|
الى مـتـى
السلام عليكم ورحمة الله وبركاته الى متى وخدمة السعودي المدني 40 سنة والعسكري 35 سنة "والله لو انه سلحفاة" الى متى الخريج ينتظر بالسنوات الين ما يتوظف بقطاع الحكومة الى متى خريجين الثانوية العامة ما يتوظفون بقطاع الحكومة الى متى خريجين الثانوي ما يعطونهم فرص دراسية ولو ترم واحد الى متى الجامعات ما تقبل الا النسب العاليه "اللي يسمع يبون يخرجون لهم علماء" الى متى طالب الجامعه اللي داخل بالواسطه ينجح ويتخرج بالواسطه الى متى الواسطات موجوده الى متى والسعودي بداية راتبه بالقطاع الحكومي 5000 او 4500 الى متى والعطاله دائما تزيد الى متى المستحقين للقعاعد ما يتقاعدون "جالسين على قلوب خلق الله" الى متى الكليات العسكريه ما تقبل الى 500 طالب تقريبا بالسنة "كلهم ابناء ضباط او واسطات" الى متى الغني يبقى غني والفقير يبقى فقير الى متى المناصب والوظائف بالوراثه الى متى كبار الشخصيات مايدفعون الكهرب وتطيح براسنا حنا يا الضعوف الى متى غازي القصيبي ما عنده سالفه ويتفلسف على الفاضي الى متى والرشاوي شغاله عندنا ولا احلى منها "مكتب العمل" الى متى والناس راح تبقى على هاذي الرواتب التعيسة الى متى والمدرسين الاجانب موجودين بالمدارس الحكومية ومنطلين عيالينا بكل مكان الى متى راح يبقى مجتمعنا زي كذا الى متى السعوده بالشركات يكون مدرائهم اجانب الى متى نحن بمؤخره العالم يا ناااااااااس الى متى الى متى ...................والله لو تزاعق من اليوم الى يوم الدين محد حولك :mad: |
الى متى الى متى ...................والله لو تزاعق من اليوم الى يوم الدين محد حولك
صدقت |
اقتباس:
احمد ربك غيرك مايحصلها.. عجيب والله |
عطيلي يا حليلك ...
ريلاكس ريلاكس ريلاكس ريلاكس ريلاكس حبيبي والله ثم والله لو تصارخ من اليوم إلين تقوم ناقة صااااااااااالح ما حد درى عنك يعني لا تحرق أعصابك والناس ما فكرو فيك وأصلن ما يدرون عنك وعندي سؤال يا بعد قلبي ... كم تبي يكون بداية الراتب في القطاع الحكومي ؟ صراحة شكلك طمااااااااااااااع 5000 ريال في البداية ما تملاء عينك أنت المفروض بعد كلامك هذا يعطونك 5 ريال كبداية ههههههه أمزح لا تصدق تحياتي |
ياخي هـدي أعصابك
ترى محد سامعـك هـنا غير ضعـوف حالهم من حـالك يعني بشويش ترى والله ندري عن ذا كلــه ولا بيدنا نغـــــــير شـي لا يغير الله مابقوم حتى يغيروا ما بانفسهم .. معصي يتغيرون بعدين تعال 4500 و5000 الحين صارت مو شي ياخي زيييييييييييييين لو يحـصل أحد وظيفـة بـ2500 هالايام يسوي حفله الحمدللـه على كل حـال سراء أو ضراء أصبر وأنا أختك هذا امر المؤمن ياخي كله خير وهـدي أعصـابك .. وتذكر أن الفقراء هـم أول من يمر على الصراط يوم القيـامـة الله يوسـع عليك ويرزقك بالوظيفة اللي تقر بهـا عينك |
| الساعة الآن 02:47 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين