ابي اراكم وَيَا اخوان تكفون
 

السلام عليكم ورحمه الله وبركاته


أنا ما دخلت الموقع وسجلت إللى ابي رأيكم
أنا طالب متخرج من التقنيه دبلوم معدل ممتاز لكن الظروف أجبرتني ادخل العسكريه وبرضى والديني الله يحفظهم
ويعلم الله ابي اكمل دراسه لين بالعسكرية سنتين مرتاح بس راسي علم ابي اكمل اقترحو لي الزواج والستر بعد الوظيفة ولله الحمد هذا أنا متزوج ولي شهرين ولله الحمد .


الله كتب لي وقدمت عشان اكمل دراسه في التقنيه ينقال لها إنجليزي مكثف وبعدها التحق بالبعثة للخارج وارجع بافضل ما وظيفة حكومية ونبعد عن نفسية العسكريه حبيت أخذ رأيكم قبلوني هم وتم الموافقه بس طالبين تفريغ من العمل وانا متوقع ماراح يوفقون العسكريه بس رأيكم هل اترك العسكريه بعد ما تزوجت وادرس وأضحي بنفسي لصالح شي ابيه
ولا وش الحل بالنسبة لكم مجرد رأي وأتمنى اكتسب الفايده منكم وشكرا

اخوكم : محتار في امري:c

شي حلو انك تطور من نفسك
ونا معك بالشي ذا انت خذ اجازه شهر استحاق لك وشوف الوضع بالمعهد اللي بتدرس فيه بالخارج
من خلال دراستك بتحصل مبتعثين بنفس وضعك اما دارسين على حسابهم او جابو معدل حلو وانضمو للأبتعاث
قبل تفصل الاجزاه من حقه تروح وتشوف وتسئل والافضل يكون عندك مبلغ قبل تفصل

الله يوفقك

احسن شي سويته انك نزلت الموضوع هذا ,,

اول شي برنامج اللغة الانجليزية المكثف يحتاج له تفرغ لانه دوام من الصباح للظهر او العصرر مادري على ايامي ماكان فيه نظام معين لاننا اول دفعة ..

ثاني شي ماراح تضمن البعثة بذا البرنامج ،، لان فيه شروط للابتعاث انك ماتكون متخرج من اكثر من ثلاث سنوات وانك تكون متفرغ تماما ..

ثالث شي الحين انت رجال بوظيفتك ومعاك حرمة بذمتك ومستقبلا بيجيك عيالك .. مو حلوة تعيش الظروف ذي وانت مشتت .. او انك تعيش المغامرة ذي بظروف عائلية ..

(وجهة نظرتي) انك تسوي مثل صديقي .. هو مثل وضعك خريج كلية تقنية وعسكري ومرتاح بدوامة ,, قدم على الجامعة انتساب والحين المستوى 5 .. خلص الجامعة انتساب تنفعك ..

وتقدر تفتحلك مشاريع تجارية بأسم الاهل .. والامورة سهالة دامك في قطاع حلو والناس اللي معاك كويسين .. الحمدلله غيرك عسكر ومو راضين عن وضعهم بسبب القطاع وطبيعة الدوام اللي هم فيه ...

الله يوفقك وفكر فيها زين واستخير ربك قبل كل شي

مثل ما ذكره الأخ عزوز الحارثي

لأنه هالأيام صعبة تحصلك وظيفة حلوة

وفق الله الجميع

الله يعطيكم العافية اخواني والله سعيد بردودكم اللي من جد كل واحد فيكم ابهرني
 

اخوي عزوز كلامك مره جميل وعين الصواب لكن ما يبي لها إللى انتساب
بس محددين جامعات معينه الان ولا أني عارف متى تقديمهم واحتمال يقولو يقفلون الانتساب
أنا انتظر التقديم وع الله وشكرا على تفاعلكم والوقوف بجانبي

الله يعطيك العافية اخوي عاطل بصراحه كلامك ريحني وفيه اكثر من حل وجدا رائع
أنا عسكري في الدفاع المدني والله الحمد وكيل رقيب بس صح كل يتمنى بس ياخي العسكريه بصفة عامة دخلتها برضى والدينا الله يحفظهم بس صدق هي مجازفة وتوي متزوج ولا بضمن الابتعاث بعد الدورة ذي لكن هي راحة الدورة واستخرت وتركتها لانه توي شهرين لي وملخبط وضعي واللي ربطني اكثر زواجي ومستقبلي لكن بنسجل انتساب وانا والله مو عارف متى تقديم الجامعات حقت الانتساب ويقول حصرو اكثر من جامعة والله يكتب اللي فيه الخير وكمان فكرة المشاريع حلوه
وندرس الموضع وأشكرك ع التفاعل لي موضوعي وانا والله من زمان متردد في طرح الموضوع وان شاء الله ان الله يكتب لنا الخير يارب شكرًا للجميع