طيب واللي مخلص دبلوم يبلها ويشرب مايها !!
متخرج لي اكثر من خمس سنوات يارزاق ياكريم ارزقني من عطاياك |
اقتباس:
هذا نموذج الإستماره وهو مذكور بنفس اعلان البعثات http://jobs.mofa.gov.sa/JobsAdds/Doc.../الاستمارة.pdf اطبعيه وعبيه ثم سوي له سكان وهذا رابط الاعلان عن البعثات من وزارة الخارجيه اذا حابه تتأكدي http://jobs.mofa.gov.sa/JobsAdds/Pag...0الابتعاث.aspx انا مثلك مااختبرت ايلتس بس قدمت وربي يكتب لنا اللي في الخير جميعا |
يااخوان الله يسعدكم انا تخصصي لغة انجليزية لكن مااعندي اي اختبار
ماعندي الا اختبار قدرات الجامعين ينفع ولا لا |
الخطوات اللي أتبعتها في تظبيط أوراقي وملفي
هذا البوست للمتوهقات والمتوهقون في جمع أوراقهم :d بقولكم شلون ظبطت اوراقي يمكن تستفيدون هذا رابط الإعلان من موقع وزارة الخارجيه http://jobs.mofa.gov.sa/JobsAdds/Pag...0الابتعاث.aspx أول شي تحتاجون لاب توب عشان تظبط ن اوراقكم ثاني شي وش الأوراق المطلوبه ؟؟ الإقتباس من الإعلان اقتباس:
رابط النموذج http://jobs.mofa.gov.sa/JobsAdds/Doc.../الاستمارة.pdf 2- بعدين الشهاده أو الوثيقه (انا وثيقتي باللغتين إنجليزي وعربي) 3- كشف الدرجات أو السجل الأكاديمي باللغه الإنجليزيه (اللي ماعنده يراجع جامعته ويطلب سجل اكاديمي باللغه الإنجليزيه) 4- توصيتين أو تزكيتين علميه باللغه الإنجليزيه أرجعو لجامعاتكم وأطلبوها (هذا الشرط للمتقدمين لمرحلة الماجستير) (حتى لو مشوها لكم الوزاره ماراح يمشوكم الجامعات الأجنبيه ضروري تجيبونها وتاخذون ايميلات الدكاتره اللي بتاخذون منهم التوصيات عشان الجامعات اللي بتقدمو عليها إن شاء الله راح يتواصلو معهم) ** أنا أضفت من ضمن الأوراق درجة أختبار قدرات الجامعيين ودرجة إختبار STEP هم ماطلبوها لكن انا حبيت اضيفها واللي شجعني أضيفها اني لما كلمت الوزارة قالت لي الموظفه اي اختبار او اي شهاده تبغي تضيفيها ضيفيها ------------ طيب الحين جمعتو كل الأوراق لازم تسون لها سكان وعندكم عدة خيارات 1- إذا عندكم طابعه فيها سكاننير سوها بالبيت 2- أو روحو للمكتبات يسونها لكم بس تأكدو تكون واضحه ويسوون لكم كل ورقه بملف لحاله بصيغة PDF (بإستثناء كشف الدرجات خلوه في ملف واحد) 3- أو تستخدمون برامج تسوي سكان وانا شخصيا أستخدمت هذا البرنامج من الاب ستور عالايفون https://appsto.re/us/h1Fkx.i ملاحظات : 1- صيغة الملفات خلوها PDF 2- خلو كل ورقه في ملف لحاله وسمو الملفه باسم الورقه ( بإستثناء كشف الدرجات خلوه ملف واحد) (يعني مثلا الوثيقه سو لها سكان وخلوها بملف لحاله بصيغة PDFوسموه "الوثيقه" أو "Graduation certificate ") نصيحة: 1- بعد ماتظبطون وتسون سكان لكل ملفاتكم أجمعوها بلمف مضغوط وسمو الملف المضغوط باسمكم الثلاثي 2- واضيفو نوت او ملاحظه مع الملفات فيه طريقة التواصل معكم يعني اكتبو ارقامكم وايميلاتكم فيها 3- لما تكتبون الإيميل اللي بترسلوه وضحو فيي اسم الرساله انه طلب إلتحاق 4- راجعو الملفات وتأكدو انها واضحه ( انا قبل لا ارسل الملف بثانيه اكتشفت اني كاتبه رقمي غلط :Looking:) بعدين سمو بالرحمن واستودعو ملفاتكم وارسلوها على الإيميل المذكور بالإعلان والله يكتب لنا اللي فيه الخير جميعا ويسخر لنا كل الموظفين والموظفات في الوزارة ويوفقنا لما يحبه ويرضاه وينفعنا وينفع بنا السعوديه والأمه الإسلاميه |
بالتوفيق،،،
|
ياليت تقولون لنا وش أخترتو دولة الإبتعاث؟ والأسباب اللي خلتكم تختارون هالدوله؟؟ وأخترتو جامعه ولا باقي؟؟ واللي إختار راسل الجامعه؟؟
أنا أخترت دولة كندا والأسباب إن تخصصي إنقلش عشان كذا لازم دوله تكون الإنجليزي لغتها الأم وكثير طمنوني إن المبتعثات المنقبات مابيواجهون مشاكل في كندا هذي النقطه مرره مهمه لي و كمان ماقد سمعت إن المبتعثين واجهو مشاكل في كندا خصوصا من ناحية الأمن وكذا وما أخترت جامعه إلى الأن مازلت أبحث وماأخترت باقي إن شاء الله بجهز نفسي لإختبار التوفل وأختبر والى ماتطلع النتيجه اكيد بكون اخترت جامعه وببدأ أراسلهم إن شاءالله |
اقتباس:
اختي نتيجة التوفل ما تطلع الا بعد اسبوعين من الاختبار واهم حاجة المعدل و المقابلة الشخصية جدا جدا مهمة |
اقتباس:
انا مختبره لي شهووووور ولحد الان ما وصلت نتيجتي وكمان دخلت موقعهم وطلبت تقرير درجات اخر ودفعن فلوس ولحد الان ما شفت شي |
يارب.. شكل الأسماء تطلع الاسبوع الجاي
|
جامعية متفائلة :
كيف اختبار ستيب سهل ولا صعب ؟ |
اقتباس:
طيب راسلتيهم ؟ سئلتي ليش ابطت النتيجه؟؟ وكم شهر لك بالظبط؟ الله يعين ويسهل لنا اقتباس:
عشان كذا اتوقعهم بيخلصون مقابلاتهم ثم يبدون فينا بس تعرفون متى بيبدون يسافرون المبتعثين من المرحله العاشره؟؟ اقتباس:
يعني تخيلي وانت تختبرين ناس تسولف و تتعشى وتتقهوى الله يسامحهم لكن المشكله ان إختبار ستيب تابع لمركز القياس أظن مايقبلوه في الخارج إذا نويتي تختبريه عشان الجامعات الاجنبيه تأكدي قبل اذا بيقبلون فيه ------ وربي يوفقنا جميعا بس ليتكم تشاركون وين أخترتو دولة الإبتعاث :d |
اقتباس:
أدري انه بياخذ وقت بس أنا بختبره مو عشان التقديم عالبعثه لا عشان التقديم عالجامعه وبالتوفيق للجميع |
اقتباس:
واﻻ يسال عن ستيب النتجة تطلع بعد اسبوعين و توقع شخصي التسجيل ينتهي بكرة و اسبوع الجاي النتايج |
بالتووفـــــيق ي رب للجميـــع
ألأستغفـــآآر كثـــروو منــه = ) |
بالتوفيق
|
اقتباس:
راسلتهم يقولون ان العملية ممكن تاخذ شهور لانهم يرسلونها على نظام البريد العادي يعني مو اكسبرس (الله من القعط) |
السلام عليكم ورحمة الله وبركاته جميعا...
جيت ع الموضوع متاخر وتوي شفت الاعلان وبحاول ارسل اوراقي بس عندي كم استفسار ضرووووري الله يسعدكم الله عنده خبرة يفيدني خصوصا خبيرة كندا انا مبتعثة لكندا الحمدلله بس اخذت لغة وعندي درجة الايلتس وقبول ماجستير بس للاسف ماكملت بسبب عدم توفر مرافق ولاني تأخرت عن الدراسة الملحقية حسبي الله عليهم لغوا بعثتي ): لكن املي فالله وان مجهودي وتعبي مارح يضيع باذن الله هل الحين لو قدمت اوراقي لوزارة الخارجية رح يعرفون اني مسجلة بوزارة التعليم العالي مع ان الملحقية سوولي انهاء بعثة ولا اكتبلهم واشرحلهم الوضع افيدوني الله يجزيكم الخير |
السلام عليكم
انا ودي اسجل بس اغلب الشروط ماتنطبق علي واولهم المعدل طالبين 3.75 وانا 3.50 ثاني شي طالبين ان اخر شي يكون متخرجه ولك 3 سنوات وانا الان كلمت ال 3 سنوات ولاعندي اختبار ستب ولا توصيات ولا عندي كشف درجات بالانجليزي اقدم ولا ماتعب نفسي ههههههه |
السلام عليكم و رحمة الله ..
أنا قدمت و أرفقت كل شيء توصيات و شهادة و سجل و كل شيء .. لكن معدلي 3.78 ( هو فوق المطلوب 3.75 ) هل تتوقعون راح يصير مثل نظام برنامج خادم الحرمين الشريفين ( إنه أي واحد تنطبق عليه الشروط يآخذونه و ينضم للبعثة ) او انه عدد معين فقط .. لأان و الله و لله الحمد لغتي ممتازة لكن ( بزوطت أول الأأترام ) و هذا سبب عدم إرتفاع معدلي .. سؤال آخر و هو مشاركة أنا اختبرت Step و درجتي المعادلة بالتوفل هي 467 .. و المطلوب للآيلتس يقولون لا يقل عن 5 , ( 467 = 4.5 ) بالآيلتس .. يعني شلون نفنش و ما نأمل بهالبعثة لأن و الله خاطري كله بالبعثة و مالي اي شيء ثاني حتى يوم قدمت بـ برنامج الملك رفضوا بسبب امتداد التخصص . لكن وزارة الخارجية طالبين تخصص إنجليزي .. :c |
اقتباس:
ي ههههلا ههههههه :q قدم ي رجال ما تدري وش الله كاتبن لك ..:d و فالك التوفيق :w |
اقتباس:
معقوله انت غلطانه برمز البريد او شي ؟؟ الله يسهل لك أمورك اقتباس:
هلا أختي والله ماأعرف لأني أول مره أسمع عن مشكلتك بس تبين نصيحتي توكلي على الله وظبطي أوراقك وقدمي وربي يكتب لك الخيره ولاتطري بعثة الملك عبدالله الا اذا اسئلوك دامهم انههو بعثك معناته مافي مشكله تقدمي على بعثه ثانيه سبحان الله يمكن ربي يعوضك ببعثه وزارة الخارجيه عجلي بالتقديم لأنهم ماحددو وقت تقفيل التقديم واخاف يقفلوه فجأه وحطي كل شهاداتك وإختبارات لاني يوم كلمتهم قالو كل اختبار او شهاده حابه تضيفيها ضيفيها اقتباس:
وعليكم السلام ورحمة الله وبركاته توكلي على الله وقدمي وربي يكتب لك اللي فيه الخير اقتباس:
والله أنا أتوقع بياخذون عدد لابأس به لإنهم طالبين تخصصات كثير ماشاء الله وبالنسبه للإختبار أنا نفس المشكله أختبرت ستيب والحمدالله درجتي عاليه وكاتبين في الإعلان توفل وايلتس او مايعادله وفي موقع القياس كاتبين درجة التوفل المعادله للدرجه يعني خلونا نقول ان شاء الله يقبلوها توكلي على الله وإن شاء الله خير واذا ربي كاتب لنا نصيب في البعثه ماراح يوقف شي بطريقنا لامعدل ولا إختبار توفل --------- الله يكتب لنا الخير ويوفقنا جميعا وكل اللي دعو مشكورين ولكم بالمثل إن شاءالله |
انا اتوقع اللي مو مستوفي الشروط بيكرشوه على كلام الدفع السابقة المقابلة مع الامير اظن منصبه وكيل وزارة شيء كذا
|
اقتباس:
|
اقتباس:
انت تعرف ناس شخصيا أبتعثوهم عن طريق وزارة الخارجيه؟؟ لأن مايطلع لي مواضيع أو معلومات ابدا |
اقتباس:
|
اقتباس:
عندي لكم خبر :w التقديم قفل يعني عالاسبوع الجاي يبدأ الفرز الله يستر |
صدق قفل !!! :c
وانا اللي كنت مخططه اختبر الايلتس ع الاسبوع الجاي وارفق درجتي اذا طلعت :cry: يلا توكلت على الله اهم شي ارسلت ملفاتي كلهاا واذا يبوني بيقولون يلا كملي اوراقك :d |
كيف عرفتوا ان قفل ؟
|
اناا ماعرف والله ،، بس قلت كذا بنااء على كلام ورد!
|
العام الماضي اللي ما استوفى الشروط كرشوه
طلاب الثانوي بفاضلو على القياس و التحصيلي و المقابلة و اختبارهم التحريري |
اقتباس:
طلاب البكالوريوس يفاضلوا على ايش - المعدل التراكمي ، ندرة التخصص ، - ؟؟؟ اديني أخبار طلاب السنوات اللي راحت -بليز- دمدومه : حاولت الساعة 11 ارسل بعض الشهادات جاني انو ماترسل و كمان انو الايميل غلط يعني اتقفل .. :cry: |
المعدل ندرة التخصص درجة الايلتس و غيرها و ترى اعداد المتقدمين اللي متخرجين بكالوريوس موب قليلة
فالمنافسة بينهم اعلى العام الماضي كان البرنامج محدود جدا جدا للي متخرجين بكالوريوس |
العام كم كان عدد المقبولين ؟
الأغلب متجه لبرنامج خادم الحرمين الشريفين |
اقتباس:
|
وفي كثير مو مستوفين الشروط و فوقها اغلب يتجه لبرنامج خادم الحرمين ماستر لان ما لقى وظيفة
|
ريد بول
وش مصدر معلوماتك ؟؟ نعتمد عليها!!! وش طبيعة الأسئله في المقابله ؟ معقول يسئلون عن أسماء السفراء والوزراء ؟ :| وبسئل مستقبل هذي الوظيفه مضمون؟ يعني انت مثلا دامك معك ثانوي ليش ماقدمت على بعثات الملك عبدالله؟ مثلا انا ماقدمت على بعثات الملك عبدالله لان تخصصي ماكان مدرج (أنا بكمل ماستر) أعتذر إذا كانت أسئلتي مزعجه كلمه بوجهها للجميع لاتوقفون حياتكم على فرصه وحده يعني قدمو وظايف وجامعات ماتدرون وين الخيره لكم الله يكتب الخير للجميع |
اقتباس:
معروف وزارة الخارجية العمل في السفارات انا قدمت على بعثات الملك و مقبول و اذا جتني الخارجية ما راح اسحب على الخارجية |
اقتباس:
طيب ماقلت هل مستقبلها مضمون؟؟ دامك متمسك فيها كنت متوقعه مستقبلها مضمون بس في نفس الوقت قريت لك رد كاتب فيه" اللي تخرجو راحو ماستر في بعثات الملك عبدالله" واستغربت |
دقيقة سفراء ونواب ايش وش هالأسئلة؟؟؟؟؟؟؟
انا ما اعرف اي شي عن ديرتنا مين امير المنطقة هذي والا المنطقة ذيك زين مني اعرف اسم الملك وولي العهد والله اتكلم جد :( بكل أمانة النظام عندنا رايح وطي كثير وظايف تطلب لغة ولما تروح للمقابلة ما يسألونك ولا سؤال بالانجليزي وش الفايدة؟ انا اعبر عن نفسي واتكلم افضل بالانجليزي لانها دراستي لمدة 5 سنين والحين تقولون اسألة عن سفراء ومدري ايش؟؟؟ اوكي وزارة خارجية عارفين بس انا مقدمة على بعثة لتخصص انجليزي ايش دخلني بأبو السياسة |
اقتباس:
وثانيا انتي مقدمة على ماستر انجلش بعد ما تتخرجي بتشتغلي في السفارات خارج المملكة انا مقدم عليها لان ما عندي مشكلة اشتغل في السفارة خارج المملكة |
الساعة الآن 06:32 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين