|
أريد نصيحتكم
بسم الله الرحمن الرحيم
الســــلآم عليكم ورحمة الله وبركـــاته أنا موظفة مستجده بأحد المدارس الأهلية بداية كنت متحمسة للوظيفة والشرح ومبسوطة اني بفرغ طاقاتي ان انتكست حالتي اروح كارهه للمكان .. والسبب المشرفة ما يعجبها أي شئ أقوم فيه عدا التحضير لأني اسلمه كل اسبوع بوقته ولا سلم من انتقاداتها دائما متواجده عندي في أي حصه أشرحها التعليق سلبي لحد الإحباط ومرات تسألني بالله انتِ راضيه عن اللي قدمتيه .. !! مديرة المدارس نفس الشئ قالت ما عندك ثقه بنفسك ولا عندك نيه تتطورين . بشكوى كذب من الطالبات صدقتهم :( صرت مراقبه والعين علي 24 ساعه بأي لحظه تفتح علي الباب يغيبون جماعي ويتعذرون لأهلهم بأنهم ما ياخذون دروس فجات شكاوي كثير من الأهل الشئ الثاني لأني أشرح كل نقطه بالدرس قالوا ما تعرف تشرح ولما سألت البنات قالوا انتِ تطولين ويملون هاذي مشكلتي / وهاليومين بس افكــر اني اطلع مو طايقه المكان أبد انتظرت تجي منهم ولا جات ، كيف أقول لهم خصوصا إني للآن فترة تجربه وأٌقدر أطلع بدون أسباب هذا واحد الشئ الثاني أمس اختبرت وسويت مقابلة التوجيه مادري لو جاتني موافقه وأنا طلعت أقدر آخذها من التوجيه ؟؟ أتمنى تفيدوني ربي يجزاكم الجنة |
أحــــد يرد علي :(
|
وعليكم السلام ورحمة الله وبركاته لايوجد عمل بدون مشاكل الموظف الجديد عليه الصبر والتأني ومعرفة طبيعة عمله وكيفية التعامل وهذا لن يأتي بين عشية وضحاها بطبيعة الحال شبه المستحيل كسب كل الموظفين ولكن ممكن مايخسر احد منهم بحيث لايكون احد يضمر العداء للموظف يزرع الموظف ببداية حياته الوظيفية ليجني ثمار زراعته بآخر حياته الوظيفية مركز عالي نتيجة جهده ومثابرته سيواجه بحياته الوظيفية جميع انواع الموظفين منهم النظامي والجيد ومنهم غير ذلك وعليه ان يتعامل مع الجميع بحكمة وما يساعده على الانتاجية لعمله قدر المستطاع ولا يلام المرء بعد اجتهاده الوظيفة مصدر رزق وكسب الذات فلا يجعلها الموظف كساحة قتال من الحكمة معاملة الجاهل من الموظفين بأسلوب لاضرر ولا ضرار وتفادي الجاهل بالتي هي احسن والله ممكن الموظف يجعل حياته الوظيفية متعة وذلك بحسن تعامله مع الآخرين بكل انواعهم واختلافاتهم وحرصه دائما على تحليل مايتقاضاه من عمله ليبارك له الله بكل شيء هذا والله اعلم ونسأله جميعا التوفيق والسداد لما يحبه ويرضاه |
صدقت وربي يوفق الجميع
|
بقولك شي، التدريس اصعب شي وانتي بديتي تعرفين نقاط ضعفك وهذا حلو واصلي وحاولي تسوين الملاحظات المقدمه لك انتي في مرحلة تكوين وصقل استفيدي من المرحله عشان تكونين متمرسه بالمستقبل ومتعامله مع الملاحظات بشكل ايجابي ومطورة نفسك وراح تكونين واثقه وراح تكونين احسن مدرسه بس واصلي وخليك مرنه في تقبل الملاحظات.
خلي كل ملاحظه مثل طوبه ترفعك اكثر ، ماتحبطك. |
حاولي تركزين على الاشياء اللي ينتقدونك فيها..
|
انصحكك بالبقاء على وظيفتك
ومحاولة خلق تغرات صلح بينك وبين الادارة ومحاولة وجود المعوقات لديك بسؤالك الزميلات ومحاولة اختصار الشروح |
نقاط ضعفك كذا وكذا وكذا
حاولي كل شهر تحسنين من بعضها ومستحيل كلها مرهـ وحدهـ وايجابياتك تحضري في بداية الحصة مثلاً والطالبات ماعليك منهم اعطيهم ورقه فيها جوالك او واتس اب اوتويتر او ايميل وقليلهم اعطيهم امهاتكم او اخواتكم إذا ميتة لا قدر الله وجيبيها باسلوب اما مسألة دارس واتعب واخر شي يقيمني طفل اخر همه يشوف سبنج بوب إذا الادارة تضغط عليك بتشوفك انتي باقل الاسباب تتنازلين عن الوظيفة او صابرهـ ترا انا توظفت لمدة 3 شهور بدون راتب ودوام 8 ساعات عند كفار اصلي لحالي حتى اكل بسكوت مافيه من الضغط , ويوم طلعت شكروني وقالو حنا نبيك ونعطيك اي شي تبيه لدرجة قالو خذ اجازة اسبوع براتب وتعال ( هذا الكلام حقيقي عند شركة المطاعم الاهلية ) واعطوني شهادة شكر من شركة امريكانا ونهاية خدمة 2500 ( وبالنهاية ماطلعت 2500 نهاية خدمة طلعت نزلت بالغلط وختها ونحشت ههههههه ) اصبري يا اختي والله المستعان |
^^^
حضرت لي موجهه مو من المدرسة فجأة والحمد لله أثنت علي كثير وقالت عجبتيني ووجهتني لأشياء كنت ما عرفها لكن أبد المشرفة مو عاجبها إلى اليوم للأسسف . :( |
ربي يوفقك ويرضي عنك اكيد انتي واثقة بقدراتك فخليك واثقة بنفسك اكثر والاستمرار والاصراء من اهدافك
وابداعي في الشروحات وبامكانك تعملين مع الطالبات افكار ومهارات ويتواجد عده مهارت تنمية وتفكير واقناع وتواصل وتغير اساليب الشروحات بالافكار تشجيعة والطالبات يحبوها ويقدمون اطروحات يستفيدون منها ويستمعون بعملها من جهدهم ويقومون يقدمون لك اقتراحات وتصيرون تنفذوها مع بعض بتعاونكم وتواصلكم ولا تتأثري بسليبات ولا تجعلها عائق بل حاولي تحاولي السلبيات والتعليقات الى ايجابيات واكتساب مهارات تجعلك ممارسة لحلول فعالة واكسبي قناعاتك امام نفسك |
| الساعة الآن 12:14 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين