|
مشروع راس تريلة
السلام عليكم
عندي استفسار عن شراء راس تريلة وأجرها على شركة بكم الراس وش المطلوب من اوراق وغيرها وتقريبا كم يعطوني الشركة شهريا |
ترى ناس كثير اخذت مقلب بالتريلات الى قبل فتره اعرف 2 اشترو تريله واخرتها خبطت على يد العامله وتوضيب التريله اقل شي 40 الف يعني خساير قويه الله يرزق المسلمين
لكن شوف قبل كل شي شوف شركه تستاجر التريله بعد سنه واكثر بشرط يكون بالعقد تستلم التريله او الراس سليم زي ماهو وانهم مسؤولين عن صيانته في حال صار شي له قبل نهايه العقد والعقود تتراوح من شركه الى شركه اقل شي 7 الاف بالشهر الى الاعلى دور شركات كبيره عشان ترتاح |
يالغالي الموضوع حسب معرفتي كالتالي:
اول شيء تطلع راس التريلة بعدين تروح وزارة النقل على شان تطلع كرت التشغيل تبع التريلة بعدين تروح مكتب العمل باستمارة التريلة وكرت التشغيل ويعطونك على كل راس فيزة سائق ومعاون بعد كذا انت وشطارتك في البحث عن عقود وانا اختلف مع اخوي حماية جهازك في مبلغ العقود انا اقل عقد قد مر علي 15 الف ريال بالشهر بس كل شيء عليك وتقدر تلقى عقود ب 20 الف الى 30 الف بس يبي لها بحث الله يرزقك ويرزقنا اخوي واتمنى اني افدتك وقبل لا تبدى مشروعك ادرسه دراسة زينه على شان لا توهق احترامي وتقديري |
| الساعة الآن 11:43 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين