الوظيفة تتطلب حضور اختبار
 

السلام عليكم ورحمة الله وبركاته :

يا اخوان من عنده خبرة ويفيدنا في هالوظائف . لو كانت جهة العمل عندها وظيفة وحدة شاغرة

. هل يرشحون واحد اللي هو اعلى نقاط للمقابلة ام عدد اكثر وياخذون الافضل ؟. كيف طبيعة

المقابلات ؟ هل هي في التخصص ام روتينية ؟



لاني قريت في هالمنتدى احد الاخوات ترشحت ع وظيفة تتطلب مقابلة , وبعد عمل المقابلة

من جهة عملها تم رفضها .

يوجد وظيفة في نفس مدينتي تتطلب مقابلة , اخاف اختارها وبعدين ما اجتاز المقابلة وبكذا

تروح علينا المفاضلة كلها .

يا عتيبي قدم على كل شيء
المقابله غالبا ما تكون الا ع الوظايف العسكريه الحساسه واكيد بتكون بتخصصك وبشخصيتك
المهم قدم على كل شيء حط اللي تتطلب مقابله اخر شيء

نفس السؤال

ايش تعني هالعباره : النقاط في الجدول أعلاه هي أقل نقاط تم قبولها على الوظيفة المحاذية لها ولا تساوي بالضرورة نفس نقاط المتقدم

هل يعني الوظيفة لها اكثر من مرشح ؟؟؟

لو مثلا ترتيبي ع الوظيفة رقم 1 الخامس والوظيفة اللي اخترتها رقم 10 الأول راحت الوظيفة رقم 10 ؟؟؟ او ككككككككككيف ؟

راح ارد على جزء من سؤالك

اللي اعرفة وشفته (مثلا شاغر واحد) بالتالي يقبلون عدد نقول 30 شخص وبعد المقابله يحددون الشخص المناسب "واحد طبعاً"


موفق يارب

في وظائف ما لها مقابله ؟

ستين الف اختبار ومرمطه لين تنقبل شحته مو وظيفة

ياليت احد المشرفين يعدل العنوان لانه خطا: الوظيفة تتطلب مقابلة وليس اختبار

اكيد بقدم ع كل شئ , بس شئ مضمون احسن من غير مضمون

للاسف لا يوجد وظائف في المدينة اللي انا فيها الا وظيفة وحدة في القوات الجوية وتتطلب حضور

اختبار .

والحين الثلاثين شخص اللي قبلوهم للمقابلة . لو اختاروا رغبات غير هذي الوظيفة ممكن انقبلوا

حسبي الله عليهم

الوظيفة اللي تتطلب مقابلة يجيك قدامها هالعبارة : ( الوظيفة تتطلب مقابلة ) يعني من شروط

الوظيفة هو اجتيازك للمقابلة , واذا ما اجتزت المقابلة تطير عليك الوظيفة ولا يحق لك تطالب

الخدمة المدنية تطالبهم بترشيحك ع وظيفة اخرى

وهذي الوظايف غالباً تكون في امارة المناطق وهيئة التحقيق والادعاء العام والجهات العسكرية

اممممم مافهمت عليك لكن الترتيب الي عندك هو ترتيب الرغبات وليس الاستحقاق يعني اذا الرغبه رقم واحد تم قبول متقدم درجته 92 وانت عارف درجتك كم مثلا 80 الفارق كبير جدا يمكن يكون رقمك في الترتيب عندهم رقم 1000 ...القبول يعتمد على الاعلى نسبه في كل رغبه يعني لو انت اعلى نسبه على هذي الوظيفه حتى لو الرغبه رقم 20 انت الي تترشح..والله اعلم

بالنسبه لبعض المقابلات تحتاج لمقابله مثلا الادعاء العام والحرس الوطني لانهم يحتاجون يعرفون شخصية المتقدم لان المكان حساس شوي

اما بالنسبه لترتيب الرغبات فاهم اذا ما انقبلت في الاولى يشوفون الثانيه واذا ما انقبلت في الثانيه يشوفون الثالثه وكذا

واليه القبول تتم على حسب النقاط على الوظيفه اللي انت مقدم عليها

مثلا قدموا ٣٠
واعلى واحد عنده نقاط منهم هو اللي يقبل على الوظيفه ويكتبون في النتيجه انهم قبلوا واحد نقاطه مثلا ٩٠ وانت نقاطك ٨٩

اتمنى تكون واضحه

اللي اقصده هل كل وظيفة يرشحوا عليها واحد فقط ونقاطه هي اللي تظهر او اكثر من شخص ؟

في وظايف طالبين أكثر من شخص ..

مثلاً 9 أشخاص ..

فبعد نزول النتائج ممكن إنهم منزلين نقاط آخر شخص أنقبل ..

من باب شفافيتهم عشان الكل يقارن بين نقاطوآ و نقاط المقبولين ..

بالنسبة للمقابلات ..

حتى أنا خايف منها لأنك عارف تناحة النظام و المنظمين ..

إنته و حظك إما تتسهل أو تتصعب ..

الزبدة ياخوان ابعدوا عن اي وظيفة تتطلب مقابلة شخصية , خلوها اخر الرغبات . لان اغلب الوظائف

اللي تتطلب مقابلة هي جهات عسكرية وتتأخر الاجراءت بالاشهر لان فيها مسح امني ومقابلات .