الحمد لله طلعت التاشيرات
 

:d السلام عليكم ورحمة الله وبركاته
واخيرا بعد 6 شهور وعناء طويل مع مكتب العمل وغثاهم طلعو لي تاشيرتين:cry:
بس الحمد لله نعمه لاني طفرت وانا ادفع ايجار المحل:k


المهم بغيت اسئل اهل الخبره بالنسبة لاقامات العمال اذا وصلو كم تكلفة اصدار اقاماتهم وكيف الطريقه لاستخراجها هذا اول مشروع لي والله يرزقني ويرزق الجميع
لاني سمعت انه اذا كان عدد العمال اقل من 9 يختلف الحسبة
ياليت احد يفيدني

إصدار وتجديد إقامة لعمالة الشركات والمؤسسات 650
إصدار رخصة الاقامة للعمالة المنزلية (مزارع - راعي - سائق - شغاله ) للافراد 600
تجديد رخصة الاقامة للعمالة المنزلية (مزارع - راعي - شغاله - سائق ) للافراد 350

بالنسبه للعدد ان زاد عن تسعه فما عندي اي معلومه عنه اخي الكريم

والله يكتب لك التوفيق والســداد في مشــروعك

الله يجزاك خير اخوي

استفسار اخير 2400 ريال اللي كل سنه وش قصتها؟؟

الله يوفقكم قل امين ..
تفضل هذا اللي حصلته ..

يعني تقريباَ وحسبما فهمت ..
اذا عندك من تسع عمـال واقل فمحلـك يعتبر منشاه صغيره
ويتم اعفـائك كم الـ 2400 ريـال المقرره سنوياَ
بشرط انك صاحب المنشاه متفرغ للعمل بالمنشاه او الاشراف عليها

الله يوفقك في مشروعك
انا توني اصدرت اقامات
عندك الجوازات ٦٥٠
العمل ١٠٠
تأمين طبي ٢٧٠ تقريبا
وسلامتك لا زود ولا نقص

ال ٢٤٠٠ بعد مايصير عندك ٤ عمال تدفعها هذا في نشاط المقاولات مدري عن الباقي
وشرط يكون صاحب العمل محتسب بالتوطين

بالتوفيق

الي اعرفه 2400 تدفع على العامل رقم 4 وفوق

هذا للمنشأة الصغيرة الي 9 عمال وأقل

يعني عندك الحين 3 عمال. ما تدفع 2400
بس لو عندك 4 عمال. تدفع 2400 على العامل 4
وإذا عندك 9 عمال تدفع. 2400 على العامل 4 الى العامل 9


طبعا هذا لأي نشاط مقاولات او غيرها

اتمنا افدتك

الله يجزاكم خير
اخر سؤال
هل لازم اسجلهم بالتامينات وكيف الطريقة او بمجرد ما تطلع اقاماتهم ينزلون اتوماتك بالتامينات

رخصة العمل من 4 عمال وفوق 2500 ريال

وش نشاطك؟

نشاطي بوفية

بغيت اسل عن طريقة استخراج الاقامات هل اسوي لهم كشف طبي بعدين اروح للجوازات او هل ادخل على حساب المنشأه قبل الله يرحم والديكم ويحرم وجيهكم عن النار ابغى الاجراءات خطوه بخطوه الله يرضى عليكم

اخوي في التامينات يجونك دايركت وتكمل الاجراءات حقتهم

اول مايوصلون العمال خلهم يسوون كشف طبي واسال المستشفى متى احصله في الجوازات لانه الكتروني يرسلونه

الخطوة الثانيه تسوي له تامين طبي برقم الحدود وصورة بطاقتك من 270 - 350 ريال التامين للعامل

بعدها تدخل علي مكتب العمل وتطلع الرخص حقتهم وتسددها برقم السداد اللي يجيك عن طريق الصراف

بعدها تسدد رسوم اصدار الاقامه من الصراف

وبعد ماتسوي كل الخطوات اللي فوق تدخل علي موقعك ابشر جق الداخليه وتدخل اصدار اقامه تحصل العمال وتسوي لهم اصدار واذا تمت العمليه تطبع الورقه وتروح تطبع الاقامه من الجوازات وانتهى كذا هذي كل سنه معك

بس استبعد منها الكشف الطبي
واي استفسار انا في الخدمة