شكوى مالك مدرسة ..!
 

السلام عليكم ورحمة الله

مشكلتي ليست بجديده ع الساحة :d

ملاك المدارس وما ادراكم ماهم ...!

ظلم بالرواتب وتبجح وتشدد بالأنظمه

انا كنت معلمة في مدرسة اهليه لمدة سنتين

اول سنه براتب 1300 - 450 (تبع التأمينات) = 950 ( يصفى لي ) , ونادرا ما استلمه الف وخمسين كامله ,, لان بالاجازات مافي راتب فينخصم من هالتسعمائه الفقيره

ثاني سنه بعد عدة خطابات ومناوشات ارتفع الراتب الى 1500 نقصو منها التامينات يبقى لي الف وخمسين وهي كحال التسمعئه نادرا ما استلمها كامله

+ راتب الموارد 2500 ينزل كاملا ,, ودائما يعايرنا فيه اذا طلبنا زياده في راتب المدرسه يقول انتم ماشاء الله تستلمون الفين وخمس ,, غيري في مدارس اخرى يرفض يعطي معلماته ماعطيتكن اياه ,, والتي لا ترضي بما اعطيها انا لا اجبرها على العمل

+ العطل بدون راتب ,,

اما طريقة تحايله على الموارد فهي كالتالي ( يكتب شيك لكل معلمه بمبلغ 2650 ,, تاخذ منه راتبها المتفق عليه بعد صرف الشيك ,, وتقوم بترجيع المتبقي يدا بيد للمحاسبه بالمدرسه )

+ التأمينات في العطله الطويله ندفعها نحن ( 1000 ريال ) حتى تنزل لنا الموارد ( لان من وجهة نظره في العطله لا نعمل لديه لماذا يدفع 550 ),, وبعد جلسة مطوله معه وترجى وافق يدفع نص التامينات ونحن ندفع النصف


+ ختام الحكايه توفي والدي رحمة الله بتاريخ 3 / 11 .. قبل بداية هالسنه بيومين اعتذرت عن الحضور وطلبت اجازه اسبوعين ان لم توافق عليها تبحث عن معلمه غيري,, وارسلت لي المديره تعزيه فقط
في الاسبوع الثاني ارسلت لها اني سأقطع الاجازه واباشر العمل .. تفاجأت انها قالت لا .. وجدنا غيرك .. قلت لماذا ,,, وجدال طويل عرض

واتفاجأ انه تم ارسال رساله نصيه من المدرسه ( تم اخلا طرفك بناء على طلبك الرجاء مراجعة المدرسه لأستلامه )

المهم اني اريد حقوقي المسلوبه طيلة سنتين + حق اخلاء طرفي

قد قرأت مره بقوقل طريقة كتابة خطاب لمكتب العمل موضح بنقاط واضحه والا لن يقبله مكتب العمل كشكوى رسميه يرسل بالبريد
بحثت عنه ولم اجده

من لديه حل ,, جزاه الله خيرا

والنصر من عند الله

:w

انت مثلي بالضبط لكن انا داخل بالشهر الرابع
والله حراميه وكلاب ، عباد المال الله ينتقم منهم
المشكله لو اشتكيتي بتنقلب الامور عليك لانك موقعه على استلامك لفلوسك كامله ، لكن بيشفع لك شيء واحد وهو عدم توقيعك على طلب اخلاء الطرف لذلك لا تترددين بالشكوى وان ما جاك حقك بتكوني قرصتي اذن المالك الحقير

كيف تساعجيهم بالكذب والنصب والحين تبغي تشتكيهم !!!

يصرفولك شيك في يدك وانتي ترجعي لهم الباقي!!!

الواحد يصير اهبل وضعيف ويضيع كل حقوقه عشان وظيفة ما تسوى وبراتب ضعيف ومخالفة للقوانين

وبعد سنين يقول بشتكي !

ما ضيعنا كـ سعوديين غير الناس اللي مثلك

صار كل شركات يقولو السعوديين دلوخ بننصب عليهم !

حسبي الله ونعم الوكيل

تتحسب على مين ؟؟
عليّ ؟؟

جزاك الله خير

انا ما ابرأ نفسي من الخطا والمفروض تكون حقوقي خط احمر مهما كانت الظروف

لكن انت توظفت بهالممدرسه عقب تخرجي ع طول

و القرار تبع رفع الرواتب كان جديد تو بعض المدارس الكبيره بدت تطبقه

ومحتاجه خبرررررره ،، لان مع ترقب قرار رفع الرواتب مل المدرسات مسكو اماكنهم

ولم باشرت العمل ،، كانو المعلمات الموجودات لهن ست سنوات بالمدرسه وبيوتهم قريبه من المدرسه وماعندهم ادنى استعداد

انهم يتنازلون عن هالمميزات بنظرهم مهما عمل فيهم المالك خصوصا انهم كانو يداومون براتب 1500 ،، بعد القرار صار الموارد مساند لراتب المدرسه وحسو بالطنخه

الان بعد تجدد دماء المعلمات في المدرسه

تواصلت معهم ووجدت لدى المعلمات الجدد رغبه في رفع شكوى

عسى ان يظهر الحق ،، وتعود الحقوق لاصحابها

اولا قبولنا بمثل هذه الوظايف وتقديمنا لتنازلات لا يعني رضانا او مشاركتنا لهم بالكذب ، حنا على باب الله ولو لاالحاجه ما كان صار اللي صار

لاحول ولا قوة الا بالله

الله يورينا في كل نصاب عجائب قدرته يااارب دنيا واخره ..

يعني حسب كلامك انو هو مايدفع لكم راتب خير شر الي يدفعون الموارد .. لانه فلوسه رجعت له الا يمكن استفاد زود .. ولانو المعروف ان اقل راتب يدخل بالمواد 3000 .. جهة العمل 1500 اولردي ويدعمونهم المواد بالف وخمس .. هو وش سوى .. عطاكم الف وخمس حقت الموارد والي المفروض هو يعطيكم اياها الالف وخمس خلاها بجيبه ..

والله اعلم

يعني فلوس الطلبه بجيبه وفلوس المعلمات بجيبه .. ياجعل جيبه للشق
.

اخواني واخواتي ندري احنا الحاجه تجعلنا ضحيه لهؤلاء النصابين لاكن بعد اذا كل واحد بيسكت بكذا راح نترك القرعه ترعى .. وماراح يصير حد لهالاعمال ..


اجل معلم راتبه 1500 ؟ انا افكرهم 5 وفوق هذا الي وصلني .. شكل المدرسه هذي نفسها نصابه .

الله يعين

لله يعين ويصلح الحال

ي اخوان اللي عنده طريقه كتاب خطاب شكوى لمكتب العمل لا يقصر


لا هنتو جميع

اغلب المدارس الاهليه نصب واجانب

انت ملعوب عليك من البداية.. التأمينات نسبة الاستقطاع 9% و في حالتك ما يتجاوز 100 ريال شهريا شلون يخصم منك 400ريال تأمينات.. السالفة فيها نصب و انت لازم تطالب بها في مكتب العمل ..