مطلوب مسؤول / مسؤولة علاقات حكومية في شركة خدمات بترولية
 

جزاك الله خير

بالتوووووووووووفيق

شكراً لكِ

معقب وببكالريوس الله الله يا بلدنا ترمى لنا فتات الوظائف ولدينا شهادات كما شهادات الوافدين اللي حطيتوهم صناع القرار في قطاعنا الخاص
حسبنا ونعم الووكيل على من خان الامانه وذل شباب الوطن بفتات الوظائف

اخوي الله يجزاك خير شنو اسم الشركه لو سمحت

و الله العظيم م كذب عبدالحميد العمري يوم طلع من المديفر و يتكلم عن الوظائف و القطاع الخاص و ميزانية الدولة و ونظام وزارة العممل ونطاقات O_o

بكالوريا و الدبلوم العالي على وظائف الكفاءة و الابتدائية !!
و يقولون ليه الشباب مايجلس في الوظيفة او عاطل !!
..

ما ودي اكتب كلام اكثر .. خوف ان يقل الاحترام

ممكن عندي سوال معقبين رجال وفهمنها بس معقبين نسااااااااااااااا كيف تصير اها اتوقع النساء ترضى باي راتب حتى لوكان 3000 وسائق وتراجع هيئة الاستثمار وللمعلوميه الاقسام النسائيه في اغلب الدوائر الحكوميه صلاحياتهم محدوده وتضطر تراجع قسم الرجال .ياشباب هذي من افكار الشركات بحيث ان المعقب الرجال يحتاج راتب مثلا7000 ومافوق يوظف حرمه ورجال قليل الخبره ويعطيهم 6000 اجمالي يعني كل واحد3000 ريال فقلل الراتب واستفاد من السعوده وارتفاع نسبة التوطين

عذرا على التدخل ..

لكن بالنسبة للوظيفة النسائية تكون عمل مكتبي إداري .. فهي لن تتمكن من مراجعة مكتب العمل مثلا او وزارة الخارجية أو البلدية أو أي دائرة حكومية فهي ستقتصر في عمل الأوراق اللازمة بداخل الشركة و من خلال ذلك هناك معقب يستلم منها الأوراق لكي يذهب لتخليصها .. بمعنى الوظيفة الأن واضحة ..

دمتم بحفظ الله

هذه الوظائف لمؤهل الثانوية والمتوسطة ؟؟؟؟ ليش تطلبون بكالريوس ودبلوم ؟؟؟؟
اتمنى تجاوب يا اروقتي

عزيزي الأخ الكريم .. بالنسبة لخبرتي في هذا المجال في هناك شركات أجنبية .. تستقطب السعوديين من الجنسين و يكون اشتراطهم ثانوي.. دبلوم .. جامعي . وحتى للمتوسط نصيب . و العلاقات الحكومية واجهة لكل شركة .. تحتاج جهد كبير ومتابعة في أدق التفاصييل .. و أن الله سبحانه يوفق العامل إذا عمل فقط عليه أن يتوكل على الله و ان يركز بهدف له .. بغض النظر عن مؤهله..

دمت بخير ..

جزاك الله خير

العمل على هذه الأمور تتطلب دقة و مسؤولية لأن يترتب عليها صرفيات مالية والمراجعة فيها صعبة !
لهالسبب يشترطوا دبلوم أو بكالريوس إلى جانب اللغة

قدمت عليهم والله يسهل

ممكن تحدد وين بالضبط بكلامي طلبت معقب؟؟ الظاهر ان الحقد والاستسلام و الحماقه اللي واضحه بردك اعمتك عن المكتوب وخيالك المريض صورلك كلام غير اللي انا كتبته الوظيفه مسؤول علاقات حكوميه بالانجليزي Government relations officer يصنف في السوبرفايزر ليفل و برضو كتبت يوجد لدينا معقب باللون الاحمر .... الظاهر انك حاقد عالمجتمع وانهزامي ماشي على نظرية المؤامره ولا احد درى عنك وعن خزعبلاتك

انا ماطلبت معقب يا اخ انا قلت يوجد لدينا معقب وبعدين ع أي اساس تحدد ان ابي بنت لان راتبها اقل؟؟ انا ابي بنت لانها اضبط وارتب وادق وتحترم الوقت والدوام ولا الراتب واحد مو انا ولا انت تحدده في شي اسمه سلم رواتب لكل وظيفه يحدد قريداته والوظيفه اللي مو عاجبتك سوبرفايزر ليفل راتبها اكثر من اللي سموك حدده وانا قلت الوظيفه اداريه مافيها تعقيب واساسا اللي نفسك مااوظفه معقب اعلان ماعرفت تقراه نفس الناس ولعلمك البنات افضل من الف رجال بالشغل ولو فيه معقبات وظفت

انا اللي باجاوبك هات لي خريج متوسط ولا ثانوي يجهزلي ريبورت اسبوعي و البرزنتيشن ويحضر اجتماع الاوبريشن ويناقش مدراء الاقسام والمهندسين ويتعامل مع موظفين الفرع بامريكا و بريطانيا و يمثل قسمه ويرسل تقارير الاداء بالانجليزي لارامكو؟؟؟ اذا عندك احد يواجه اللي ذكرته انا اوظفه من بكره

واضح ان فهمك قليل مو بس الاحترام :) نصيحتي للشباب بالذات لان البنات بصراحه اللي مظلومات معدلات وشهادات والوظايف لهم محدوده بس الشباب فعلا مؤهلاتهم تفشل و مايتقبلون أي توجيه ولو واحد فيكم يحضر المقابلات اللي اسويها معهم بيعرف قصدي طبعا كلامي على اللي مايتعبون ع نفسهم ولا مؤهلاتهم و يجون يتفلسفون ع قل سنع و بالمقابلات يصيرون بالضبط نفس طفل اول يوم مدرسه كلمتين ع بعض مايعرف يجاوب
بطلو حقد عالمجتمع و طورو نفسكم

شكرا لك

المسمى هذا _ مسؤول علاقات حكومية _ الشركات تستخدمه ل تفخيم و تذهيب الوظيفة معظم الشركات ماهي كلها , و الشغله نفسها هي معقب لكن يطلب انجليزي عشان الموظفين الاجانب والبطاقات و امور ورقية داخل الشركة وخارجها وو.. و الدوام مكتبي و ميداني ممكن مع بعض , عشان كذا الراتب غالبا +6000 حتى بدون مؤهل اهم شيء المهارات و خبرة ,
يعني لا ترتفعون واجد بالوظيفة كأنها مدير تنفيذي لبنك مثلا هههههههههه!


ثانوي + دورة حاسب + انجلش
او ثانوي + خبرة ماتتجاوز ثلاث سنوات مع الانجلش طبعا, والعمر +22
,, وبس لا بكالوريا ولا دبلوم عالي ,, بكل الحالتين راح يخضع الموظف فترة تدريب معينه قبل استلام العمل رسميا ..
رأيئ كذا الوضع تمام .. انا استرجل برأئي ولا اعرف نظام او سلم وظائفكم يعني :)



و بشكل عام .. وظائف السعوديين/ت شاغرة بالآلاف كلها بالمناطق الامامية ما تحتاج اكثر من ثآنوي و لغه بسيطه , ما عدا القيادية و الفنية التخصصية


= بطلو حقد عالمجتمع و طورو نفسكم =
اي حقد ؟ :confused::i


لكن انا معك خريجات الجامعات والدبلوم اكثر من الخريجين :z

وما به كلام , كلنا نستحق م نرغبه

و ترا المشاكل غالبا من جهة العمل و الضحية المتقدم/ة او الموظف/ة , ما فيه احد فاشل و مؤهله يفشل طيب ؟:)




الله يرزق و ييسر على كل عاطل/ة

لا تسترجل برايك على قولتك واللي تتكلم عن مؤهلاتهم جربناهم ماكملو 6 شهور + كنا نحضر الاجتماعات بدالهم ونترجملهم
وانا مو معك الفاشلين كثار جدا من فئة الشباب اكبر واكثر مما تتخيل و تتصور .. ولعلمك الشاب المؤهل والله مايحتاج اعلان ولا يدور يحط رجل ع رجل ويتشرط البنت اللي تنظلم فقط لكن الشباب لا ومثال حي عندك خريجين البترول والمبتعثين ينقبلون من اخر سيمستر جامعه وبرواتب ماتتوقعها
واذا ع مشاكل جهة العمل الحين صدقني مااحد يقدر ياكل حق سعودي هالكلام اول مو الحين نطاقات و ساند و مفتشين العمل و غيرها
اللي جرب النظام القديم يعرف ان اللي يتشكون الحين ماعندهم سالفه وقتها حتى لو نبي وظيفه من غير راتب بس خبره مااحد يبيك لانك سعودي بس والحين في وظيفه بكل شركه بس شغلته يحسب السعوده و الوظايف والنطاقات والتيرنوفر للسعودين
يعني اللي بين من الفرق بين النظام الحالي والسابق ان الشباب وضعهم التعليمي وحتى الفكري مزري جدا ومااحد ماكلها الا البنات
انت تتكلم من راسك وتقيس ع نفسك وتصور لنفسك سوالف مو موجوده الا عندك وانا اتكلم من شغلي ومن اللي اشوفه ومن اللي مريت فيه قبل والحين
نصيحتي لك لا تدخل بشي ماتفهم فيه ولا تدخل بنوايا الناس وخلك منطقي بحكمك ع الامور و طور من نفسك واتعب عليها عشان اذا يوم حاججت شخص مايضطر يكتبلك التعليق الطويل اللي انا كتبته الان..