سوق الخضار ابي خبرتكم
السلام عليكم
اريد خبرتكم ي اخواني بخصوص سوق الخضار كم عدد المنتجات الي فيه وأسعار اليوم للجمله ؟؟؟ انا وجدت موقع فيه الأسعار بس ما ادري هل الأسعار صح ومحدثه او لا ! وهل المنتجات الي فيه هي نفسها الموجودة في السوق او لا فيه زيادة عليها ؟ http://www.ardco.com.sa/index.php?op...id=130&lang=ar ابي اعرف اصحاب الدينات الي بسوق الخضره هم نفسهم اصحاب المزارع او لا ؟ الي له خبره في السؤال الأخير يكون فادني أكثير وقطع علي شوط أكثير السؤال هو اذا كان اصحاب الدينات الموجودة في سوق الخضره ما هم اصحاب المزارع ( يعني هم فقط يشترون الخضره من المزارع ويبعونها في سوق الجمله ) ابي اعرف بكم يأخذون مثلا كرتون البرتقال المصري ابو 8 كيلو ؟؟؟ أتمناه من الجميع يتجاوب معي والله ما عرفت كيف احصل جواب لأسئلتي لان محد بيعلمني بكم أخذوها من المزارع :b |
الكرتون المصري سعر اليوم بـ 20 ريال سعرته الصباح على الساعه 10
وترا مانسيت استفسارك لكن انتظر الي يفيدني بيقابلني هاليومين .. |
تسلم لي اخوي محمد ولك رساله ع الخاص
|
اقتباس:
|
عليكم السلام اخوي بخصوص الدينات بسوق الخضار الاغلب ايجار من اصحاب المزارع الى السوق تكون الخضار مرسله الى دلالين الخضار تكون بالعادة من القصيم الخرج حايل الجوف ساجر وبعد تبوك الى الرياض او جدة او الدمام وطريقه الشراء تكون شايف الاسعار زين ومعك ارقام دلالين بعد وان كان عندك دينا احسن لك بخصوص المكسب وبرحله للمناطق الخضار وتشوف سعر المزارع وتقارن مع الدلال وترا السوف بلحظه يرتفع وينزل بعد بس الافغان والباكسانين بالعادة مايبع عليك يا السعودي حتى لو يبي ايجار ياخد افغاني او باكساني هالشي حصل عندنا بس خل عندك عزيمه وصبور واتمنى لكم التوفيق
|
اخي الكريم لم توضح الغرض من استفسارك هل هي رغبتك في شراء البضاعه من المزارع واعادة بيعها بسوق الجمله ام الشراء من المزارع لمحلك التجاري وبنسبه للسعر في اسواق الجمله يتحكم فيه العرض والطلب وكذلك نظافة البضاعه وطبعا الدلالين بصفه اساسيه الشغله مربحه ولكنها متعبه بعض الشي ولا تفكر حتى مجرد الدخول في الشغله بدون سابق معرفه حاول النزول للسوق وسجل الاسعار سوف تجد هناك تفاوت كبير في اسعارها بين يوم واخر وهناك انواع من الخضار محتكره لاشخاص معينين وكذل هناك انواع مناطق معينه يكون الطلب عليها اكثر من مناطق اخرى وحاول البحث عن الدلالين فهم اساس العمل وضمين لحقك بعد الله
|
اقتباس:
|
وعليكم السلام
اخوي حاليا اوضاع اصحاب المزارع بالمملكه صاروا يجرونها على الاجانب والاجانب يبيعونها باحدى الاسواق الخضار بالمملكه يعني باوقات الصيف تحصل كل شي رخيص سوا اصحاب المزارع سعودين او اجانب اسعار معقوله بالصيف ورخيصه جدا يعني اليو تحصل كرتون برتقال بـ 20 ريال بكره بـ 21 ريال حق كرتون بالنسبه بالشتاء كل شي غالي |
الساعة الآن 10:51 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين