بفضل الله لقيت وظيفة..أدخل واستفيد من قصتي
مسااء الخير للجميع!!
نبذة عني..العبد الفقير لله تخرج عام 1432 من الثانوية بمعدل 91.99 علوم طبيعية!! دخلت الجامعة بتخصص طب ونجحت الترم الأول وبعدها قررت في الترم الثاني التحويل الى تخصص هندسة بعد تفكير عميق..درست الترم الثاني فيه والعام الدراسي التالي له وكانت أموري تمام والمكافاة ماشيه ههههههههههه..صارت لي ظروف صعبه وقررت أجل الترم ولكن الأقدار شاءت أن أترك الجامعة لأن صارت لي مشكلة مع الوالد وما صار يصرف علي!!:cry: قررت مجبراً أقدم على الوظايف العسكريه رغم أن الوالد ما كان راضي وإنقبلت بعد في قوات الأمن الخاصة بعد مراجعتهم لأشهر طويله .. لكن صليت إستخاره وقررت أني ما أدخلها!! قدمت مرتين في القوات الجوية وإنقبلت نهائي في المره الثانيه طبعاً!! دخلت الدوره بالرياض بتاريخ 16 / 1 / 1436 هــ وكانت أموري خلال الـ 5 أيام الأولى تمام.. لكن جتني إصابه شديده بالركبه لأني ممكن شديت على نفسي شوي بالميدان!! 3 أيام حاولت فيهم يحولوني المستشفى لأني عشت عيشة جحيم في الـ 3 أيام!! شهية أكل معدومه..نوم متقطع سيء..إرتفاع في درجة حرارة جسمي بسبب الألم!! نزلت 5 كيلو خلال الأسبوع الأول بالدوره هههههههههه..بعد ما شفت روسهم يابسه صليت إستخاره وقررت إنسحب منهم لأني رجل إشتريت صحتي قبل كل شيء!! ((( مع التنويه الى أنه عيادة المركز بالدوره أعطوني مرهم وحبوب زادت من وجعي ))) حالياً بحمد الله تحسنت ركبتي بشكل نسبي وخف الألم بعد 13 يوم من إنسحابي!!:wa حصلت وظيفة محترمه في سلسلة مطاعم كودو محاسب بمرتب يبدأ من 4200 الى 4500!! وأعوني موعد أجيهم أخلص إجراءات تعييني..سبق وقدمت حضوري عندهم ورحموني هههههه!! وناوي أسوي مشروع صغير وهو خضره مع صديق لي ممكن نطلع منه من 4الاف ريال الى 6 الاف ريال شهرياَ بناء على دراستي للمشروع أنا وصديقي ههههههههههههههههههه وأكمل جامعتي العام الدراسي المقبل بعون الله تعالى!! اللي أبي أقوله أن الواحد يصبر مهما واجه صعوبات وعقبات ويتأكد أنه لو ترك شيء لله ربي أكيد بيعوضه اللي أحسن منه..من صبر ظفر!!:Thumbs: آسف على الإطاله وأتمنى منكم تدعون لي بالتوفيق..الله يوفقكم جميعا..آآآمين:h |
الف الف مبروووووووووك الوظيفة
الوظيفة حصلت عليها عن طريق منتدانا ؟ |
الف مبروك ..
|
اقتباس:
بس ما كنت جاد وتوكلت على الله ورحت قدمت عندهم حضوري واخذو رقمي وإسمي وقالوا نتصل عليك يا كان فيه شواغر!! أتابع منتداكم زائر وعضو من سنتين ومعظم اللي توظفوا من أعضاء المنتدى كان بفضل الله ثم بفضل جهودكم بنشر الوظائف وإعلامهم بها!! شكرا لكم وبيض الله وجيهكم..ما أنسى جميلكم طول عمري!!:w:w:w |
مبروك الوظيفه الله يعطيك خيرها ويكفيك شرها
وعقبال الجميع.. |
الف الف مبروووك يافهد |
مبروك الوظيفة بالتوفيق ان شاء الله .. معليه من كل بحر قطرة ومن كل تجربة درس .! العسكرية ربي فكك من البهذله والله . الجامعة ثم الجامعة ثم الجامعة لابد منها . عطاك ربي خير ما عزمت عليه وكفاك شره .. بالتوفيق . |
الف الف مبروك ويارب فاتحة خير للتذكير لازم ترضي الوالد وتطلبه يدعيلك ياولدي اذا كنت بالرياض فيه سوق العليا للخضرة فيه جزء لاصحاب المزارع وتقريبا كلهم يبيعون يوم السبت فقط صديق لي يعمل بهذا السوق ويقول اقل شيء يحصل تبارك الرحمن 1500 ريال بيوم السبت المطلوب عقد ايجار مزرعة وتقدم على بلدية العليا ويسلمونك موقع اقترح تروح بنفسك وتدرس الوضع موقع جزء سوق السبت بالجزء الشرقي الشمالي من سوق العليا والله يوفق كل شبابنا ويرفعون روسنا بكل المجالات |
الله يبارك فيكم جميعاً..أخ ماني مت قاعد أنا والله من مدينة حائل لكن ربك بيسهلها بعونه سبحانه!!
الله يسكن فيكم راحة البال والسعاده والطمأنينه ويبعد عنكم كل هم وضيقه..آآآمين |
الف مبروك
|
الساعة الآن 01:50 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين