|
تعالوا نبدأ ونفتح مغسلة ملابس
بسم الله الرحمن الرحيم الحمدلله ونعمة من الله قررت اعمل لي مشروع بعد تفكير وجزم وتوفر راس مال ( مغسلة ملابس ) وراح تكون البداية ان شاء لله من هنا ومن خبراتكم وأقتراحاتكم ومساعداتكم و( خاصه ) من اللي خاض المشروع ! راح استفيد وغيري يستفيد وجزاكم الله خير أخواني . ( من أعان الناس أعانه الله ورفع شأنه ) ومني لكم راح اكتب كل ما يحتاجه مشروع المغسلة من الألف الى ( الياء) . وكل خطوة مريت فيها ان شاء لله . المشروع : مغسلة ملابس أستأجرت ( محلين ) تقريبا كل محل طول: 10.30 عرض:3.80 للمحل الواحد .. اي المحلين تقريبا مجموعهم كلهم بالمتر مربع يساوي تقريبا 78 متر مربع رغم ان ان في ناس شاروا علي ان محل واحد يكفي J لكن بما ان الأيجار اخذته رخيص اخذت محلين .. واعتقد واحد يكفي وزود بعد . خلونا نتشارك ونتعاون بالأسئله والاستفسارات ورايكم مهم .. ويكون هالموضوع مرجع لكل من يبي يفتح مغسله ملابس بالتفصيل وراح اذكر باقي التفاصيل بالردود التاليه يتبع |
ننتظر الموضوع ..الله يوفقك
|
يا الطيب ادخل بالموضوع علشان نعلمك بالنقاط الباقيه
بدايه؟ 1-ماهي الالات الاولويه للمحل 2- كم اسعارها جديده ومستخدمه 3-ماهي شروط اصدار رخصة مغسلة ملابس 4-العماله ماعليهم مشاكل حاليا الهند نرفض اي استقدام لعدم قبولها لرواتب 5-قل موضوعك وحنى نجاريك بأنتظار موضوعك المهم والمفيد والله يزاك خير افكر بجده افتحه وفرع بالحفر ومغسلة سيارات شرايك؟؟؟؟؟؟؟؟؟؟؟؟؟؟ |
بنسبه لمكاين الافضل كاويه امريكيه صنع مستعملـه تقريبا 8000
والوطني جديده 14 او 15 الف وبنسبه لمغاسل خذلك 2 عاديـه مثل حقت البيت وحط لك بانيو (حوض غسيل البطاطيـن وشراشف ) و(مروحه قعادي) لتنشيف- بنسبه لديكور بسيط جدا لايكلف حديده من اول جدر لا اخر الجدر وعلاقات ومكيف مستعمل ب400 وشتري شبك لمكيف جديد عشان مايوضح ترقيع |
متابع وبالتوفيق للجميع
|
كم يكلف مشروع المغسلة كحد أقصى( اعلى) ؟
كم يكلف مشروع المغسله كحد أدنى ؟ ما هو أسوء شي في هذا المشروع بنظرك ؟ ما هو افضل شي في هذا المشروع بنظرك ؟ اذكر لنا كيف كانت بدايتك من فتح المحل بالترتيب يعني بين قوسين ( أبدا موضوع حمستنا نعرف. هههههه) وجزاك الله خير |
مشكورين ع الردود وانا الى الان في اول خطوات المشروع يعني يبي لي فتره عشان انجزه ان شاء لله ولكن راح اكتب كل شي سويته هنا وكل خطوه ..! وبما ان وظيفتي شوي ماخذه كل وقتي والمشروع بمنطقه ثانيه راح يطول على ما انجزه كامل .! ولكم الحين وش انجزت . في البداية سألت كل من عنده خبره وباقي لازلت اسأل عن كل شي يخص المغسلة من رخصه وسجل تجاري الى اصدار فيزز ولا ننسى المعدات .! طبعا من شروط اصدار الرخصه من البلدية لازم يكون عندك سجل تجاري . وطريقة اصدار سجل تجاري وحجز اسم كله يكون عن طريق وزارة التجارة والصناعة . وكله عن طريق الموقع مايحتاج تروح لهم ولكم تجربتي : دخلت الموقع اللي هو https://ecr.mci.gov.sa موقع وزارة التجارة والصناعة وتسوي تسجيل كمستخدم عشان تقدر تحجز لك اسم وتصدر لك سجل تجاري كله عن طريق موقع الوزارة . قبل تسجل واهم شي تكون مسجل في خدمة ابشر لانها مرتبطه في موقع وزارة التجارة والصناعة .. يعني من شروط التسجيل في وزارة الصناعة والتجارة لازم يكون عندك حساب في وزارة الداخليه خدمة ابشر . بعد ماتسجل في وزارة التجارة ويكون عندك حساب خلاص الحين تروح بنفس الموقع وتحاول تحجز لك اسم للمحل وانا حاولت لما تعبت على ماحصلت اسم محل مناسب وقبلوه . هذي اول خطوة وهي التسجيل في موقع وزارة التجارة بعدين تحجز لك اسم |
اقتباس:
|
حبيب قلبي الله يرزقك لكن تذكر المشروع من الممكن ما يحقق ارباح الا بعد فتره طويله من 3-6 شهور
لأن المحل يحتاج يشتهر عشان تحقق الأرباح هذا كلام عامل صديق لي في مغسله وحرفياً قال " السعودي غبي يفتح مشاريع ويحط عامل وبعد فتره بسيطه يمل ويأجره للعامل لانه ما فيه ارباح المغسله و البقالة لازم انت يصبر عشان الناس يعرف المحل ويجي عندك وبعدين تعوض كل خساره " والله يوفقك |
المغسله مربحه بس يبغالك تتابعها ربي يوفقك
|
| الساعة الآن 10:43 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين