السلام عليكم ورحمه الله وبركاته
احوال الجميع
ياناس ماعاد اتحمل وربي بنفججر من كثر مشاكلي
اقسم بالله ماني عارف اللحق على ايش
بعضها متوسطه بس كثيره يعني ليش
كل هالمشاكل ليه انا الي عمري كله اعاني
واطنش الي حولي دايما مايواجهون هالمشاكل
وبعضها تافه وانا اعاني صعوبه فيها
وسبتها من بالنسبه 70% من الوالد
والوالد كرهني في عيشتي بسبت مرضه نفسي
كم مره جنني وضربني حتى انعدمت شخصيتي
والى يومكم ماقدرت احل مشكله الخوف اخاف بسرعه
اخاف من كل شي في اتفه اشياء بسبته
والعايله خذوا قسمهم مني
والله عظيم من كثر هالمشاكل كل يوم
اتذكر البلوه الي بلاني اياها الله وفي سن طفولي
وهي عظيمه جدا وكبرت حتى انفضحت عند الكل
ولو اشوف الي حولي والله محد عاش الي عشته
من مشاكل وتعب نفسي ومعاناه
لا من اهل ولا من الناس
في كل مره اسلك لعمري اقول هاذا الي ربي كاتبه لي
ولازم اركز في مستقبلي
تطلعلي الف مشكله ومشكله حتى في مستقبلي
انا مستجد في الجامعه اول اسبوع عانيت والله بالسماه عانيت
بشكل ماتتوقعونه لاسواقه لا مخ زي الناس كنت 0 في السواقه اللحين اعرف اسوق شوي تسليك يعني
وحالتنا الماديه زفت وكنت احيانا اتغيب عشان ماعندي يوديني
لان العايله الكريمه محدن بيوقف معي ويساعدني كلن همه نفسه
واذا اشتكيت كلن ينافخ علي ويسلك لي وكم مره رحت معا صديقي
وكان يخلص بدري بدري وانا ماخلص الا 9 الليل !!!!!!!!!!!!!!!
وربي عذاب واضطر اتهرب من محاضرات واروح معا صديقي
واحيانا صديقي يرحمني يخليني احضر محاضره زايده
وينتظرني وراحت علي دروس وواجبات وامور كثيره
وضعت وحست وشفت مساري يحتاج لغه انجليزيه بسبب الدكاتره بعضهم اجانب
عشان اكمل لاني انا سنه التحضيري
انا تفكيري في الجاي لان انا ابي تخصص حاسب والحاسب لازم انجليزي كامل
واضطريت أجل دراستي الى سنه الجايه والعايله بغت تنجلط وسببولي مشاكل
وولما شرحت لل الوالده والوالد قالت الوالده انت الي ماتبي تروح !!!!!!!!!!!!
واحلف لها واقولها ولاصدقتني والى يومكم تعاير
وقعدت اصارخ ماتتذكرين يومني اقول ل ابوي ابيه يوديني وعيا ولما طلبت تدقين على اخوي يوديني ومن هالكلام
اقسم بالله العايله هاذي بالخاطري اتبرا منهم الى يوم دين
زايدين علي الطين البلا محد يوقف معي ويساعدني
كلن يمد حنجوره علي
واللحين امي معصبه تحسبني مبسوط عالوضعي
معا اني اقترحت ادخل معهد انجليزي وكنت متحمس
وحتى هي تبيني ادخل واذكر هاوشتني عليه
كنت بتوظف عشان اصرف على عمري
ولما جاء يومها سحبت علي وغيرت رايها
لانها بتسوي نزاله لان من سكنا في البيت وهي ماسوت نزاله لنا ساكنين 3 سنوات
عشان حالتنا الماديه زي زفت
صارت العزيمه اهم مني والمعهد الي ابيه مهوب فاتح مره ثانيه هالسنه وكان افضل معهد
ويهم مستقبلي وقالت لي رح توظف لاني ماني قادره ادفعها
وبعطيك اذا جاء الشهر الجاي وش فايده الشهر الجاي
طيب العزيمه منتي مسويتها اللحين أبدأي فيها الشهر الجاي
وش المشكله يعني مستقبلي هاذا بدت العزيمه علي
ومره طلبت من اخوي يسلفني وقلت بتوظف عند الشركه الفلانيه
وبرجعها لك يضحك يقول امي بتعطيك بتعطيك وهو عارف
وهاذا انسان من اقنط ماخلق ربي بخييل واناني اهم شي اغراضه والباقين لا
وقاهرني هالشخص
والوالد كالعاده مامعي مامعي وومطنش سالفه المعهد
وربي انه قادر يجيب الفلوس لو له مصلحه كان جاب لي المبلغ
كلهم معطيني ظهورهم
وكرهت هالعايله مذله موطبيعيه
وانا اكره ماعندي اطلب من احد يعطيني لانهم ببساطه بيذلوني حتى يخلوني انتحر من الضغوط
ولين اللحين يبوني اودي واجيب واروح واجي والسبب لانك فاضي وتستاهل ليه تأجل دراستك
وبنفس شينه يقولونها وكل يوم مشاكل معهم
المشكله محد يعرف بالي قاعد اعانيه
مشاكلي كثييررره جدا اقسم بالله ماني قادر احصي لها لكم
وكلها تأثر على مستقبلي وكلها يبيلها جهد
والله عظيم احيانا ابككي من الماضي اسود والحياتي الي موطبيعيه
كل الي حولي حياتهم حلوه وماشيه امورهم
وانا مصايب الدنيا كلها عندي لازم مايمر يوم الا احس بالغبنه واقول بتنفرج عن قريب
ومايصير شي تعبت ليش انا الي تصير لي هالبلاوي ليش مشاكلي كثييره تعبت
انحرجت والله فيه حاجات ماقدر اقولها لكم لانها تضرب الوتر الحساس
وكل ابواب مقفله في وجهي
ومازلت احاول اتعايش معا وضعي حتى احيانا احس اني مريض وفيني بلا لان احس اني مو طبيعي لان ودي اروح مستشفى افحص نفسي
وودي اعالج بعض امراض الي فيني الي الى يومكم ماعالجت ولا وحده منها

اقسم بالله علي عظيم والله الشاهد لو اقول كل مشاكلي ماراح اخلص الا في سطر 700
الي اكثر شي محتاجه اللحين هو وظيفه عشان ادخل اي معهد
لاني ماني قادر اللحق على شي
تعبت قدمت في كل شي وكلهم يبون شهاده حاسب
ولغه
فكرت اشتغل كاشير معا ان الوالد لو يدري بيذبحني بس مافكرت فيه
وتذكرت اني ماعرف احسب بسرعه احيانا هاذي بعض مشاكلي
لان الكاشير لازم بسرعه يحسب ويعد وانا ككككثيير نسيان

والله بالسماه لو انتحار مو حرام انتحرت من زمان لان ماعاد استحمل الوضع
انا اتكلم معاكم بالجد اسويها وربي اسويها
كم مره فكرت اسويها عشان ارتاح وتمنيت ماحس في نفسي ولايكون لي آثر
بس الي خفت فيه بروح لل الآخره وبرجع مره ثانيه !!!!!!!
مره والله عظيم من كثر مافكر في كل مشكله
جتني كذا فكره ودي اجرح يدي كلهم لعلني ارتاح وحسيت بلهفه حسيت بتريحني نفسيا
والله عظيم بغيت اسويها حسيت اني برتاح
احس اني احيانا انسان موطبيعي
الكل يضغط علي ويستفزني مو عارفين الي فيني مكفيني محد يرحمني

ارجووووووووكم اتمنى اي احد يساعدني اتوظف
ابي امن مستقبلي العايله الي عندي محد بيوقف معي
اعرفهم والله الي بيساعدني ادعيله الى يوم دين

الله يعينك وان شاءالله لي عودة بإذن الله (: دخل وقت الصلاة الحين ولازم اطلع من المنتدى وان شاءالله راح نلقى لك حل , وقل الحمدلله على كل حال ..

لاحول ولاقوة الا بالله العلي العظيم
الله يسهل امورك يارب ويهدي اهلك لك ويهديك لهم ويسخركم لبعض
ياخوي لا تحبط نفسك ادري مشاكل و معاناه بس لا تقعد تتكلم عن نفسك كذا
هالشي بلحاله يدمر نفسيتك ويخليك تقتنع ان مخك مدري شنو
لا ياخوي محد ما عنده قدرات , انت شوف وش تحب وش قدراتك

وانت قايل ان ابوك عنده مرض نفسي لازم تقدر هالشي وش تسوي يعني

والله مدري شقولك لكن اهتم بنفسك ولا تحاول تحتك باحد وانت معصب
واذا احد استفزك اطلع من عنده و تعوذ من الشيطان عشان ما يخليك تفكر افكار موب زينه
زي الانتحار الي انت قلت عنه اعوذ بالله لازم تعرف ان الدنيا هذي دار سفر مصيرنا نموت بالنهايه
وامامك خيارين اما جنه او نار و كلنا نعرف ان اذية النفس محرمه شرعاً
و المنتحر يدخل النار


انا والله ما عندي افكار تفيدك بس حبيت ارد عليك
وادعيلك الله يوفقك يارب ويسهل دراستك ويسعدك يارب

ان شاءالله اخواننا الشباب يكون عندهم اشياء تفيدك و يتعدل وضعك باذن الله
بالتوفيق لك اخوي

ربي معاك

لاحول ولاقوة الا بالله
لا حول ولاقوة الا بالله
اخي اذكر مكان اقامتك لعل من هنا يستطيع مساعدتك

الحياة مشاكلها لن تنتهي وانا كذلك في حاله نفسيه لا يعلمها الا الله ولكن تعلمت يوما أن الله لطيف خبير ومن يدعوه بجوف الليل او حتى الصباح بقلب خاشع سيجد منه الفرج ان كان عاجلا فلقدرته وان كان آجلا فلحكمته وان الله دائما يختار للعبد ما هو خير له والايام تحكم والواقع يشهد فلو اطلع الناس على أقدارهم لأختاروا ما اختاره الله لهم ولنا في قصة موسى عبرة حينما ولد في يوم الذبح ولنا في قصة يوسف عبرةً أقوى حينما رموه اخوته بالبئر وعاش بعدها بما يقارب 50 عاما بغربه وعذاب حتى فرج الله آمره وجعله يوما عزيز مصر .

يا آطخم ثق تماما أن الأشياء السيئة لن تستمر إلى الأبد وحاول أن لا تجعلها تستمر أكثر من سنوات وأن الكوارث دائما ستحل على رأسك مهما كانت وهو الشائع بهذا العالم إلا مارحمه الله ولكن تحتاج منك صبر وجلد وبشر الصابرين الذين إذا أصابتهم مصيبه قالوا إنا لله وإنا إليه راجعوون .

اكثر من الأدعيه وأقرأ عن الهموم والغموم واكثر من قول لاحول ولاقوة الابالله واحفظ دعاء الكرب وادعي به في كل صلواتك وستجد خيرا بإذن الله الواحد الأحد الذي لايحمد على مكروه سواه .
واكثر من قول لاإله إلا انت سبحانك إني كنت من الظالمين اللهم إني أستنصر بك فانصرني واستعين بك فأعني ياآآآآآآرب لا تخذلي وأدعي ما شئت وإن أردت البكاء فا ابكي وانت ساجد وستجد الفرج القريب فالله أرحم بك من أمك وأبيك ولا شك ولا ريب بل هو أرحم بك من نفسك التي تحبها والله المستعان .

ومن باب مشاركة الهموم سأوجز مختصر مما عانينه على شكل نقاط من حياتي ويتخلل امرها عذاب نفسي لم أنساه بل نسيت التعب الجسدي اما النفسي لا زال ملازما فقد تخرجت بعد المرحله الثانويه ولا توجد جامعة قريبة للتخصص إلا بعد 250 كيلوا وتم التسجيل وتكبدنا عناء السفر والمفاجأة لم يكن بها سكن للطلبه وبدأ مشوار العذاب سيارة متهالكه وسكن متهالك تماما فقد سكنت أربع سنوات الا شهورا يسيره بعمارة الوافدين (العماله) من الجاليه البنقاليه والهنديه وغيرهم لعدم المال الكافي والمصروف الشهري 840 والعمارة منتهية الصلاحيه بما تعنيه الكلمه من معنى لا تكاد الروائح تخرج منها والحشرات اشكال وانواع وحدث ولا حرج وسفر وكابدت وكافحت بمصروفي حتى اعطال السيارة ادفعها من المكافئه لشراء القطع فقط والباقي اقوم بتركيبه بنفسي مهما كان العطل المكانيكي ام الكهربائي الا ان كانت اعطال كبيرة جدا جدا فا احاول ان اجمع مالها من العائله بشتى الطرق ومرت السنوات بلمح البصر وتخرجت عاطل مباشرة وبدأت المشاكل تجر بعضها البعض وحتى الحالة الأسرية سأت والحمد لله وكان الاهم عندي في حينها الشهاده هي واجهه مهمه لي ورجعت الآن ادرس مرة أخرى ونفس المعاناه ستكرر لكن بتدبير وتصرف افضل وعقل واعي افضل بكثير مما كنت عليه ايام بداية الجامعه فالآن استطيع العيش لوحدي وأدبر اموري بنفسي بحكم مرارة تجربتي ولا أخفيك الاسبوع الماضي نمت بالشوارع اما بحديقه او بخيمه مهجورة او تحت كبري او بأماكن عاليه او بالسيارة اذا أذاني البعوض وكل هذا حتى أوفر مدخراتي فلا مصروف ولا شيء من حطام الدنيا حتى حافز ما ينزل وكرامتي ما تسمح لي أن اخذ مبالغ من غيري والحمد لله على كل حال .

الحياة تستمر وتنتهي سريعا والوقت يمضي وما هو الا دقائق وثوان فالله يقول في سورة النازعات ( لم يلبثوا إلا عشية أو ضحاها ) والوقت ليس متأخر يآطخم حتى تبدأ تلم أوراقك من جديد وترتب وضعك وتعيش حياتك كرجل تصنعه الشدائد ابذل كل قصارك في أخذ دوام وظيفي جزئي أياً كان او أي وظيفة في المساء ولا تتركها حتى تتدخر مبلغ وقدره ثم تفرغ لطموحك ودراستك وسترى النور قريبا ببلوغ آمانيك مهما صعبت حياتك .

الكلام يطول واعتذر منك فكلامك أعجبني وتعبيرك ينم عن عقليه متميزه أسأل الله أن ينفع بك ويفرج همك وأن يبدل حالك إلا سعادة بالدارين قول آميين .

آخر نقطه دع الوالدين بمشاكلهم وحاول أن تخفض لهم جناح الذل من الرحمه وتدعي لهم مهما كانت الظروف فهم مهما فعلوا يحبونك وكل أب او ام يحب أبناءه لكن الظروف تجبرهم على إظهار هذا الشيء وإن تغير حالك وأحسنت إليهم فسترى رضاهم عليك مهما طال العمر او قصر وهذا ما يتمناه المرء وتعتبر هي الغايه التي تنجيك بعد رحمة الله .

اذكر المنطقه فمن خلالها نستطيع ذكر الأفكار التي تعينك بحكم خبرة السنين والعمل الحر .
اما قضية الانتحار فهي والله التخلف والهروب من الواقع لا لشيء انما لغباء بالعقل فهنالك طرق كثيرة للعيش مهما صعبت الحياة

جزاكم الله خير علئ المساعده حتئ لو كانت مجرد حروف
فهي تسعدني
وانا من سكان اهل الرياض
والئ اخ محمد الحربي الله يفرجها عليك يارب
الحمدلله انك خلصت اهم شي الي هو بكالوريوس هاذا اهم حاجه
وحاول تجمع خبرات وتجيب لغه وصدقني اذا جبت لغه بتلقئ وظايف
انا ياناس تحملت كل شي اذكر في المتوسطه كنت اقول في نفسي، بخلصها وبروح الئ الثانويه وبرتاح لان فضايحي في المدرسه قد شعر راسي وسبب قله البخرات الاجتماعيه وضعف الشخصيه وماكنت اعرف اتكلم مثل الرجال
والله تلخبطت علي الدنيا وكنت اموت بدال المره مليون مرره
لاني اذكر شعوري اني مانيب رجال او مراه او بزر كل شي تلخبط معي وكنت تعبان نفسيا
فيه الكثير والكثير سلبياتي بسبب مشاكل صرت مختلف جدا وشخصيتي اختلفت
وفي ايام الثانويه كنت انقهر وماتحملت طفشت من حالتي وجبت فلوس بالحرام واستمريت سنه كامله حتئ ربي عاقبني
انا انسان جدا حساس بأمور معينه مثل العنف اطفال واغتصاب اتحسس من هالأمور وافكر بدال المره مليون مره واشيل همها معا انه مايخصني وما اتحمل الظلم واحب اساعد الناس بكل شي لدرجه اليوم نبهت مراه من منتج يجيب سرطان وشفته في مقطع في مستشفى التخصصي منتجات مسرطنه
لاني انا ما اتحمل عذاب الضمير واكثر شي اتحسس فيه هم اطفال مثل قضايا خطف وكذا احزن بشكل موطبيعي واشيل همه ويضيق صدري ويتعبني نفسيا ويجيب لي اكتئاب لدرجه اختي قالت لنا قصه صارت في سوبر ماركت قريب من بيتنا
طفله انخطفت فيه والي خطفها يمني واغتصبها الله لايرحمه ولايغفر له ذنبه الله يجعل عاقبته شنيعه اللهم يارب اجعله يتعذب في موته الله لايرحمه ولايوفقه مادري كيق طاوعه قلبه انا ماقدر اتخيل الموقف شلون جاه قلب مثل كذا كيف ينام
والله حتئ اذكر فتحت مقطع مدري شلون فتحته وطلع 18+
وكان الي مغتصبها رجال وهي بنت صغيره طفلله صغيره بغيت امووت من القهر الله يبلاه بالإيدز الله يلعنه اه اطفال هذولي مافي احد يوقف معهم في هالزمن حتئ اخوك ماتأمنه بالشي
اعذروني علئ الكلام زايد بس والله اني تعبت مابي افضفض لاني احس مافيني نفس لو ماتكلمت
واهل اليوم استلموني اول ماصحيت استلموني من 8 الليل وخلصت مشاويرهم 11 الليل وتلايطت ماقلت ولا كلمه
هاذا غير كلام ابوي الي يقلب مره هادي ومره معصب إهانات ومتحمل ومره كويس
انا ما انكر سلبياتي كثيره مثل اتلفظ علئ ابوي وهو مو موجود وسبب الماضي الي عشته بسببه لاني من كثر ضغوط ماني استحمل اي شي لو بسيط كم مره تحسبت عليه ويجيني تأنيب الضمير لو تلفظت
الله يزينها يارب ي كريم

الله يعينك ويسهل دربك
حقين المؤسسات يدورون سعوده حتى يعطون من1000 الى 1500
مش نفسك فيها لين تلقى وظيفه

الرياض سعودتهم ماشيه للطلاب من 1500 وفوق وتجدهم بموقع حراج
اعانك الله وقبل تسجيل اسمك بالشركة اسألهم عن نشاط الشركة هل فيه محظور شرعي ام لا .

سعوده +تفرغ للدراسة = نجاح كاسح بإذن الله

بالتوفيييق

السلام عليكم ورحمة الله وبركاته


اولاً ارحب بك وارحب بالاخوان اللي بيض الله وجيهم وماقصرو , وثانياً اعتذر على تأخيري بالرد ,


ندخل بموضوع اخوي اطخم , من اللي قريته وانا اخوك ابحط اللوم عليك مو على اهلك واسمحلي بالكلام هذا ,


واللي متضح لي انك عجل وتبي كل شي بسرعه واعتقد انك اتذمر لو ماحصلت ع اللي تبيه , وهذا من كلامك بإنك اتحسس كثير من امور كلها بيد رب العالمين ,



عشان تقتنع من كلامي ! شف مصايب غيرك سواء بالسعودية والا خارج السعودية من الدول الفقيره وبعدها قل الحمدلله



لانك ماراح تقتنع الا لما تشوف مصايب غيرك , لها السبب الناس تقول من شاف مصيبة غيره هانت عليه مصيبته ,



انا ليه حملتك الغلط ؟! اكيد تتسآئل وتقول في خاطرك هذا مهبول ؟! اقوله ثور يقول احلبه , معليه يالغالي خذني على قد عقلي وقل عني اللي تبي ,



كان من المفروض عليك تتحمل اهلك اللين الله ياخذ امانته بعد عمرٍ طويل لك ولوالدينك ومن تحب يارب , الام والابو لهم مكانه عظيمه حتى وان اساءو المعاملة معنا ,



رب العالمين يقول وجادلهم باللتي هي احسن , وصدقني والله العظيم مافي اب يكره عياله ولا ام تكره عيالها , ودليلي على هالكلام ! خل يجيهم خبر انك بالمستشفى الله لايقوله ولا يقدر عليك ان شاءالله , شف وش يصير فيهم ؟ اشهد بالله ان عقولهم تطير من الروعه , لانك مهما كان انت ظناهم ومالهم غناة عنك ,




وحط في بالك دايم ان الله مايبعد عنك شي او يأخر عنك شي الا وفيه خيره لك بالاخير , وتأكد بعد ان هالمصايب هذي اللي تجيك , فيها خير ماالله به عليم , وذكرك بعد بكلام الله , رب العالمين يقول عسى ان تكرهو شيء وهو خيرٌ لكم , عسى ان تحبو شيء هو شرٌ لكم والله يعلم وانتم لاتعلمون ,



وماتدري ! لعل المشاكل اللي انت فيها تخفيف ذنوب لك واحتمال تكون اختبار وابتلاء من الله لك , فاالله يبتليك لاجل يشوفك هل انت من اللي اذا جته المصيبه شكر واذا جته النعمه شكر ! والا من الناس اللي ان جته نعمه احيان يشكر واحيان بالخيشه , واذا جته المصيبه كفر وتذمر والعياذبالله ,


وصدقني انا عارف مقدر حالتك يعلم الله , لكن حبيت ابين لك ان العجله والتذمر والحساسيه ماوراها الا المصايب والكدر ,


انت تعامل مع اهلك بكل احترام وود , واي شي يبونه لا تقول لا وخاصه امك وابوك اعيد واكرر خاصه امك وابوك , لان الام والابو مايحبون احد من عيالهم يراددهم او يعصي كلامهم , وراح تذكر كلامي بعد عمرٍ طويل يوم تتزوج وتجيب عيال , او على الاقل حط نفسك مكان ابوك وتخيل انك تكلم واحد من عيالك ويجلس ينفخ عليك او يطول لسانه عليك ! وش تبي تكون ردة فعلك ؟! هي نفسها ردة فعل ابوك عليك الحين ,



انت عليك مجاهدة نفسك بإنك تصبر على المشاكل اللي تجيك وان اكثرت او طولت , فوالله والله انها خير تحتاج لحمد وشكر ,



وحاول ماتنزعج لا تتذمر ولا تتحسس ولاتعصب اذا بغيت شي وماقدرت تحصل عليه , والله والله انه فيه خيره لك لايعلمها الا الله , واذا تبي حياتك تستقيم ؟ برد والديك حتى وان جتك منهم مضره , واحرص على صلاتك فاوالله فيها خير لايعلمه الا قليل , وفي كل صلاة وكل سجد ادع لنفسك وادع لوالدينك ان الله يصلح شانهم ويزين امورهم ويرضى عنك وعنهم وادع لخوانك ولخواتك , فاوالله اقرب مايكون العبد بينه وبين ربه وهو ساجد , واحرص بعد على الدعاء , فلولا الدعاء ماخرج نبي الله يونس ولولا الدعاء مانجى نبي الله ابراهيم ,




اقرأ هالايات واتعظ منها !

وَلَقَدْ آتَيْنَا لُقْمَانَ الْحِكْمَةَ أَنِ اشْكُرْ لِلَّهِ ۚ وَمَن يَشْكُرْ فَإِنَّمَا يَشْكُرُ لِنَفْسِهِ ۖ وَمَن كَفَرَ فَإِنَّ اللَّهَ غَنِيٌّ حَمِيدٌ (12) وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِاللَّهِ ۖ إِنَّ الشِّرْكَ لَظُلْمٌ عَظِيمٌ (13) وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَىٰ وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ (14) وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ (15) يَا بُنَيَّ إِنَّهَا إِن تَكُ مِثْقَالَ حَبَّةٍ مِّنْ خَرْدَلٍ فَتَكُن فِي صَخْرَةٍ أَوْ فِي السَّمَاوَاتِ أَوْ فِي الْأَرْضِ يَأْتِ بِهَا اللَّهُ ۚ إِنَّ اللَّهَ لَطِيفٌ خَبِيرٌ (16) يَا بُنَيَّ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنكَرِ وَاصْبِرْ عَلَىٰ مَا أَصَابَكَ ۖ إِنَّ ذَٰلِكَ مِنْ عَزْمِ الْأُمُورِ (17)



في آخر الايه رب العالمين يامرنا بالصبر ووصفه الله بعزم الامور , نصيحتي لك وانا اخوك اصبر اصبر اصبر , ادري حاس بأن الصبر يطول في كثير من الاوقات , لكن لازم تعرف ان هذا الشي ماهو الا خير لك في نهاية الامر , وان كان على الدراسه ! فإنت لاحق عليها ان شاءالله , لان العلم مايخلص ولا له عمر معين , ولا تهتم لكلام الناس , لان حنا ماذبحنا غير كلام الناس واهتمامنا بكلام الناس هو اللي ضيع حياتنا ,


سو اللي في خاطرك دامه مايعارض الشرع , ولا تخلي كلام الناس السلبي يأثر عليك , وثق بالله تمام الثقه , واحسن الظن بالله دايم في كل كبيره وصغيره , واحرص واحرص واحرص على الصلاة وكثرة الدعاء , واياك واليأس واياك واليأس واياك واليأس , لانه ه اللي بدمرك فالمرتبه الاولى من بعد كلام الناس ,




والله اني متعاطفٍ معك , وودي اعطيك اكثر لكن ماودي اكثر بالهرج , ولكن الشباب ماقصرو وفيهم الخير , وان شاءالله مابنقصر معك بإذن الله ,


وبالاخير اسأل الله لك الخير والصلاح , وجعل ربي يزين امورك ان شاءالله , ان بغيت الشور حاضرين طال عمرك ,


بالتوفيق ان شاءالله