الفزعة سعوده وموارد بشرية
السلام عليكم
ياجماعه انا ضاقت بي السبل وقعت قبل 6 شهور بالضبط مع شركة لاني كنت محتاج سعوده وهميه واتضح لي الان انهم مدخلين اسمي في الموارد البشرية وانا الان الحمد لله حصلت وظيفة في احدى الشركات الكبرى لكن سمعت اني ما اقدر اوقع اي عقد مع اي شركة قبل 5 سنين لاني موقع مع شركة واسمي داخل في الموارد والتامينات تكفون يالربع هل الكلام هذا صحيح واذا صحيح وش الحل ما ابي الوظيفة اللي حصلتها تروح علي وتعبي يضيع هدر |
لا تخاف ما راح يلحقك ضرر قدم استقالتك من القديمه وانتقل للجديده والله يوفقك بحياتك العمليه
|
شوف ياغالي انت ما وضحت اغلب الامور
اللي اتوقع انت بنفسك مو عارفها واللي من المستحيل انه اي شاب سعودي يعرفها الا بعد ما يجرب معانات هذا عيب المؤسسات والشركات النصابه انه من توقع العقد يعملون في اسمك اللي يريدون سواء موارد والخ من الامور اللي يستفيدون منها من الدوله وبالنهايه تصير ضررها على الموظف وهذا الخطا ليس من المؤسسات فقط بل من الدوله ايضا التي سمحت لهم التسجيل بالموارد البشريه من غير توقيع الموضف وموافقته عموما الامر مو معقد عليك دامك تقول انك بتتوظف في احدى الشركات الكبرى معنى هذا ان الشركه لا تهتم لدعمك مسبقا من الموارد البشرية فالدعم يكون للشركات الصغيره والمؤسسات ولكن اي شركه في الوجود بتهتم بتسجيلك في التامينات الاجتماعية اول شي عليك عمله هو الدخول الى هذا الرابط http://www.gosi.gov.sa/portal/web/guest/212 وتدخل رقم الهويه الوطنية وبعدها يظهر لك انك مسجل في التامينات او غير مسجل في التامينات اذا كنت مسجل في التامينات تذهب لشركتك السابقه وتقدم استقالتك وتقول للمسؤول انك متعجل على هذا الموضوع وانهم ينزلونك من التامينات باسرع وقت وتريد التنازل عن حقوقك للشهر الماضي لانه نظام مكتب العمل انه بعد تقديم استقالتك لازم تداوم شهر براتب ربما صاحب المؤسسه يطلب منك ارجاع راتب حتى يعطيك اخلا طرف وهذا يرجع الى ذمة المدير عليك يعني لو بيطبق النظام بيكون مصالحه ولو بيتساعد معك فتكون من طيبه ولكن دامك تقول ان النظام سعوده فقط فما اعتقد انه راح يعقد الامور عليك لانه ماله مصلحه فيك حتى مصلحته بمكتب العمل تمت من ثالث شهر لك بالعمل انتبه ان تفكر انك تاخذ الامور بقوه وصراخ وانتبه انك تعتقد انه مكتب العمل بيفيدك صدقني مكتب العمل ضدك مع المؤسسات ولا يغرك كلام اي احد ولو صفوا معك مكتب العمل تكون غرامه على صاحب المؤسسه والفائده لهم وانت ما تطلع بنتيجه وربما يطول الامر الى المحكمه ويحق للمتحدث للشركة عدم الحضور ثلاث مرات والمواعيد عندنا ماشاء الله ما يقصرون يعني بيضيع منك 4 شهور على الفاضي اقولك الكلام هذا من معاناتي مع الشركات النصابه والله يوفقك |
مشكورين يا اخوان على الردود
لكن انا اللي مخوفني انهم مسجليني بالموارد البشرية والا التامينات امرها هين لاني شيكت بموقع الموارد البشرية طلع فعلا مسجليني ومكتوب لازم 5 سنين حتى تغير العمل وشو الحل معها ياجماعة الخير |
اقتباس:
مدعوم ومدة الدعم 0 علما باني يوم وقعت العقد كان عقد تدريب لمدة 11 شهر رجاءا ساعدوني يامال العافية |
الله يكون بالعوون
|
يا أخي أنت معقد الأمور وهي أبسط مما تتصور.
حتى لو مسجلينك بالموارد البشرية يحق لك تستقيل وتتوظف وين ماتبي. افهم الموضوع كويس وراح أشرحه لك باختصار: ما يحق لك تنتقل من العمل إلا بعد خمس سنوات معناها إذا انتقلت أو استقلت فكل الي بيسوونه إنهم يوقفون عنك الدعم من الصندوق فقط لا أكثر. يعني لو انتقلت وتبي دعم منهم ما راح يدعمونك فقط. و على حسب كلامك فانت ماتبي دعم لأنك حصلت وظيفة في شركة كبرى. اما النقل والاستقالة وغيرها فهي حق من حقوق الموظف كفله له النظام. بالتوفيق لك |
الساعة الآن 04:42 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين