال حتي ادخل مجال النقل الثقيل والاينوفا بأشتريها مستخدمه. وانا والله ما احب شغل المشي حالك يأشتغل شغل جامد ولا استريح. عساك ذخرا وتاج واسعدني مرورك يالغالي |
اقتباس:
أعبط عبيط يا هلا وغلا فيك واسعدني مرورك بالنسبة لمغسله السيارات اجاراتها غاليه بالجبيل والفيز عليها صعبه ولا هي تدخل ذهب. وصعبه تفتح مغسله وما عندك غير عاملين تقبل تحياتي يالغالي |
اقتباس:
اخوي الغالي محب اسعدني والله مرورك وشرف كبير انك طليت علينا بطلتك الله يرزقني واياك واعضاء المنتدي من واسع فضله تقبل تحياتي يالغالي |
يأخواني الاعزاء اعتذر علي الاطاله في عدم الردود نظرا لإنشغالي بعملي تقبلوا تحياتي وننتظر تفاعل اكبر والله يعطيكم العافيه
|
حكاية انك تصرف وتجيب عامل يعطيك كم ريال نهاية الشهر هذي اولا صارت مطاردة من وزارة التجارة والعمل وصار لها عقوبات ثقيلة وما زالوا يفكرون في مزيد من العقوبات هذا غير الاضرار بالبلد
في رأيي افتح محل حلويات او مطعم محترم وما يحتاج منك غير التوريد ومتابعة مسائية والربح خيال وبأقل من المبلغ المطروح بكثير وطبعا القصد محل نوعي وليس مثل المطروح في كل زاوية |
الساعة الآن 02:06 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين