تجمع المتقدمات على وظائف وزارة الخارجيه ( ملحق - سكرتير ثاني ) لعام (1436-2015)
بسم الله الرحمن الرحيم
السلام عليكم ورحمة الله وبركاته وزارة الخارجيه طرحت وظايف نسائيه بمسمى (ملحق) لحملة البكالوريوس و (سكرتير ثاني) لحملة الماجستير هذا رابط الإعلان ، واضح فيه كل شي التخصصات والشروط والوثائق المطلوبه http://jobs.mofa.gov.sa/JobsAdds/Pages/15-3-1436.aspx والتقديم بإذن الله بيبدأ في تاريخ 27/3/1436 ، يعني بعد ست أيام أنا فتحت هالموضوع على أساس نفيد بعض بأي معلومه نعرفها عن الإختبارات والمقابله وكمان نستفيد من خبرة السنوات الماضيه وبحط لكم روابط مواضيع السنوات اللي مضت اللي لقيتها # تجمع المتقدمات على وظائف وزارة الخارجية(ملحق _ سكرتير ثاني) للعام 1434 https://www.btalah.com/t496702.html # تجمع المتقدمات على وظائف وزارة الخارجية(ملحق _ سكرتير ثاني) للعام 1433 https://www.btalah.com/t468032.html # تجمع المتقدمين لوظائف وزارة الخارجية (ملحق/سكرتير ثاني) 1434هـ >> هذا الموضوع كان للرجال https://www.btalah.com/t482361.html # نموذج للإختبارات من موقع وزارة الخارجيه http://jobs.mofa.gov.sa/JobsAdds/Pages/143403151.aspx هذي المواضيع اللي لقيتها إلى الأن ، وبإذن الله أي شي أستفيد منه سواء رابط موضوع أو كتاب بكتبه هنا ' سبحان الله وبحمده عدد خلقه ورضا نفسه وزنة عرشه ومداد كلماته أستغفر الله ولا حول ولاقوة إلا بالله والله أكبر اللهم صلِّ وسلم على نبينا محمد وعلى أله وصحبه أجمعين . |
جزاك الله خيراً ووفقنا جميعاً
|
مشكورة على انشاء الموضوع و ان شاءالله نفيد بعض
انا سبق وقدمت على وظيفة ملحق عام 2013 و ما انكتبت لي و هالسنة بقدم على سكرتير ثاني بما اني انهيت الماجستير ولله الحمد ونقول الثانية ثابتة ان شاءالله |
اقتباس:
اقتباس:
الله يوفقك يارب ويجعل لك نصيب فيها يارب إذا تسمحي أسئلك عن تجربتك الأولى في التقديم ؟ |
امري وش بغيتي تعرفين ؟
|
اقتباس:
بس حبيت أسئل وش الصعوبات اللي واجهتك ؟ وهل دخلتي المقابله ولا ؟ انا بصراحه اكثر شي شايله همه إختبار العام ، لإني مثل ماقريت أسئله سياسيه بحته وبعضها ممكن يكون قديم هل في مراجع خاصه تنصحينا فيها ندرس منها للإختبار العام؟ وأعتذر إذا كان فيها إزعاج وربي يوفقك ويجعل لك نصيب في هذي الوظيفه يارب |
بس حبيت أسئل وش الصعوبات اللي واجهتك ؟
والله فيه .. الصعوبة الاولى الانتظااااااااار , اجراءاتهم تطوووول وتاخذ شهور و توصل لسنة الصعوبة الثانية الاختبار , اختبار الثقافة العامة استهباااااال و اسئلة التخصص مايجاوبها الا شخص كان ممتاز ومتفوق في تخصصه اختبار المقال سهل واختبار الانجليزي حق قياس اللغة يعتبر سهل بس يدخل فيه اسئلة ثقافية مو بس قرامر و فوكاب , يعني مثلا يسئلونك عن الدولة السعودية الثالثة والاولى بالانجلش وعدد المتقدمات مهووووووول , تدخلين ساحة كبيييييييرة مليااااااااانة بنات العدد السنة الماضية كان 1400 بنت !! متخيلة ؟ ومانجح منهم الا 150 وحدة تقريبا وهل دخلتي المقابله ولا ؟ لا والله , ماتجاوزت الاختبار اصلا !! بس كنت متابعة البنات اللي دخلوا المقابلة كانت سهلة في نظري وماتتعدى ال6 دقايق لكل متقدمة وكانت بالعربي و اسئلة عامة تقيس شخصيتك وطريقة تفكيرك انا بصراحه اكثر شي شايله همه إختبار العام ، لإني مثل ماقريت أسئله سياسيه بحته وبعضها ممكن يكون قديم هل في مراجع خاصه تنصحينا فيها ندرس منها للإختبار العام؟ احس مهما استعديتي بتتفاجئين من الاسئلة لاني استعديت وقريت وماجا من اللي قريته الا 1% بس اقري في الدولة السعودية الاولى والثانية والثالثة اقري في القرارات المهمة مثل انشاء مجلس الشورى كان في عهد مين اقري في المنظمات الدولية مثل اليونيسكو و مجلس الوزراء البريطاني و الاحلاف وين مقر كل منظم ؟ وكم عضو فيها ؟ وكل عضو كم المدة اللي يخدم فيها ؟ وهل تتجدد مدته والا لا اقري في حدود الدول الانهار البحار بالعربي معلومات جغرافيا وتاريخ و سياسة وانصحك تجلسين عند قناة العربية و الجزيرة اسبوع او اسبوعين قبل الاختبار تابعي الاخبار الاخيرة لانه جت كمية اسئلة لا بأس بها كلها من اخبار اخر اسبوع قبل الاختبار !! عن الرئيس اللبناني الحالي و عن التحقيق مع المذيع باسم يوسف وعن اخر زيارة سواها اوباما كانت كلها اخبار فريش اتذكر واحد كان يقول ان هم يركزون اكثر شي على درجتك في اختبار التخصص وبراعتك في كتابة المقال تهمهم اكثر من الباقي , قال: اختبار الثقافة العامة لا يعول عليه كثيرا بس مدري عن مدى دقة معلوماته بالنسبة لسؤال المقال .. يكون عن موضوع حيوي و جديد و شاغل الناس مثلا على تقديمي كان عن عمل المرأة و انها بدت تدخل مجالات عمل جديدة واللي قبل جاهم عن شبكات التواصل الاجتماعية وكيف المفروض نستخدمها وهكذا |
الله يوفق الجيمع
|
حبيت ادخل على الخط
وهو دخول ان شاء الله يفيدكم اذا كان هدفكم وزارة الخارجية لازم يكون التركيز على الأخبار ومتابعتها بشكل يومي وعلى الاقل الموجز وعندكم مواقع تجيب اهم احداث سنه 2014 و2013 الخ .. التخصص مثال اذا دراستك قانون فيكون التركيز على القانون الدولي العام حفظ موقع وزارة الخارجيه من تواريخ الخ .. فهم طبيعه العمل في وزارة الخارجية لمجالك التخصصي والباقي على رب العالمين بس اهم شي حطو في بالكم ان وزارة الخارجيه تطول في اجراءات القبول يعني ممكن تجلسون سنه |
اقتباس:
ماتصدقي قد إيش أفدتيني ومتأكده كل المتقدمات بيستفيدون من ردك الحمدالله انه بأول صفحه عشان يكون واضح لهم الله يسعدك ويكتب لك نصيب في وظيفة سكرتير ثاني يااارب اقتباس:
اقتباس:
والله يعينا ويصبرنا أصعب شي الإنتظار بس بغيت أنبهك مايجوز نقول 'والباقي على رب العالمين' ، لأن الأمور كلها لله وبيد الله سبحانه وتعالى انا شخصيا كنت أغلط بذا الكلام ووالله نيتي من تنبيهي مابيكم تأثمون الله يوفقك ويرزقك من حيث لاتحتسب وجميع المسلمين والمؤمنين |
الساعة الآن 04:13 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين