|
سؤال عن دعم الصندوق
مرحبا
انا خريج IT وجلست سنه ونص عاطل ولقيت وظيفة ادارية مؤهلها ثانوي يراتب اجمالي 5400 المهم الشركة اتفقت مع الصندوق من اجل الدعم واكتشفت ان الدعم اللي حاطينه لها الوظيفة هي لمؤهل ثانوي وانا مسجل في الصندوق اني بكالريوس الشركة قالو لي يتاخش الدعم او بنطلعك من الوظيفة وانا لي شهر ونص بالوظيفة وماخذها كدخل فقط لاغير لمدة سنه وبعدين اطلع مفهوم الدعم انهم يدربونك لمدة 3 شهور ويكملو الدعم لمدة سنه وياخذون الشركة من الصندوق نص الراتب وحق التدريب وطبعا اذا دخلت في الدعم مايصير تندعم مره ثاني في وظيفتي مافي تدريب ولا خرابيط وش الحل يااخوان مابي اندعم الحين واذا طلعت من الشركة بعد سنه ماتقبلني اي شركة كمبيوتر لاني اندعمت |
اقتباس:
على البركة بالوظيفة و انا اقول لك وافق و اشتغل و اكسب الخبرة و مشي حالك بالراتب أما بالنسبة للدعم لا تشيل همه أنت اذا توظفت و الشركة مو عاجبتنك دور شركة ثانية و عندك سنة أنا سبق اشتغلت 8 شهور و كان الراتب مدعوم و طلعت لشركة ثانية و دخلت لموقع الصندوق و شيكت طلعت مو مدعوم فالظاهر لازم تكمل مدة معينة عشان تصير مدعوم و احتمال يعجبك الوضع و تجلس معاهم و بعد مدة و بمجرد اكتسابك للخبرة الشركات راح تطلبك و مستعدة تدفع لخبرتك حتى لو سبق دعمك بالتوفيق |
انا اندعمت لمدة سنتين ولا شركة او موسسة اقبلتني لاني مدعوم وطبعاً الدعم مره واحده لايحق لك تندعم مره اخرى
|
اخواني اكثر اللي يطلبو موظفين غير مدعومين يكونو شركات صغيرة وتعاملها غير احترافي ابدا
واغلب الشركات الكبيرة لا تضع في بالها هذ الشرط والله يوفق الجميع |
دعم الصندوق لطالب العمل مرة واحدة فقط وبامكانك تكملة الدعم اذا لم تتجاوز المدة المحددة 15 شهر
يعني اذا توظفت بالشركة لمدة 5 شهور وفصلت بامكان اي شركة اخرى تكملة الدعم ل 10 شهور طبعا المنشئات تختلف ليست جميعها تقوم بتقديم طلب الدعم من الصندوق |
| الساعة الآن 03:56 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين