السلام عليكم ورحمة الله وبركاته


حبيت اعرف كم يكلف فتح بقاله فتحتين بدون البضاعة والإيجار ؟

...............،

( رفوف. ثلاجات. طاوله الخ،،،،)



ولو بحط بضاعه كم تكلف ؟

[align=center]على حسب ايجار المحل
هو اللي يتحكم بالتكلفة..
يعني فيه محل اجاره بالنسة بــ 10000 ريال وفيه بــ 50000 الف ريال
الله يوفقنا وياكم [/align]

بس انصحك اذا كنت من اهل الرياض
تعال حي نمار وطريق نجم الدين (الغروب) <<المنطقة هذي تقبل لو محححل سكراب

تسلم اخوي عبدالله ما قصرت

بس انا اسأل عن التكلفة بدون إيجار وبضاعه يعني الثلاجات والرفوف وهكذا ؟

وثاني شي سالت عن البضاعة كم تتوقع تكلف ؟


الإيجار خليه ونا اخوك هذا يبي له حسبه لوحده لا تدخله معنا ههههههه كل موقع بسعره


الله يعطيك العافيه

وفقك الله اخوي بمشروعك

اعتقد الرفوف والثلاجات من 30 ----الى 40 كحد اقصى

اما البضاعة على حسب الكميات من 150000 ----الى 200000

[align=center]وعليك السلام ورحمة الله
الرفوف سعرها حسب مواصفات الطول والعرض والعمق
فـ مثلاً
رف

سعره بحدود 270 ريال
ارتفاع 220
عرض 100
4 ارفف
عمق الرف 35سم
....


رف الوسط مثل


سعره تقريباً 400 ما يتعداها
طوله متر
ارتفاع 160سم
عرض 110سم
عدد الارفف 4
عمق الرف 35سم
حمولة كل رف 70كليلو

....


الرف الدائري


سعره بحدود 550 ؤيال إلى 800ريال

...

الكاشير تفس اللي بصوره


طوله متر ونص
سعره من 2000 ريال إلى 2500 ريال
والكهربائي مترين بحدود 8000 ريال
....


رف نص دائره


سعر المتر 500 ريال

....
العربة


في حجم 120 لتر بـ 300 ريال
وباقي الاحجام مثل 60 و 80 و 100 و 150 لتر << هذي الاحجام كلها ما ادري كم سعرها

....
المواد التموينية ماراح تكلفك أبداً وما راح تعدي10،000 إذا بقالتك صغيره

دعواتكم الطيبه لـ أبوي برحمه والمغفره إذا مشاركتي فادتكم
بـتوفـيق

سبحان الله وبحمده سبحان الله العظيم
[/align]

اهلًا فيك اخوي فهيد بشير. بيض الله وجهك كفيت ووفيت

الله يرحم أبوك ي رب ويغفر له. ويرحم جميع المسلمين والمسلمات الأحياء منهم والأموات


ما قصرت تسلم

الرفوف والثلاجات تكلفتها بسيطة جدا ولا تجي عشرة الاف بالكثير

قبل شهر انا مشتري رفوف 15 متر وثلاث ثلاجات وفريزر بخمسة الاف
لا تشتري جديد الرفوف تراها كومة حديد مايفرق جديد او مستخدم
الرفوف والثلاجات روح للحراج وتحصل برخص التراب او تابع اعلانات البيع والشراء حراج ومستعمل تحصل ناس يبيعونها كان عندهم بقالات وسكروها
قبل فترة ايضا اشتريت اربع ثلاجات من الحراج بخمس مية ريال الثلاجة بس افحصها قبل تشتريها واذا ماتعرف تفحصها جيب فني معك واعطه اجرة فحصها بس فني تثق فيه
اما الرفوف مثل ماقلت لك كومة حديد .. موفق

ولا تنسى فيه شركات مثل بيبسي والمراعي وغيرها تعطيك ثلاجات

تختلف من بقالة لبقالة وتعتمد على عوامل كثيرة