|
أرجو التفاعل في هذا البرنامج بكالوريوس كليه تقنيه
السلام عليكم ورحمة الله وبركاته
يا أخواني أنا من المتقدمين للبكالوريوس الفصل الأول وقبلت ولله الحمد ولم أدرس الفصل بحجة اكتمال النصاب أي الشعبة لم تكتمل. ثم أتى الفصل الثاني ولم أعلم أنه لا بد من التقديم من جديد على البرنامج وطافني التقديم بحجة لا بد من التسجيل من جديد في البرنامج. والمضحك أيضاً أن النصاب لم يكتمل. والان أتى الفصل الثالث وأدخلت البيانات من جديد وعندما أريد أن أكمل بيانات أتت خانة تحديد التخصصات المرغوبه وهي 1- بكالوريوس دعم نظم شبكات 2- بكالوريوس شبكات أنا الآن مقبول بالكلية التقنيه في تخصص الدعم الفني فكيف تجبرني على هذه التخصصات أن أضعها في ضمن خطة الدراسه. وأنا مقبول مسبقاً في الدعم الفني أنا الآن لا أعلم ماذا أفعل أنا لا أريد هذه التخصصات بسبب أنني مقبول في الكليه مسبقاً بتخصص دعم فني. والأمر الآخر أن هذه التخصصات في جده وأنا لا أريد أن أدرس في جده بسبب أنني مقبول في بريده. وهل هذه التخصصات مفتوحه في كلية بريده التقنيه أفيدونا جزاكم الله خير لأن والله طفح الكيل مع الكليه التقنيه كل ترم تخبط جديد أرجو افادتي وارجو التفاعل |
والله اني مثلك بالضبط من الفصل الاول تم قبولي نهائي واستلموا اوراقي وقالوا الجداول تنزل الاسبوع الجاي راح توصلك رسالة لكن انتظرت اسبوعين وجاني اتصال منهم وقالوا لي اتأجلت الدراسة الفصل القادم لان عدد المقبولين ما يتجاوز 7 طلاب وانتظرت للفصل الثاني ودخلت حدثت بياناتي و في نفس الوقت تم قبولي نهائيا لاني اختبرت اختبار البكالوريوس وسويت الكشف الطبي وارسلته لهم من زماان وتم تحديد موعد استلام الاوراق وكانت اوراقي موجودة عندهم من الفصل الاول لكن يوم راجعتهم لنفس السبب قالوا العدد مااتجاوز عشرة طلاب خذ اوراقك و قدم الفصل الثالث و حنا الان فيه الله يجزاكم خير انا ما لي اي مصلحة عندهم لكن والله العظيم اقول لأي واحد يتردد او يخاف من عدم اعتماد الشهادة والله أعرف اثنين واحد اتعين في وزارة الصحة مهندس ميكانيكي وهو تخصصه محركات و مركبات و الثاني متخرج من زماان وتم ابتعاثه لاستراليا وأخذ الماجستير و الدكتوراه في تخصص القوى الكهربائية و والله ثم والله ثم والله اتعين قبل شهر في جامعة ام القرى استاذ مشارك وهذي درجة ياخذوها اصحاب الدكتوراه فنتمنى التفاعل يا اخوان الفرصة امامكم للي يحس ان الدبلوم ما فيه أي فائدة
و موضوعك أخوي نصيحتي لك اقبل بالقسم اللي موجود في مدينتك لأنهم كلهم يعتمدوا على الحاسب الالي واكتبها في سيرتك الذاتية انك درست في المجالين يمكن يكون لك افضلية لكن مشكلة بعض الكليات يقولون لازم يكون تخصصك في الدبلوم نفس التخصص في البكالوريوس فالظاهر مالك الا تشد الرحال لو بغيت الشهادة الله يوفقك |
حياك الله أخي الكريم مراسي الحياة على مشاركتك البنائه والله يوفقك في الدينا والآخره
الآن كيف أحدث بيناتي والأمر الآخر هناك عند اكمال البيانات توقفت على خيار الفرز الأولي بسبب أن هناك خيارين ألا وهما 1- بكالوريوس دعم نظم الشبكات 2- بكاوريوس الشبكات ولا يوجد هناك خيار أضافي الا وهو الدعم الفني فماذا افعل واذا اجتزته بدون خيار فلن يكمل التسجيل و اذا اخترت احد هذه الخيارات ممكن اقع في أشياء لا تحمد عواقبها |
يعطيكم العافيه
طيب انا تخصصي برمجيات هل موجود هالتخصص في التسجيل الحالي ولا كيف لاني كل ماجيت ابغى اسجل يقولي الموقع خطا في قاعدة البيانات مادري شنو فيه موقعهم |
انا لو كنت مكانك اخوي ثلاثي الابعاد اختار أي واحد منهم اهم شي يكون عندي شهادة بكالوريوس ولا تشيل هم اذا كان هذا خيارك الوحيد اختارها وكمل التسجيل لان برضو طلاب المحاسبة و الادارة المكتبية في البكالوريوس تبع اعداد المعلمين يوجهونهم لقسم ادارة الاعمال وهو ماله علاقة بتخصصهم لكن المقررات متشابهة لانها كلها اقسام ادارية فاتوكل على الله واختارها دامها متوفرة
وحياك الله اخوي المدريدي قسم البرمجيات موجود في الغالب في كليات الاتصالات وقليل تلقى بكالوريوس برمجيات في الكلية التقنية قول لي انت في اي منطقة اعطيك اقرب كلية فيها تخصصك |
اقتباس:
انا من الشرقيه الاحساء ... وهل لازم اذا جيت اكمل البكالوريوس يكون على نفس تخصصي اللي اخذت فيه الدبلوم ولا عادي اقدر اغير واختار المتاح في التسجيل للبكالوريوس |
المنطقة الشرقية للاسف ما فيها تخصصك بكالوريوس الا اذا عندك امكانيات تشد الرحال للرياض او بريدة او ابها هي اللي فيها نفس تخصصك وبالنسبة لتغيير التخصص يقولون لابد يكون تخصصك اكتداد للدبلوم يعني نفسه لكن في كلية اعداد المدربين بامكانك تغيرها لكن بشرط يكون قريب من تخصص الدبلوم
|
ياشباب يعني مصيبه ذي للحين ماحد يدرس بكالوريوس حتى المقبولين ؟
انا تقدمت على تقنية بريدة دعم فني بس ماجبت الدرجه المطلوبه بكفايات |
اقتباس:
والسوال الثاني شنو هي كلية اعداد المدربين كله اسمع فيها بس ماعرف شي عنها !. |
فعلا انا فتحت وسجلت وطلع لي
بكالوريوس دعم نظم الشبكات و بكالوريوس شبكات وانا تخصصي دعم فني ليش حذفوا الدعم الفني من تقنية بريده |
| الساعة الآن 09:31 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين