تخصص اقتصاد تطبيقي .. إلى متى؟
 

السلام عليكم جميعا
أنا تخصصي بكالوريس اقتصاد تطبيقي التابع لكلية الزراعة في جامعة الملك فيصل
طبعا هذا التخصص تقريبا تخرجت منه 3 دفعات
وللأسف ولا بنت توظفت منه لأنه غير مضاف للوظائف الإدارية ولا التعليمية
أيضا الشركات الخاصة والمدارس الأهلية ماتقبلنا لأنه تخصص مبهم بالنسبة لهم

طبعا مجموعة من البنات درسوا دبلوم تربوي وأنا منهم على أساس إن المدارس اللي نظامها
مقررات تدرس مادة علوم إدارية (مبادئ الاقتصاد) ولا ندري ممكن يدخلوننا في التعليمي أو لا
استلمنا وثيقة الدبلوم تربوي
واختبرنا قياس العام بدرجات كويسة أنا خذت فوق 80
ومن كثر ما كنا موعارفين وش نسوي اختبرنا قدرات الجامعيين ://
نبي أي شي يشفع لنا نتوظف ،حتى الجامعة ماقدمت شي لنا

نبذة عن المواد اللي درسناها :
إحصاء
إدارة أعمال
محاسبة
مقدمة في علم الاقتصاد
اقتصاد جزئي
اقتصاد كلي
اقتصاد رياضي
اقتصاد قياسي
نمو وتنمية اقتصادية
تجارة
تحليل اقتصادي
دراسة جدوى
نقود وبنوك
تسويق زراعي
تمويل زراعي
اقتصاد زراعي
......وغيرها هذا اللي ذكرتهم

طبعا بعض المواد يكتبون معها زراعي عشان الكلية والا المادة نفسها مافيها شي متعلق بالزراعة الا شي بسيط

اللي بسأل عنه كيف طريقة التواصل مع جدارة عشان يضيفون تخصصنا للوظائف التعليمية أو الإدارية
طبعا في بنات حاولو يتواصلون مع جدارة قالو لهم خلو الجامعة تكلمنا وماندري وش صار

أتمنى تتواصل جدارة مع بعض الوزارات مثل وزارة الاقتصاد والتخطيط أو وزارة العمل أو وزارة الزراعة .... عشان توفر لنا وظائف مناسبة
معدلاتنا عالية وسعينا على أمل نشوف النور وماشفناه :( فلا تخذلوننا

شكرا لكم .. :h

يا جماعة مافي أحد عنده خبر لمين ألجأ عشان يضيفون تخصصنا في جدارة؟؟

وعليك السلام ورحمة الله وبركاته

والله تخصص ممتاز والوظائف فيه كثيره خصوصا في القطاع الخاص ..

حاولوا تتواصلوا مع وزارة الخدمة المدنية ..
اكتبوا خطاب موجه لمعالي وزير الخدمة المدنية ووزير التعليم ومدير جامعتكم ثم وقعوا عليه كلكم (كل وحده تخرجت من هذا التخصص) ثم ارسلوه لوزير الخدمة المدنية و وزير التعليم ومدير/مديرة جامعتكم .. وضحوا في هذا الخطاب كل شيء واكتبوا عن معاناتكم وشكواكم .. مافي مشكله لو كان الخطاب طويل ؛ بس لا يكون طويل مره ..
حاولوا تكتبوا بشكل مختصر ويكون مفهوم ..
الثلاث الأسماء الموجهه لهم الخطاب تكون على نفس الورقه ..

ولو ما نفع ..
ارسلوا خطاب لجهات أعلى ..


تخصص مثل هذا المفترض يستفاد منه ..

الله يعطيك ألف عافيه على الرد

احنا رسلنا لوزير التعليم خطاب عن طريق الايميل اللي عرضه في تويتر ويارب يفتحه
وبالنسبة لمدير الجامعه و وزير الخدمة المدنية مانعرف كيف طريقة التواصل.!!
اذا في أحد يقدر يفيدنا

لك شكري وتقديري:)

في رأيي انه ما ينفع انك ترسلي خطاب عن طريق الايميل ..
الأفضل ان الخطاب يكون مطبوع على أوراق وتكون التواقيع تواقيع حيّه (يعني ماهي مصوره) ثم يتم ارسال الخطاب بشكل رسمي للمسؤول على عنوان مكتبه الرسمي ..

انصحك انك تستشيري محامي في الموضوع بعد كتابة الخطاب وقبل التوقيع عليه وارساله ..
لأن المحامي ممكن يعدل لك على الخطاب ، وممكن كمان يدلك على الجهات المسؤوله بشكل أدق ..

أشكرك أخي الكريم على حلولك
الخطاب رسلناه ويارب نلقى جواب
قبل ثلاث سنوات تقريبا في بنات كتبو في الجريدة عن مشكلة هالتخصص وكانت مقاله رائعة ولكن لاجديد كالعاده:((

كعادتهم نحن غير مشمولين للوظائف الإدارية �� ولا التعليمية ��
نريد بصيص من الأمل قبل فوات الأوان