حلول البطالة Unemployment Solutions - ترى الصنايع بين الأجواد تشريك

قصيده الشريف بركات .. التي قالها في نصح ابنه مالك ..

طبعا هذه القصيده اجمل ما قيل في النصح وابياتها خالده والتي من النادر
تجد قصيده بهذه القوه في المعنى والمبنى
من قصيد ها اليومين الي اذا ما ضرك ما نفعك اسلوبه المتكرر والرخيص
والمعتمد على حشو الابيات

اتركم مع القصيده وانا لونت بعض الابيات الي حسيت انها لن تتكرر:

يامالك اسمع جابتي يوم أوصيك = واعرف ترى يابوك بآمرك وانهاك

وصية من والد طامـــــــع فيك = تسبق على الساقه لسانك لعلياك

أوصيك بالتقوى عسى الله يهديك = لها وتدركها بتوفيق مولاك

الله بحق أجدادك الغر يعطيك = مرضاته مع ما تمنيته أمناك

إحفظ دبشك الي عن الناس مغنيك = اللي إليا بان الخلل فيك يرفاك

واعرف ترى مكه ولاها بناخيك = لو تشحذه خمسة ملاليم معطاك

إجعل دروب المرجله من معانيك = واحذر تميل عن درجها بمرقاك

لا تنسدح عنها وتبغيني أعطيك = جميع ما يكفيك ماحاصل ذاك

أدب ولدك إن كان تبغيه يشفيك = واستسعفه من بعد مرباه بالاك

إما سمج واستسمجك عند شانيك = ويفر من فعله صديقك وشرواك

وإلا بعد جهله تراهو ياذيك = لو زعلت أمه لا تخليه يالاك

واحذر تضيع كل من هو ذخرفيك = معروفه لا تنساه وأوفه معرفاك

ترى الصنايع بين الأجواد تشريك = اليا طمعت بغرسها لا تعداك

وأوف الرجال حقوقها قبل تأتيك = لا توفيه بالقول فالحق يقفاك

وهرج النميمة والقفا لايجي فيك = وإياك عرض الغافل إياي وإياك

تبدي حديث للملأ فيه تشكيك = وتهيم عند الناس بالكذب وإشراك

ويلا نويت احذر تعلم بطاريك = كم واحد تبغى به العرف وأغواك

واحذر شماتة صاحب لك مصافيك = واليا جرى لك جاري قال لولاك

ولا تحسبن الله قطوع إيخليك = ولا تفرح ان الله على الخلق بداك

للضيف قدم له من حين يلقيك = مما تطوله يا فتى الجود يمناك

احذر تلقى الضيف مقرن علابيك = خله محب لك صديق إذا جاك

أوصيك زلات الصديق وان عثافيك = مازال يغطاها الشعر فاحتمل ذاك

راعه ولو ماشفت أنه يراعيك = عساك تكسر نيته عن معاداك

واحذر عدوك لو ظهر بيصافيك = خلك نبيه وراقبه وين ماجاك

لا تأمنه واطلب من الله ينجيك = ويكفيك ربك شر ذولا وذولاك

شفني أنا يابوك بامرك وأنهيك = عن التعرض بين الاثنين حذراك

إذا حضرت طلابة مع شرابيك = اسع لهم بالصلح واللاش يفداك

ابذل لهم بالطيب ربك ينجيك = ولا تجضع الميزان مع ذا ولا ذاك

بالك تماشي واحد لك يرديك = طالع بني جنسك وفكر بممشاك

رابع أصيل في زمانك يشاكيك = لاشاف زلاَتك عن الناس غطاك

وأحذرك عن طرد المقفي حذاريك = عليك بالمقبل وترك اللي تعداك

ثم إلعن الشيطان لياه يغويك = ترى ان تبعته للشرابيك وداك

والنفس خالف رأيها قبل ترميك = ترى لها الشيطان يرمي بالاهلاك

ومن بعد ذا لاتصحب النذل يعديك = وعن صحبة الأنذال حاشاك حاشاك

ترى العشير النذل يخلف طواريك = وأنا أرجي انك ما تجي دون أباك

والهفوه إن ماتجي دون أهاليك = ولا ظن عود الورد يثمر بتنباك

والحر مثلك يستحي يصحب الديك = وأن صاحبه عاعا معاعات الأدياك

*********************

لا تستمع قول الطرف يوم يلفيك = بالكذب يقضي حاجته كل ماجاك

من نم لك نم بك ولا فيه تشكيك = وايلاه قد أزرا رفيقك وأزراك

عندك حكى فينا وعندي حكى فيك = وأصبحت كارهنا وإحنا كرهناك

*********************

ما أخطاك ما صابك ولو كان راميك = واللي يصيبك لو تتقيت ماأخطاك

مير استمع مني عسى الله يهديك = النصح يامالك له الله مولاك

عندي مظنة ماتمثلتها فيك = واطلب لك التوفيق من عند مولاك

راعي الجوف