فكرة التجارة في الكويت وماهي الصعوبات والمعوقات
السلام عليكم ورحمة الله وبركاته
اخواني انا لدي مشروع جديد وافكر فيه منذ فترة ولكن التفكير وعدم المعرفة التخصصية بالتصدير هي مشكلتي وطريقة الافتتاح والسجل التجاري هي معوقتي . الفكرة هي افتتاح سوبر ماركت في دولة الكويت وانا سعودي . المعوقات واشياء اجهلها / طريقة البداية راس المال موجود البلديات مستثمر سعودي هل يسمح له بالتجارة هناك طريقة تصدير المواد الغذائية من السعودية الى الكويت هل يسمح بها او لابد من حد معين وبكذا لن تنجح تجارتي . اللي عنده فكرة ياليت يفيدني . واللي من اهل الكويت لامانع من التواصل وان رغب بالمشاركة فلا مانع . |
السلام عليكم
أخي الكريم أنا سعودي من الكويت وعندي رخصة استيراد وتصدير التصدير مسموح واغلب المواد ماعليها رسوم تصدير المعوقات: 1-وزارة الشؤون ماتعطيك عماله من الخارج فقط عماله داخليه الا بواسطه (رشاوى) 2-يوجد مبالغه وتضخم بالايجارات لدرجة البقاله 8*5 ايجارها يوصل 10 الاف ريال عادي 3-الناس هنا يشتروا مقاضيهم من الجمعيات والسوبر ماركت يبغاله صبر كبير أما اذا تريد فتح محل للجمله تستورد بضائع السعوديه وتنزلهم البقالات والجمعيات اتوقع اسهل لأن محل الجمله لايحتاج موقع مميز وايجاره معقول الشيء الجميل بالكويت هي الكثافه مع القوه الشرائيه من المواطنين والوافدين والسوق المفتوح. واي استفسار او مساعده تحتاجها انا حاضر راسلني بالخاص او تواصل معي بالواتساب رقم 0096550202477 تقبل تحياتي |
اخوانا الكويتيين والخليجيين الان يدخلون سوقنا بقوة وأنت تبي تطلع الكويت ؟!!!!!!
هل في احد يترك ٢٧ مليون نسمة كقوة وكثافة شرائية ويروح لمليون ونصف ؟!!! الان الشرق الاوسط كله ما فيه مثل السوق السعودي كثافة سكانية قوة شرائية أمان اقتصادي سهولة في الانظمة لو تلاحظ حتى في المنتدى هنا تحصل خليجيين يبون يفتحون عندنا ما في مقارنة ابدا بين السوق السعودي كفرص تجارية وبين بقية اسواق الشرق الاوسط كلها وتقدر تبحث عن اراء الاقتصاديين لتعرف النصيحة ابدأ هنا وبعدين ممكن تفكر تفتح فروع في دول اخرى لتمكين الاسم التجاري |
أأيد كلام الاخ نخيل لاتنحني
في الكويت بسبب الاجرائات والتضخم اصبح غير مجدي التجاره عندهم اجار المحل متوسطه الف دينار = 13500 ريال العمال اقل عامل الفين ريال راتبه السكن غالي بحدود 5000 ريال للشقه انا كان عندي محل وبعته وبنتقل للسعوديه وفي كويتيين قفلوا وراحوا السعوديه بالكويت سنه ونص فاتح ولا عطوني ولا عامل من بره كلهم تحويل داخلي ورواتبهم عاليه الايجارات والرواتب عاليه اذا خسرت خسارتك جامده ولاتقدر تصبر عالمحل لين يكسب لأن صبرك يعتبر نزيف شهري للمال. لكن الحق يقال ان القوه الشرائيه بالكويت هي الاقوى لدرجة الوافد عندهم يشتري باسراف بالنسبه لراتبه |
نصيحه من اخو ..انحش من الكويت
الا اذا عاد انت تملك حوالي 700 الف ريال اي اقولك حياك اشتغل بالكويت يابن الحلال اقسم لك بالله اجور العمال فضيعه الهندي اللي قبل تنادية يجيك يركض ويهز راسة ويرضى بثلاثين دينار الحين مايرضى بأقل من مية وعشرين دينار وزعلان بعد ؟؟ليش؟؟ انا اقولك ليش في الهند زادوا معاشاتهم في انتعاش كذلك بنغلاديش ايضا من بعض الخبول اللي كل شوي يزيد بالمكافئات لعماله اشتهر الوضع وصارت واجب على الجميع ! تبي الكويت نعم فيها رزق وخير واقدر اطلع لك بالشهر 2000 دينار بس ها حط فلوسك بالشمس واقعد بالظلال الكويت مايمشي فيها الا مطعم لا وعلى شارع ويمكن خلو ثلاثين الف او ايجار عالي بدون خلو كلك مصبغة تبي نصيحة ..هات فلوسك اشتري لك فيها سيارة كشخه جديدة ا واضبط لك مكتب سيارات يأجرها لك للشباب المندفع يدفع لك من تحت الأرض يومي او شهري فلوس كثيره تعبي فيها جيوبك ليما تنفجر كله عشان بس يمر الخبل قدام البنات بالجامعه وشوفوني ناس مي صاحية رزقك عليها |
هههههههههههههههه استغفر الله وأتوب اليه
يبا اشتغل بالحفر احصلك واقربلك |
عافاكم الله وشاكر لمروركم العطر والمتميز
ومن جد اقنعتوني ولم افكر بالعمالة من جد . |
الساعة الآن 08:33 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين