تعرضت للنصب من شخص ؟مالعمل ؟
السلام عليكم ورحمة الله وبركاته
وثقت في شخص وهو شاب سعودي له اعلان في موقع مستعمل وشاركته في مشروعه بمبلغ معين وحولت له الفلوس من حسابي تواصلت معه عن طريق الواتس اب واقنعني بعرضه وراني عدة تحويلات لمشتركين مثلي وايضا السجل التجاري للمؤسسة التابعه له مشكلتي مابحثت عنه بالنت بس بعد البحث اتضح انه نصب عللى ناس قبلي وفيه تحذير منه وكلام انه سبق سجنه ووو طبعا هو بعد التحويل اتدت المماطله واهمال الرسايل والاتصالات ايضا والتحجج بالانشغال والاعمال واعذار واهيه نفس اللي كان يقولها للسابقين وبعدها صار يقول خسرنا والتجاره شطاره وايضا تطاول بالكلام مجال مشروعه كان النت والاعلانات والادينسس وهكذا المهم الموضوع له اكثر من 4 شهور المبلغ ماعندي امل استرده من الشخص بس كل ماافكر بطريقه اقناعه لي وان غيري ممكن يقع بنفس الشرك اتمنى اسوي شي ايش رأيكم هل انشر صورة سجله وعنه معلومات واسمه ؟ وفين وكيف ؟ وهل عليه اي مسئوليه ؟ وشكرا لتعاونكم |
وعند الله تجتمع الخصوم ...
اذا انه ف نيته نصاب وكذاب الله بياخذ حقك منه بالدنيا والأخره ثاني شي لعل الله كتب لك خيره ف الموضوع ودرس لك غير مجاني تتعلمي منه .. انا سبق ومرت علي حاله مثل كذا نصاب من الانترنت يوظف مدرسات واخذ فلوسهم ولا توضفو ولا شي لأكن عزيزتي اذا انك متاكده انه نصاب احتفظي بصوره من التحويل والاوراق والثبوتيات واشتكي عليه ف الجرائم الالكترونيه .. اخيراً اذا انك رضيتي بالشراكه ( فهذا عذر له قوي لان التجاره ربح وخساره وبارادتك الموافقه |
اقتباس:
نصيحه خذ برنت كامل من البنك باسم الشخص ورقم حسابه وقدم عليه في المباحث والله ليسحبونه على ووجهه ولا يطلع من السجن الى يرد حقك لو طريقته بتمشي النصب والاحتيال كان سوها ناس كثير في اكثر من جهه حكوميه تجيب حقك ومختصه في قضايا النصب والاحتيال هذا لازم يوقف عند حده ولا تسكت عن حقك رح للمباحث وقولهم هذا الشخص نصب علي وورهم الرسائل ومبلغ التحويل واسمه ورقم حسابه الدوله بتجيب حقك كامل بعد الله سبحانه وتعالى كم من شخص سحبوه من رقم الحساب |
وعليكم السلام
الله يعوضك خيرها لكن إحتمال انه فعلاً فشل بالمشروع وخسر الفلوس لا نسئ الظن بدون مصادر مؤكدة |
اذا الاسم مطابق في بيانات السجل التجاري لنفس الاسم اللي حولت عليه في البنك
تقدر ان شاءالله تسترجع حقوقك ولكن طول بالك أجمع المعلومات والبيانات والاثباتات وقدم الشكوى والله يحفظنا وياكم من النصابين اللي مدري كيف ترضى نفسه ياكل حرام الله يهديهم |
الله يعوضك ويفرجها لك ماأدري يعني يمكن انحديتي وحبيتي تشاركينه بالتجاره لكن ليش وثقتي فيه وسلمتيه المبلغ . طبعا اتصلتي عليه ولايرد ودزيتي له رسايل ولايرد يعني نصصاب والنصابين همهم ياخذون فلوس من أي واحد ؟ والبنت معروفه تصدق كل شي الا اغلبهن لا . الله يوفقك ويعوضك . زي ماقالو الشباب سوي الاجراءات واشتكي
|
الله يعوض عليك واذا ثبت انه نصاب فعلا خذي برنت من البنك ومعه اي معلومات وقومي بالشكوي ضده وراح يسحبونه
|
اسف عالسؤال لكن هل الشخص عائلة الرشيدي
|
الان فيه نظام للجرائم الالكترونية اضيف لجريمة النصب والاحتيال اللي عملها معك
اشتكوه وراح يجيبونه على رأسه لا تسكت ولا تبلغه نية الشكوى |
ياخواني واخواتي الشراكه لابد من حضور الطرفين مع بعض وتسجيل الشراكه عن طريق محامي كيف تحول مبلغ لشخص ماتعرفه ولو حتي شكيت راح تتعب وماراح تحصل حقك الله يعوضك خير
|
كثير هنا يتعرضون لنصب
يا اخواني ويا اخواتي لا تقودكم سذاجتكم وحاجتكم للوقوع بأيدي اناس لا يخافون الله لا تصفون النيه ، لان فيه ناس الحقاره وعدم الخوف من الله ساس لهم والله يعوضك |
الله يعوض عليك!
|
إن شاء الله يعوضك الله خير
وانا دايم اكرر واقول اذا حلت المصيبه على الشخص اراد الله عز وجل له ان يخلصه من هم قديم كان يعاني منه فترة من حياته لان الهم كبر مع الوقت فأصبح مصيبه فعندما تحل المصيبه اراد الله بها زوال الهم الذي استفحل ليحل بعده الفرج الذي سوف يزول من خلاله هذا الهم ولايعود مرة أخرى إلا اذا الإنسان لم يعتبر من أخطائه فلما استحكمت حلقاتها فرجت وكنت اظنها لم تفرج ولرب ضائقة يضيق منها الفتى ذرعا وعند الله منها المخرج فالمصايب تكون درس للإنسان ماراح يتعلم منها الا من خلال الصبر وان الله مايظلم الانسان مثقال ذرة ماجاء من مصيبة فهي مما كسبت ايدينا ومن جاء من خير فهو من الله |
lما اضعف الانسان امام المال والمغريات ، خاصة اذا كان بحاجة لتشغيل امواله وهو مو عارف كيف يتصرف او فين يشغلها...لكن يا جماعة الخير في شرعنا الحنيف نحن مامورون بالمكاتبة وهذا في حالة دين وسلف عادي (اذا تداينتم بدين فاكتبوه) ،،، فما بالك اذا كان شراكة وعمل بين اثنين وكمان يمكن ما يعرفو بعض ، فلا بد للانسان يكون عنده عقل ،،، اول نقطة : الجلوس مع الشخص والحديث معه ، فالجلوس يبيّن اشياء كثيرة ، حتى المكالمة التليفونية لا تكفي ، وبعد الجلوس يكون المكاتبات ، وقبل ذلك المفروض تعرف حتى مكان بيته وسكنه وعمله وصورة من بطاقته الشخصية ،، الموضوع ليس يلّه نسوي شراكة واحنا زي الاخوان وقلوبنا طيبة ،، دائما اخي واختي ضعي في بالك شئ اسمه مكاتبااااااات وتسليم اوراق وهويات ومعلومات عن مقره وسكنه وعمله
|
اقتباس:
|
النصابين كتروا جدا فى كل مكان ربنا يحفظ الجميع
|
اشكر الجميع علی الردود
الشكوی لله بس مالي خلق دعاوي وقضايا حبالها واجراءتهایماتخلص انا هدفي احذر الناس منه خاصة انه طلع له سوابق وكثير كاتبين عنه بالنت والاخ ماهو رشيدي بل عنزي مع احترامي للمسلمين كلهم وهو ماخسر ولا شي الا صرف فلوسنا والدليل سوء اخلاقه بعد استلام المبلغ مباشره والفاظه السيئه الخلاصه ماحد فيكم شجعني علی التشهير به .يبدو انه شي ماله داعي بنظركم فالموضوع انتهی هنا وكلهایتجربه وانتهت بمعرفه جديده والحمدلله |
الا شهري فيه وايش المانع !!! حتى ارقامه حطوه للكل للاتعاظ والعبرة
|
اختي الله يعوضك خير
بس حطي اسمه في المنتدى عشان الناس تتحذر منه |
اقتباس:
و تفتح مليون باب عليهم لانك مسكين ما تعرف تشتكي و لا تشهر في النصاب ليش الخوف و الطيبة منك هذا حق من حقوقك ولازم تطارد وراه حتى لو ما تاخذ ريال أهم شي تتعلم كيف تجيب حقك ما تصير ضعيف وصيد سهل قدام نصاب أخر اذا عندك رقم جواله روح للشرطة و اشتك عليه و بعدين علمني وش يصير معك انت جرب بس والله البحث الجنائي يجيبه مع اذنه ولازم تشهر فيه في كل مواقع النت و التواصل الاجتماعي مع ذكر الاسم كامل للشخص النصاب و السلااام |
الله يعوضك خير ويعوضك اضعاف ماراح عليك ..
بس بسأل هل اسمه تركي العنزي ولا سلطان العنزي ؟ احد الاسمين ذي |
اقتباس:
وكلماتك الرائعه التي زادت من معنوياتي فإذا كنت حكيمة حقاً فهذا من فضل ربي والحمدلله كنت سابقاً عندما امر على الآية الكريمة : (يؤتى الحكمة من يشاء ومن يؤت الحكمة فقد أوتى خيراً كثيراً ومايذكر إلآ أولوا الألباب) كنت اتوقف عند هذه الآية واسئل الله في نفسي ان يرزقني الحكمة ولعلها كانت دعوة مستجابة ولله الحمد والمنة |
التشهير فيه..أحس مايبغالها سؤال واستشارة
اللي تشوفينه صح..وممكن يفيد غيرك سويه دام انك غلطتي وراحت فلوسك وكثير زيك..ليش ماتحذرين الناس من هالشخص بالعكس يمكن بسبب تحذيرك..تحصلين دعوة لك من انسان صالح تفتح لك أبواب مقفلة جمعي كل المعلومات اللي تعرفينها عنه.وحذري منه عن طريق الواتس..والمواقع اللي تكثر فيها هالمواضيع |
حسبنا الله على من يأخذ أموال الناس بالباطل
وجدت مواضيع كثيره في النت إحذروا http://rbhmn.blogspot.com/2013/01/blog-post.html الشراكه حتى لو مع أخوك ، الأفضل تكون بورقة و عقد شراكة و تكتبونها لدى شخص متخصص في العقود أو المحاكم أو غيرها وفق الله الجميع |
الساعة الآن 08:02 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين