مقابلات المراعي المدينة الكلية التقنية
 

السلام عليكم ورحمة الله وبركاتة



اليوم كنت بمقابلة المراعي بالمدينة


كان رقمي 543 :y
المتقدمين كثير ماشاءالله

سألني وش تبي وظيفة ((:


قلت له أكثرها راتب والأقل شغل 😆


المهم قلت له مصفف أرفف او مساعد مندوب
قال هذا المتوفر


الراتب 3700 😳

الدوام 10 ساعات 😳

من اربع قبل الفجر الى 2 الظهر

يوم اجازة


معقولة كذا المراعي رواتبهم 😳

كنت اتوقع فوق 4500


الله يرزقنا

الراتب اقل من الدوام بشي كثيرررررررر

اظن طالبين 70 شخص
هذا اللي سمعت
وسمعت يقولون طالبين 300




):

الراتب 4600 وعمولة لكن ابعد عن مساعد مندوب لكن انت خربتها بجوابك ومتى اردو عليك

-

انت كأنك رحت تفجر شي تبغاه وترجع
جوابك كان مره ما كان منااسب
حياخد فكره انك ما راح تهتم بالشغل ومهمل وبس همك الراتب
الله يهديك

الظاهر ماعندك خبرة ف المقابلات الشخصية ..
جوابك غير محله .

جوابكـ غريب الشركات ماراح يعطوك راتب الا وهم مطلعينه من ظهركـ فلا تتوقع تروح لشركه توظفك وتعطيك راتب عالي لسواد عيونك , في احتمال يعطوك راتب بدون شغل سعوده لكن هالاحتمال نادر

ياريت اللي يقدر يسالهم عن مشرفين المبيعات او وظائف البكالوريوس كم رواتبها ومتى يبدا التوظيف عليها

سلمتم يالربع

اكثر الكلام تلطيف للموضوع

بالنسبة للراتب ما سالت ولا جبت طاريه��
هو قالي عن الوظيفة المتوفرة والراتب والدوام

انا طرحت الموضوع تعليق على راتبهم وساعات العمل

الوظيفة مساعد مندوب


البعض ينصح ليش مساعد ماهي طيبة !؟

وأفضل مصفف او مساعد

وهل فيه عمولات شهريه للمساعد

الله يرزقنا الطيب ((:

الراتب واحد للمصفف ومساعد مندوب 4600 وعمولة شهرية المصفف تاخذ سوقين مثلا بندة وبقالة ثانية الدوام بعد الفجر تخلص تمشي انت وسرعة ترتيبك لو تخلص الساعة تسعة الصباح تمشي المساعد مندوب متعبة بعضهم اداو الساعة 3 الفجر مايرجع الا العصر يعطوة منطقة كاملة شوف متى انزل البضاعة وسلمها للسوق ممكن 10 اسواق او 15 سوق مصفف صح فيها تعب لكن العمولة احسن والترقية مشرف مساعد مندوب الترقية مندوب وبعضهم اروح خارج المدينة للقرى والمحافظات شوف متى يرجع المصفف داخل المدينة وبعد شهر اجازة اليومين عشان كذا طالبين موظفين سمعت يبغو 70 موظف اذا قبلوك حطوك مساعد قول ابغى مصفف ماراح اقولك لا لكن باسلوب وكلمة لحالة المسؤول بالتوفيق

سلمت يالطوريقي بينت لي سلبيات المساعد كانت ببالي خاصة حقت القرى



باْذن الله اذا الله كتب أقولهم مصفف افضل



وبالنسبه للرواتب

اظن مافيها حيله ٣٧٠٠

((: