انا موظف بهذي الشركة يا شباب
اللي مو محصل وظيفة يقدم عليها حلووة جدا للي يبغى يجمع مبلغ لانه خلال الشهرين وانت مداوم ما تصرف الا بطايق شحن فقط لان المعيشة والمواصلات(تذاكر طيران) وغسيل الملابس كله على الشركة طبعا مستوى الاكل والسكن مو الشي اللي تتخيله لكن راح تتأقلم مع الناس مع الوقت .. والعمل يكون مع صينيين وباكستانيين لكن كـ سعودي صعب انك تترقى وتمسك منصب ولو مسكت منصب حيكون بالاسم فقط (الصينيين مسيطرين) الشغل بشكل عام حلو مع وجود بعض المشاكل مثل موظف شؤون الموظفين بالمشروع باكستاني مايفهم ويعابط ويطلب رشوة من بعض العمال عشان يرجعهم للعمل اذا فصلوهم الصينيين .. بس اي مشكلة تحصلك في المشروع اتصل على الادارة بالشرقية وكلم (محمد المهنا) اعتقد هو راعي الموضوع هذا ,, وراح يفيدك لانه الوحيد اللي تحسه مهتم للسعوديين اما مدير شؤون الموظفين ماغير يصرفك وماتاخذ منه لا حق ولا باطل .. بالتوفيق للجميع |
اقتباس:
ماقصرت الله يجزاك خير طيب اخوي بغيت اسالك كم الراتب للي عنده جامعة وبدون خبرة تخصصي لغة انجليزية لكن مو قوية (متوسطه ) تتوقع تمشي اموري ولا وشاكر لك من كل قلبي |
اقتباس:
الراتب نفس الشي سواء دبلوم او بكالوريوس او حتى ماستر ! اول ثلاثه شهور تجربة 3 الاف اساسي +1000 ريال بدلات اخرى +اوفر تايم الفين وشوي بعد فترة التجربة الاساسي 3400 +1000 ريال بدلات اخرى + اوفر تايم الفين وشوي + بونوص شهري يختلف من مشروع الى مشروع بعضها 350 ريال وبعضها 800 ريال بس حسب الموضوع انهم يرغبون بشهادات جيوفيزيا او حاسب فما ادري اذا حيكون لك فرصة! اللغة اساسية لانك تتعامل مع صينيين اهم شي انك تعرف تخارج نفسك مو شرط تكون محترف لغة لان حتى الصينيين لغتهم سيئة خصوصا الاكسنت حقهم يبغالك فترة لين تتعوذ عليه وتصير تفهمهم |
الساعة الآن 02:49 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين