استفسار ضروري عن التامينات والموارد البشرية
السلام عليكم ابغا اعرف كم تاخذ التامينات من الراتب اذا كان 3000 ف القطاع الخاص ؟! وهل يختلف من شركة او مركز لثاني؟! وهل ممكن رئيس العمل يقول ان النسبة 20٪ وهي بالاساس 15٪ مثلا!! وبالنسبة للموارد ، متى ينزل راتبها ، هل صحيح انه يتأخر لاسبوع او اكثر؟! وكيف اتاكد اذا فعلا المركز ادرج اسمي في الموارد! يعني ممكن تقول لي المديرة انا ارسلت اسمك بس الاجراءات اخذت وقت طويل وهم ماردوا علي >لان صارت قبل كذا في موظفتين في المركز صارلهم شهرين ودخلوا التامينات بس الموارد مادخلوا فيها وكم هو الحد الادنى لراتب الموارد لان بالمركز 4الاف الراتب بالموارد .. الله يسعدكم احتاج رد سريع لأن لسى ماوقعت العقد بس بتاكد من المعلومات اول شيء،، |
وعليكم السلام ورحمة الله وبركاته ..
أختي الكريمة يتم احتساب استقطاع التأمينات من راتب الموظف بنسبة 9% ، وهذه النسبة تحتسب فقط على الراتب الاساسي وبدل السكن أما باقي البدلات فلا تدخل ضمن الوعاء المحتسب عليه القسط التأميني والشركة تقوم بدفع نسبة آخرى تساوي 6% عن الموظف لتصبح نسبة القسط التأميني 15% لازم اي شركة فيه فترة ثلاثة شهور تحت التدريب وتاخذ راتب عليها .. الراتب يتاخر لـ 25 ميلادي ف الشهر الثاني .. الحد الادنى الراتب من الموارد هو 3000 ريال .. واذا زادت فهي من الشركة هنا تتاكدي من التامينات انو مسجلك .. والموارد اكيد رح تتسجلين فيه بما انك سعودية اتوقع ذلك http://www.gosi.gov.sa/portal/web/guest/212 الله يوفقك .. |
اقتباس:
انا ماعندي بدلات ، ومركز احتياجات مو شركة ، هل ينطبق عليها نفس الكلام؟ بالنسبة للحد الادنى ، قصدك الموارد 3الاف اقل شيء ! طيب ليش المديرة بتعطينا 4الاف وهي تقول الراتب 3الاف من عندها والتامينات ياخذون منه يعني يسير 2500 وبالموارد 4الاف ....يعني كذا الوضع تمام او فيه تلاعب بالموضوع؟ ل٢٥ ميلادي ابتداء من اليوم؟ يعني تقريبا ٥ايام صح! |
اقتباس:
تعديلاً لما ذكره الآخ انهيار سلمت يمناه في هذه النقطة (( يتم احتساب استقطاع التأمينات من راتب الموظف بنسبة 9% )) الآن يتم حسابها 10% << النتيجة الآخيرة %1 لنظام ساعد تحتسب من الموظف والـ 1% على الشركة محتسبة (( خارجه من الحساب في الاستقطاع )) موفقين |
اقتباس:
انتبهوا خواتي .. حتى لو مركز - يعتبر تحت نطاق التامينات والتامينات تاخذ 9٪ وساند 1٪ كما ذكر بطالي سلمه الله .. اما الراتب اقصد التامينات او الموارد البشرية مايقل الراتب عن 3000 ريال اساسي والشركة اكيد تدعمك لو بالف ريال يعني يصير راتبك 4000 ياخذون منها التامينات 240 وساند ف كل 100 ريال واحد وعاد احسبيها حكاية استلام الراتب .. مثلا توظفتي اليوم 18/11/2014 ماتجيك الشهر ذا 25 تجيك الشهر الثاني 25/12/2014 ويعطونك حقت 12 يوم من الشهر الاول .. يحسبونها ويعطونك " نصيحة لك ابتعدي عن هالمركز باين ان المديرة تبي تاخذ حقكم بدون علمكم .. اذا انتي بمدن كبيرة فيه شركات عظيمة ورواتبها عالية جداً المشكلة الشركات اللي يكون جاهل ب الانظمة يضحكون عليه .. اي خدمة او سوال عن شيء انا تحت امرك < انسان عذبته الشركات .. الله يوفقكم .. |
اقتباس:
شكرا لك ع المداخلة المفيدة .. |
اقتباس:
انا توقعت راتب الموارد يجي من اول شهر وماياخذ اسبوع لأن قد تدربت عندها شهر بدون راتب! و يعطيك العافية ماقصرت... بطالي طموحي بعثة : يعطيك العافية على التنبيه .. |
اقتباس:
اي جهة حكومية كانت او خاصة / الراتب دائما الشهر الثاني من بدء العمل .. اساليهم وردي علينا بخبر .. عشان الجميع ينتبه |
اقتباس:
بس انا سألت لان على كلامها ان ممكن تتاخر الموارد شهر وغير كذا قبلي موظفة لها شهرين ولسى مادخلتها ف الموارد بحجة التأخير وكمعلومة للجميع ، انا اتصلت ع الموارد وقالت ان المدارس ممكن توصل الشهر لكن المراكز المفترض انهم مايتاخرون يعني اسبوع وبالكثير اسبوعين ويرجع لحسب متابعة المدير وادخاله للبيانات اول بأول. وبالنسبة للدعم قالت 50٪ من الراتب>ونسيت اسأل اذا كان قصدها الراتب بعد خصم التامينات او قبل ؟، وبعرف كيف احسب ال50٪ من الراتب ؟ |
اقتباس:
مكتب العمل والموارد البشرية وطاقات كلها نفس النظام .. والعمل مشرفة عليها اصلاً ما تووظفِ الا عن طريق الموارد البشرية او طاقات ونظامهم واحد .. ما تدخلها ف المواد تدخلها ف التامينات وتشوف هل هي مسجلة ب التامينات او لا اذا مو مسجلة تراجع الادارة وتسجلها ضروري ، الدعم نعم من الموارد البشرية 50% اول سنتين ، وتكمل الشركة على الدعم المفترض الراتب الاساسي 3000 وفيها بدلات و تامين . لكن الشركات ما يحطون الاساسي 3000 يخلونه 2000 وفيه بدلات وتامين يجي راتبك 3500 ويتقاسمونها مع الموارد البشرية . لكن سؤال !!؟ هل كتبتم العقد او لا !!؟ ومبين كل شيء بالعقد ووممكن بعد التوقيع تاخذين صورة منها .. احس شرحي ما ينفهم هههه بالتوفيق لك .. اتمنى من الاعضاء ادلاء بما يعرفونه ممكن اكون قليل خبرة او كلام ما قلته |
الساعة الآن 01:48 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين