وظيفة القطاع الخاص
 

السلام عليكم ورحمة الله وبركاته.
كيفك حالكم ياأعضاء المنتدى الرائعين ..
ابشركم جاتني وظيفة مدرسة برياض الاطفال في روضة أهلية ..
وعندي عدة أسئلة عن ذلك ..

1-هل التامينات الاجتماعية هي نفسها الموارد البشرية؟

2- انا مستفيدة من الضمان الاجتماعي , اذا سجلت بالتامينات الاجتماعية يقطعوا عني الضمان او لا؟

3-في حال كان الضمان ح ينقطع اذا سجلت بالتامينات الاجتماعية اقدر اني ما أسجل بالتامينات ويصير بس اخذ راتب الويظيفة 1500 ريال ,لان الوظيفة في الخاص مو أمان يمكن باي وقت يقول مستغنين عنك .
هاذي استفتاراتي وارجو الرد عليها وجزاكم الله كل خير..[/COLOR]

وعليكم السلام ..
الله يوفقك ومبررروك ع الوظيفه ..
وبالنسبه لسؤالك هل التامينات الاجتماعيه نفس الموارد البشريه اقولك لتوقع لا وان شاء الله احد يفيدك للي لهم خبره ..
اما سؤالك الثاني ايوه حبيبتي تطلعين من الضمان اذا سجلتي ..
وسؤالك الاخير عادي تاخذين راتبك بدون لتسجلين بالتامينات انا مدرسه دين بمدرسه خاصه بس ماسجلت بالتامينات واخذ الضمان ﻻنوووه ع قولتك المدارس الخاصه مو مضمونه ..
اتمنا اني افدتك بشي ..[align=center][/align]

الله يسعدك نور المدينة , وييسر لك كل خير ..
ويبارك بعمرك حبيبتي ..
طيب الحين اذا وقعت العقد مع مديرة الورضة اقولها اني ماابغي اسجل بالتامينات الاجتماعية, ولا انا اختار اسجل او لا ؟
افيدني الله يسعدك لاني ابد ماابغى اسجل بالتامينات

وعليكم السلام
شوفي اختي فيه موضوع مثبت بالأعلى بقسم الضمان اقرأيه بعنايه وببساطه اذا لم تكن الوظيفه حكوميه وراتب القطاع الخاص 1500 او 2000 ابعدي عن هذه الوظيفه بمسافه 500 كيلو متر
حتى لايروح الضمان عليك مع البرامج الاخرى اذا كانت حكوميه اقبليها اما غير ذلك لالا
رأي ونصيحه اخويه والقرار قرارك

شاكرة لك ع الرد اخوي المنتصر ,
بس الضمان كله 800 ريال , مايسوي شي بهالزمن ,وانا ابغى الوظيفة عشان اخذ دورات واطور نفسي , وكمان يصير معاي شهادة خبرة وبعدها ممكن اتوظف بمكان افضل , او اذا اضفت شهادة الخبرة بملفي في جدارة ممكن تتيسر لي وظيفة معلمة لازم الواحد شوي يجازف 800 ريال ماتكفي وانا عندي اطفال ..

اذا ممكن تجاوبني او اي احد من الاعذاء الزامي التسجيل بالتأمينات؟

راتبك بالقطاع الخاص يجيك من جهتين الفين وخمس ميه من المدرسه والفين وخمسيه من الموارد البشريه ، والتأمينات مختلفه عن الموارد ، سنوات خدمتك بالقطاع الخاص تحسب لك ومثلا لو عملتي معلمه حكوميه مستقبلا وكانت خدمتك بالقطاع الخاص سنتين بدل ما تتقاعدين بعد عشرين سنه تتقاعدين بعد ١٨ سنه
وبالنسبه لجداره ترى الخبرات والدورات ما تقدمك ولا تزيد نقاطك ، لكن بتنفعك بالقطاع الخاص اكثر
بالتوفيق

التسجيل بالتأمينات الزامي على صاحب المنشأه وهو شر لابد منه

شاكرة لك سيف ماطر ,والمنتصرباله
ممكن اخ سيف تشرحي لي وش الفرق بين التامينات و الموارد؟

ماما انا موظفة صار لي سنه وراتبي 3500 ولا انقطع عني الضمان
حتى انتهت بطاقتي ورحت وجددتها ولا جابو لي طاري واختي نفس الشي
راتبها اربعه وضمانها ماشي والحمدلله

وانا نفس حالتك كنت خايفه خاصه يوم انتهت بطاقتي
قالت لي بنت خالي ماراح ينقطع هم عليهم من الوظيفة الحكوميه اذا موظفة حكومي تنقطع ع طول
لكن المقطوعه مايمديني اقدم عليها قالو لي ماراح تنزلك

الله يوفقكم يااارب