ساعدوني ما أقدر أدبر نفسي؟؟؟؟
 

السلام عليكم ورحمة الله وبركاته
اللهم بلغتا رمضان جميعا وبارك لنا في شعبان وارضى عنا يا أرحم الراحمين
شباب أنا قاعد في البيت سنة كاملة كل ما قدمت في شي ما توفقت فيه لكن قبل خمس شهور دقت احدى الشركات علي وهي احد المقاولين اللي يشتغل لصالح ارامكو وسابك المهم قالو لي بنشغلك عندنا وبنعطيك راتب 4600 ريال (حب يدك مقلوبة) والله قلت ممتاز قالولي شوف الحين الشركة جديدة وباقي ما خلصنا من الترتيبات مع سابك وحنا بندق عليك لما تخلص الامور المهم راح سبوعين ما دقو رحت لهم قالو اصبر وبعد اسبوع قالولي روح افحص وبعدين عطوني خطاب لفتح الحساب علشان الراتب المهم بعد ما خلصت قالي الحين انت من هاالشهر بيمشي راتبك وفعلا جاني الراتب الأساسي بعد شهر ونفسه الشهر الثاني والثالث اما الشهر الرابع فقاموا يعطوني 4 ألاف .
المهم أنا الحين استلم راتب وابلعة ولا استفيد فقلت بدل هالقعدة افتحلك مشروع وإلا تحرك شوي
وتصدقون كل يوم أقول هالكلام وقاعد ارجو مساعدتي في مشروع زوين ابدا فيه الله يرزقكم الجنة
مع العلم اني خريج كلية تقنية الكترونيات لكن المعدل تحت ال 3

مبروك على الوظيفه
على قولتك متخرج من التقنيه وعندك خبره بالاكترونيات افتح لك محل صغير واشتغل فيه انت طباعه بحوث من شغلات الطلاب والطالب

والله يوفقك

بالتوفيق لك

الله يوفق ويرزقك

اركد بوظيفتك و اهتم بشغلك لما يصير عندك خبرة بشي معين و راس مال جيد بعدين فكر بمشروع
يعني خل همك الحين التوفير ولا تعلم احد كم رصيدك حتى اخوك ولد امك و ابوك
حط حساب تحول عليه الفين كل شهر و انسى هالحساب مهما تحس انك محتد ولا يدك تحكك عالتبذير انسى
و شوف عقب سنة بإذن الله يكون عندك مبلغ حلو
هذا شوري و انت و رايك

كلام ممتاز

انت فكر في مشروع وحاول تتعاون مع احد ومن هنا لين تقرر تبدا في المشروع

أنصحك تعمل صندوق ادخار خاص فيك , أقل الأحوال تجيبلك ظرف وتحط فيها كل شهر مبلغ معين . وانساااااااااااااه بالمره

شكرا اخوي على اقتراحك لكني من قعدتي في البيت نسيت كل شي درسته وان شاء الله أقدر استرجع معلوماتي

شكرا على المرور وجزك الله خير

شكرا اخوي لكن صيانة الالكترونيات يبقالها تعمق وانت تعرف دراستنا الله بالخير لكن بحاول ان شاء الله استرجع المعلومات واستزيد من الكتب الالكترونية والمواقع المتخصصة في المجال