الحمد لله طلعت رخصة البلدية لمطعمي الجديد ماهي الخطوة القامة لأستقدام العمال
السلام عليكم ورحمة الله وبركاته
اخواني الاعضاء الكرام ابشركم الحمدالله طلعت رخصة البلدية لمطعمي الجديد الله يجعله مصدر رزق حلال لي ولعيالي قولوا آمين اريد أن اسال أهل الخبرة ماهي الخطوة القادمة لإستقدام العمالة الخاصة بالمطعم اين وكيف وهل من نصائح؟ |
مآشآء الله على البركة يآخوك ،
إن شآء الله في حد من يفيدك ، بالتوفيق لك |
ماشاء الله تبارك الله
الله يوفقك ويرزقك ويغنيك بالحلال المبارك .. والله ان المطعم حلم حياتي الصعب ... انصحك بالتميز بنوعين على الاقل من ناحية المأكولات من المأكولات الي يقبلون عليها الشباب .. والعماله للاسف ماعندي خبره في هالموضوع ولا كان افدتك .. لكن خذها نصحيه من اخوك .. انت لو تحصل عامل واحد ممتاز وجيد وعملي .. بيجيب لك العماله الباقيه |
جزاك الله خير
اكبر فايدة استفدتها من هذا الموضوع دعواتكم الطيبة |
ماشاء الله
الله يوفقك ويرزقك ويجعله باب رزق وخير لك بإذن الله للاسف ماعندي اي معلومة افيدك فيها غير كثرة استفسارات ولاهو محلها هنا ربي يوفقك ويرزقك |
ماشالله الله يوفقك ..
مادري وش اقولك .. طبعا بتروح لمكتب العمل وبيطلع معك مراقب .. طبعا بيقولك كمل اغراضك علشان اكتبها بالتقرير ان جميع المعدات موجوده وهذا يزيد من العماله .. طبعا .. .. راح يجيك عاملين فقط بعد كل هالسالفه فأنت اختصرها وقله عطني عماله على حسب ماتشوف طبعا 2 مستحيل يكفون اذا كان مطعمك محترم مو بوفيه .. ف تضطر انك تدبر نفسك ((بطريقه اخرى)) .. |
اتمنى لك التوفيق
الان تروح تفتح ملف في مكتب العمل وبعدها التأمينات ثم تسجل سعودي او تسجل نفسك ثم تقدم على التاشيرات والله يعنيك تتنظر 3اشهر تحياتي لك |
1 - سجل بأبشر عن طريق النت وبعده رح فعله بأقرب فرع للجوازات عن طريق الجهاز ماتاخذ منك 4 دقايق تبصم عندهم 2 تسجل بموقع وزارة التجاره والصناعه https://ecr.mci.gov.sa/Account/Login وبعدها تقدر تنشأ سجل تجاري وتشترك بالغرفه التجاريه عن طريق النت فقط تسدد الرسوم اللي عليك 3 - التسجيل بالتأمينات الإجتماعيه 4 - التسجيل بموقع مكتب العمل وتفتح ملف عن طريق النت وتحجز موعد علشان تراجعهم لتفعيل الملف وهنا تكون فتحت ملف عندهم 5 - التسجيل بواصل عن طريق النت وتسديد الرسوم 6 - تقدم عن طريق موقع مكتب العمل على التأشيرات( ممكن يكون فيه تفعيل بعد التقديم ماني متأكد ) وتنتظر شهرين وبعدها تشيل الأوراق المطلوبه وتراجعهم وتنتظر 3 أسابيع وتستلم تأشيراتك ( ملاحظه كثر التأشيرات عن طريق النت وكل مارفض الجهاز نقص وحده إلين ماتاصل لأعلى عدد تقدر تأخذه من ناحية التأمينات ماكد سجلت فيها واما الأوراق المطلوبه فعلى حسب الموظف يمكن يطالبك بجمعيها والغالب إنه ما راح يطالبك لذالك إتأكد منهم أتمنى أكون أفدتك للأمانة منقول: http://btalah.com/showthread.php?t=603804#ixzz3Mwv3lN85 |
الله ييسر الامور
شكراً لكم |
الان عملت حساب للمطعم في التأمينات الاجتماعية
وفعلته من عندهم هل لازم اسجل صاحب المنشأة والا هو يتسجل تلقائي اذا ما كان موظف |
ههههههههههههههههه اليوم سويت نفس خطوتك ...
سجلت على موقع التأمينات ورحت للتأمينات وطبع لي الورقة ... هل سجلت في خدمة ابشر وخدمة واصل ؟؟ |
خدمة واصل نعم سجلت
وبكرة اروح افعل المستوى الثاني لكن خدمة ابشر ما سجلت فيها وش فايدتها؟ |
[align=center]للفائدة الإجراءات التي عملتها حتى الآن
فتح ملف عن طريق الأنترنت فعلته عن طريقهم سجلت في بريد واصل عن طريق النت سجلت المنشأة في التأمينات الاجتماعية. أخدت نموذج من مكتب العمل وختمته بختم المؤسسة + تصديق الغرفة التجارية ثم رجعت لهم فعلت المستوى الثاني الذي يتيح لي الاستقدام ونقل كفالة العمال وفي انتظار تحديث النطاق حتى يتاح لي ذلك [/align] |
الله يعطيك العافية ويوفقك
نبي نستفيد منك اذا انتهيت بحول الله وكم المدة اللي استغرقت من البداية والى نهايته |
هل سويت طلب استقدام عن طريق الموقع ؟؟
لازم ضروري كم عامل تبي تستقدم وماهي مساحة المحل ؟؟؟ |
ليتك في البداية وضعت لوحة تموينات وبعد ما تطلع السجل التجاري للمؤسسة وتطلع عليه تأشيرات . بعدها شيل اللوحة وعلق لوحة المطعم وطلع سجل فرعي للمطعم وقدم على التأشيرات. وبكذا يكون اربع تأشيرات
او اكثر. تراهم ما يعطونك الا تأشيرتين للمطعم وتبي تعاني . لا تخسر نفسك وبكره تبيع المعدات . |
بالنسبة للتأمينات .
96 ريال عن كل عامل تدفعها لمدة سنه كامله. |
اقتباس:
ان شاء الله افيدكم بالنسبة للوقت لإجرءات مكتب العمل اخذت مني 3 ايام تقريبا ولو عندي خبرة مفروض ما تاخذ مني الا يوم فقط اذا فتح الصباح وانا عندهم في الليل اعمل الملف عن طريق الانترنت والصباح بدري يفتحون الساعة 8 خذ اوراقك ورح لهم يفعلون الملف ومرة واحدة خذ نموذج من عندهم وعبه ورح الغرفة التجارية ختمه بعد نص ساعة او ساعة بالكثير سيكون قد تفعل وارتبط مع التأمينات والبريد اعمل عنوان وطني عن طريق الانترنت ايضا اعمل حساب على التأمينات بعد ما تسدد ويرسلون لك انه تم استلام المبلغ ارجع لمكتب العمل مع النموذج الي ختمته من الغرفة التجارية يفعلون لك المستوى الثاني ثم رح التأمينات فعل الحساب |
اقتباس:
ما زلت انتظر تحول النطاق الى أبيض المساحة 96 وابغى 5 عمال |
اقتباس:
الامر ليس بهذه السهولة |
الساعة الآن 09:16 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين