نصيحه للاخوان من ابناء وطني
الاخوه الاعزاء نصيحه لكم من تجربه احب ان تستفيدون منها وهي
الاخوان سواء خارج المدن الكبيره او المدن تلقى الواحد منا يطامر وراء الوظيفه وقد تكون خارج منطقته ويتكلف سكن ومشاوير والراتب قد لايصل لحمسه الاف ريال والبلد يعلم الله ان فيه خير كثير وابرك من الوظيفه الف مره اليكم تجربه ع سبيل المثال مثلا شخص في محافظه عليه الاتي يقوم بفتح بقاله يوفر فيها كل شي ويكون هو اللي يومن البضاعه ويكون يعرف سعر البيع والمشترى ويتوكل ع الله شرط انه بعد شهرين ان يطلع راتبه ويطور عمره شف العماله اللي في كل زاويه بقاله او مغسله او بوفيه مامعه سياره ولا معه شي فكيف يربح علما بانه ياخذ من المناديب وسعرهم اغلى من الجمله ويعلم الله ان الامر يحز في النفس عندما اروح اامن بضاعه لمحلي انني لا اجد الا الاجانب وخير البلد لهم من يريد ان يرى بعينه يروح لسوق الجمله في الرياض عتيقه او الديره او العزيزيه في الرياض كلهم اجانب يومنون لبقالاتهم التاجر اجنبي والشاري اجنبي واذا شافوني سعودي ماسك سرى مع الاجانب جن جنونهم ولا يبونا وقد يرفعون عليك السعر اذا لم تكن ع درايه ومعرفه فمثلا بالبيد له زباينه ورويحه باكستانيين ولهم ربعهم والبصمه لهم ربعهم الهنود فخير البلد لهم واحنا جالسين نقول مالقينا شي اقل شي لو ياخذ الشخص دينه ويشتري جمله ويوزع علي المراكز والمحفظات عين خير وسلامتكم |
من اراد ان اساعده يضع رقمه واتصل فيه مهما كان موقعه من السعوديه انا مستعد
|
جزاك الله خير على ما تقدمه
|
انت من اي مدينة
كم تكلف بقالة اربع فتحات من غير الاجار وكم المساحة المطلوبة لفتح خضار داخل البقالة |
جزاك الله خير , فعلا خيرات البلد كثيرةة لاكن احنا الي استغنينا عنها.
لك رساله ع الخاص . |
الف شكر للجميع من سال عن التكلفه تختلف من شخص لاخر مثلا ممكن ان تلبس ثوب 80 ريال وممكن 450 ريال وكذلك الجوال 80 ريال الى 3600 ريال فتحديد المبلغ انت اللي تحدده
|
وهذاالرقم 0504554432 من اراد ولكن بشرط الجديه يااخوان الله يوفقكم
|
ذكرتني بحديث للرسول يقول: ( لأن يحتطب أحدكم حزمة على ظهره خير من أن يسأل أحدًا فيعطيه أو يمنعه )
في هذا الحديث قداسة العمل والحث عليه أصنع من اللاشيء كل شيء . بالتوفيق وإن شاء الله يكبر مشروعك لأكثر من كذا وعلى فكرة ابوي عنده 3 دكاكين << خبرة :d |
امل التكرم ب التوضيح
ماهي طريقة المساعده الي تقدمها ؟ عشان نكون على بينه من اول . |
الاخوان انا مااقدم الا النصيحه فقط والتوجيه لكم وليس غيره
|
الساعة الآن 09:52 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين