|
المؤسسة السعودية للتحطيم (غير هادفه للـ... )
تعلن المؤسسة السعودية للتعليم والتدريب عن بدء تنفيذ برامجها التدريبيه المتنوعه للشباب والفتيات في عام 2007 في المجالات التاليه دورات الشباب ***** دورات الفتيات 1- مهنيه وحرفيه ***** 1- مهنيه وحرفيه 2-حاسب آلي ***** 2- حاسب آلي 3-لغى انجليزيه ***** 3- لغة انجليزيه 4-تاسيس المشاريع والأعمال الحره ***** 4-تأسيس المشاريع والأعمال الحره 5-الحراسات الامنيه ***** 5- الحراسات الامنيه 6- الإدراة والتسويق والمحاسبة ***** 6-الإداره والتسويق والمحاسبة يرجى من الراغبين والراغبات الاستفاده من هذه البرامج الاتصال على الارقام التاليه القسم الرجالي ***** القسم النسائي ت:4792071 ***** ت:2914939 ف:4791893 ***** ف:2921310 أنتهى .... ** ... تحطيمـ :( رحت لـ المؤسسة السعوديه لتحطيم الشباب والفتيات على اساس اقدم على احد الدورات المجانيه المكتوبه أعلاه اول شي دقيت عليهم كلمتني وحده ذوق واخلاق وخذت اسمي وقالت خلاص تعالي بس سجلي بياناتك سألتها فيه امكانيه ألحق على الدوره او انكم اكتفيتو قالت لا ما بعد اكتفينا تعالي عبي بياناتك رحت لهم فرحاانه وكلي ثقه وادقعلى صديقاتي واللي اعرفهم يسجلون ويالتني ما رحت اقسم بالله تحطيم بمعنى الكلمه مشوااااااااار وزحمه وقلة حياء .. سهرانه من امس ما نمت من خوفي لا انام وافوت التسجيل علي ..عطلت اخواني عن اشغالهم وفي الأخير ما استفيد شي :eek: اول حاجه العالم مكتفين !!!!!!! ثاني شي تقول انه عندهم اسماء بنات من ثلاث شهور مسجلين وهم أولى بالإلتحاق بالدوره الآن شلون من ثلاث شهور والإعلان ماله يومين :confused: :confused: :confused: هو تلاعب بعقولنا او ايش بالضبط ؟؟ ثالث شي دورة الإداره والتسويق بدأو فيها من فتره ما ادري متى :eek: شكلها من اول ما نزل الأعلان قفلو التسجيل فيها والأسماء جاهزه عندهم من قبل ما يعلنون بعد.. يعني الدعوه فيها إن وأخواتها والإعلان اللي بالجريده كله خيطي بيطي خرابيطي .. نبله ونشرب مويته الإنجليزي اكتفو وراح يبدأون بعد عشر ايام دورة التجميل ودورة الأعمال اليدويه ما بدأت وبعد مكتفين وتقول بعد انه فيه بنات مسجلين يعني ما اتوقع بيجينا الدور الحين يعني انطر يا حمار لين يجيك الربيع تبغون الصراحه معكم واسطه روحو لهم ما معكم اقضبو ارضكم حسبي الله ونعم الوكيل بس وش بيضرهم لو اخذو بياناتي بالتلفون واذا بدأت الدوره يكلموني اروح اعبيها بدل هالمرمطه والحوسه او ارسلها لهم بالفاكس وأنتهينا ما يدرون ان الوحده منا تقعد تقط وجهها عند فلان وعلان من اقاربها علشان مثل هالمشاوير مالي وجه اقول لأبوي عن ردهم والله ليحقد علي لإني عطلت اخوي عن مشوار مهم له ولاراح يصدقني بعدين لو بغيت اسجل ثاني :( واتحدى اي بنت في المنتدى سجلت بياناتها عندهم وكلموها وقالو مقبوله المكتوب بين من عنوانه انا قلت لهم عن اسم المنتدى وان شاء الله تدخل وحده منهم بس وتقرأ كلامي مع اني اشك أنهم يعرفون وش معنى بطاله .. دخلت بس افش خلقي وافرغ هالغضب والقهر اللي فيني في صفحات هذا المنتدى واللي مو متحملني غيرها :( سي يوو رايحه اناااام واريح نفسي وملائكتي قبل ما ارتكب جريمه في اللي عندي على فكره ضيعت دفتر العائله حقي وحق صديقتي اللي سجلتها معي :( وكله من القهر ورفعة الضغط ولقيناها بعد حوسه وهواش طايحه في الشارع :eek: مدري اضحك ولا ابكي على حظي اللي مثل خشتي |
اه يالقهر تفائلي اختي
لو انهم مكتفين ماضيعوا اوقاتهم على استقبال الناس وتسجيلهم ان شاء الله يدقون عليك ويطلبونك تتدربين |
اقتباس:
تكفين عاد بالله عليك بعد اللي قلته تقولين اتفائل هم خلو فيها تفائل وش بيضرهم لو اكتفو بس بأخذ بياناتي بالتلفون واذا لزم الأمر ارسلها بالفاكس ويراعون ضروفنا ليه اللعب بالعقول |
آه يالقهر الله يلوم اللي يلومك لو إرتكبتي جريمة ..!:court:
مهزلة صريحة وإستخفاف عينك عينك ..:mad: والله حاسة بمعاناتك وبكل كلمة قلتيها .. بس أحسن شي إنتي روحي نامي الحين .. و ربك يفرجها .. ياما بتشوفي يابنتي .. الله يعننا ..:( |
يعني بالله الى متى يضحكوووو على الناس
يعني هم مايدرون ان احنا بشر من لحم ودم لنا احساس وشعور يعني مايدرون قد ايش نتعب لما ننصدم بواقع مر كله واسطات يعني هم مايدرون قد ايش نعاني ولا احد بيحس فينا والله قهـــــــــــــــــــــــــــــــــــــــــــــر لكن ما اقول غير حسبنا الله ونعم الوكيل واقلك اختي وسعي بالك ولاتزعلي وربي ماراح تجني غير المرض والتعب وان ربي مو كاتب لك انك تاخذي الدورة ولاتشيلي هم ربك موجود يعني شوفيني انا قبل فترة قدمت على وظيفة حكومية واتصل عليا واحد من معارفي وقال خلاص الاسبوع الجاي راح نتصل عليك وجهز نفسك وانا كنت طاير من الفرح بعد الايام والساعات وقلت خلاص هانت لكن في الاخير صار شي ما اتوقعته اللي صار ان واحد مايخاف الله وقف في طريقي ووظف واحد من طرفه يعني انا زعلت في البداية واخذت فترة متحطم نفسيا يعني تخيلي هذا الشخص وقف في مستقبلي وتخيلي قووووة الصدمة اللي صارت لي!! لكن في الاخير رضيت بالواقع وقبل كل شي امنت بقدر ربي وان ربي مو كاتب لي الوظيفة ويمكن لي خيره في تركها وانا حبيت اقولك قصتي علشان اخفف عليك لان زي ماقالوا من شاف مصيبة غيره هانت عليه مصيبته وفي الاخير اقلك وسع خاطرك ولاتزعلي وروحي نامي لان قاعدتي في الحياة ( اذا كثرت عليك همومك نام) وراح تصحي فايقه باذن الله والا مايجي يوم وتفرج واسف على الاطاله لكن والله لاني حاس باللي حسيتي فيه تحياتي |
قسم النساء ماحد يرد ولا مشغول
انا سألت قسم الرجال وقالوا تعالي قدمي بكرة اخر يوم ما قالي انهم اكتفوا !!! |
بعد البحث حصلت في جريدة الوطن التالي::
أكدت مديرة القسم النسائي في المؤسسة السعودية للتعليم والتدريب عبير الشعلان تنفيذ المؤسسة لبرنامج تأهيل الإعلاميات والصحفيات في 17 فبراير المقبل ولمدة 3 أسابيع، وقالت إنه أول برنامج لتأهيل الصحفيات والإعلاميات ويأتي ضمن البرامج التدريبية المتعددة التي تقدمها المؤسسة، وأضافت الشعلان أنه تم التعاون مع لجنة رعاية أسر السجناء والمفرج عنهم في تدريب وتأهيل أبناء وبنات السجناء والتحقت 10 فتيات من أسر السجناء في البرامج التدريبية التي تقدمها المؤسسة للحاسب الآلي، وسيبدأ برنامج دبلوم التسويق والمصطلحات البنكية غدا السبت، مشيرة إلى أن المؤسسة تقدم هذا البرامج والدورات مجانا وليس لها شروط في المتقدمات للدورات إلا الجدية والشهادة بحسب الدورة التي ترغب فيها. بتاريخ 30 ذي الحجة خسارة الخبر متأخر |
آه يـالقــهر ...
محـد بيلومك وأنـا اخــتك الـيوم خذيت لفـة بطلوع الروح ورجعت محطمـة لأبعــد حد التحـطيم ماصار بس في مؤسسـة التحطيم الفـني ولا ديوان الخدعـة المدنية ولا مكتب الكـسل والإهـمــال التحــطيم وين ماتلقين وجـهك يجيك مـاشي ملـيووووووووون كل ماضحك عـاطل او عـاطلـة يدفـع ثمنهـا اكتئاب منتهي بالتدمير المعـاناة أشد وأقسـى بالنسـبة لـنا كبنـات يااااااااااالله أحد يعطينا وجــه بعد بكـاء ورجـاوي كم يوم عشـان نروح للمكـان اللي نبيه وفي الـنهـاية !! نرجع من حيث ماجينـا نحمل على الهموم مواجـع وفووواجع وندم وخيبـة أمل بعد الزحـمـة وتعطـيل السـير .. شي مؤلم تمر عليك لحـظة تحسـين انك مـالك داعي .. وإذا على الاكتفـاء أبشرك تريهـم مكـتفين لعـشر سـنوات قـادمـة سجلت في هـالدورات من شـهر 3 السـنة اللي فـاتت يعني من يومنهم يخططون لهـا وكل مـرة أتصل عليـهم عشـان أأكد تسجيلي يقولون لي اسمك ويتنق ان شاء الله يجيك الدور المرة الجــاية !! ومره جـاية ومره تروح وتجي غيرهـا مرااااااات ... والنتيجـة لاشـيء انتـظار الوهـم بخـيبـة أمــل ... وإن كــان لك ذاك الحظ اللي يفلق الصـخر وجتك فرصـة تدريبيــة تكونين حصلتِ على أكبر قدر من الرمـااااااد الكفيل بتغـطيـة الوضوح لمدى الرؤيـة الأفقـية للحقيقـة التوظيفيـة واسـطـتنا رب الـعبــــــــــــــاد اللي خلقـنا ومابينسـانـا وإن ضـاعت حقوقـنا وسط البلاد يوم القيـامـة ماتضيـع وكلي أمرك للـــــــــه .. وقـولي حسبي اللـه ونعــم الوكــيل " إذا ضيعــت الأمــانـة ، فأنتظر الســاعــة " إذا لـنا نصيب في هـالفـانية بنـاخذه وإذا مـالـنا فما عند الله خـــير وأبـقى |
اقتباس:
أنواع التحطيم الله المستعان ربك يحلها إن شاء الله .. والصبر مفتاح الفرج ربي يعوض علينا وعليك باللي أحسن |
المسألة إعلامية
|
| الساعة الآن 06:22 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين