اين نتائج مفاضلة الارشاد ؟؟ ياجداره لم تكوني جداره
السلام عليكم ورحمة الله وبركاته
وبعد لسنا مغفلين ولسنا ببُلهاء ليمر علينا هذا الامر دون ان نعترض نزلت وظائف 200 لتخصصنا الذي لا توجد مرشده طلابيه متخصصه بهذا المجال في اغلب المناطق خصوصاً بالمناطق الجنوبيه حيث انها لم تفتح تخصصات تناسب هذا العمل بالمنطقه الا من وقت قريب مفترض ان الوظائف تليق بعدد الاحتياج الحقيقي وليس بعدد اصحاب الواسطات تستحدث لهم وفي اقل من نصف شهر التقديم والتوظيف يتم نحن سجلنا ولكن لم ندخل بالمفاضله ودليل ذلك لاتوجد نتائج لهذه المفاضله بجداره ؟؟؟؟ لماذا كل هذا الظلم والحرمان واعطاء وظايف هي حق لنا لمن هم غير مؤهلات وينزل قرار انو اي معلمه تبي تصير مرشده تقدر تتقدم بطلبها وتحول مرشده طيب ونحن صاحبات التخصص ؟؟؟ هذا عملنا وهذا اختصاصنا حسبنا الله ونعم الوكيل هو مولانا ونعم النصير ذهبت اعمارنا وذهب شبابنا وذهب علمنا ونحن مُعطلين عن كل شيئ |
انا مثلك اكثر من مرة دخلت ملفي ابي اشوف نتائج المفاضله مافي شي غير نتايج المفاضله اللي كانت بشوال
وفيه بنات نقاطهم اعلى وتخصصهم اولى وماحطوهم هذا دليل على الفساد الاداري من الوزارة وماحطو الا العوائل ابو واسطة لنا الله احنا المتخرجات القديمات حطمونا بكفايات وبعدها صار لفئة الاحقيه بهالوظايف والفئة الثانيه مدري ايش لهم والبديلات و و و الله يخارجنا بس والله ياختي الحال يبكي الحال نفسه لكن ربك كريم وقادر ع كل شي والخيره فيما اختاره الله قولي حسبي الله ونعم الوكيل اللهم اني فوضت امري اليك |
مين قال واسطه او وظايف الارشاد للمعلمات
انا تخصصي خدمة اجتماعية تربوي ومجتازه قياس ودي اول مفاضلة ادخلها وصحباتي نفس الشي والحمدلله والشكر له اترشحنا للمطابقة بس هو معاك حق ف العدد قليل بالذات انو التخصص له سنوات كثيره م نزلوا له احتياج بس ربي يفرجها لنا ولكم ونتوظف كلنا |
نتائج المفاضلة تطلع بعد انتهاء فترة المطابقة
الله يوفقنا ويرزقنا بالوظيفة |
فعلا العدد قليل بالنسبه للاحتياج
|
قرأت كلام مسؤول في وزارة التربية أن أصلا الوظائف الـ 1026 كلها للارشاد أساسا بس الوزارة حولت 800 منها لرياض الأطفال لأن مانزل لهم احتياج في الخطة السابقة
|
يابنت الحلال خوفتيني
حاطه قلبي على يدي كيف قدمتي ومادخلوك المفاضلة لكن لمن شفت رد الاخت حطموني تطمنت وقلت اكيد فيه خلل مو واضح عندك لان هالوظائف للمتخصصات وبالذات صاحبات درجة البكالوريوس واذا لم يتوفر منهم احد ينظرون للدبلومات وبمستوى اقل فاذا كنتي بكالوريوس قدمي شكوى اما لو انتي دبلوم فاعتقد بيقولوا مالك حق في هالوظائف لانها للبكالوريوس فقط والله يرزقك ويسهل رزقك يارب |
اقتباس:
كيف مستوى اقل ؟ قصدك يعيننونا بمستوى اقل من الخامس ؟؟ ترى حنا معنا بكالوريوس + دبلوم عالي في الارشاد |
كتبت لك رد ياارحبي وطار
المهم انك بكالوريوس فاكيد ع الخامس تتعيني وهذا على حسب اعلان الخدمة لكن ردي كان يتكلم عن سياسة الخدمة في التوظيف بالذات بالتربية طالبين بكالوريوس فيبدوا بترشيح بكالوريوس واذا لم يتوفر فيرشحوا دبلوم ويعينوهم على مستوى اقل فمو معقولة مؤهل دبلوم مثله مثل المؤهل الجامعي لكن ردي كان يخص صاحبة الموضوع فماادري هل هي دبلوم او بكالوريوس |
اقتباس:
معلومتك خطأ حبيبتي الي معها بكالوريوس ودبلوم ارشاد تتعين على المستوى الخامس مثل الي معها خدمة اجتماعية وعلم نفس وعلم اجتماع لكن الموضوع هنا موضوع أفضلية في الترشيح فقط والا كلنا نتعين بمستوى واحد ولا يقدر احد يدرس دبلوم توجيه وارشاد وهو ما معه البكالوريوس |
الساعة الآن 03:26 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين