|
مطعم صديقات بدون عماله او قرطاسيه وخدمات طالب تكفون وجهوني
السلام عليكم
بعد لف ودوران استقريت على مشروعين الاول قرطاسيه بخدمات الطالب الثاني مطعم بس على قد الحال مبدئيا ورح نديره ونشتغل فيه انا وكم بنت احنا نطبخ ونشرف ونحاسب ونسوي كل شي اش رايكم في المشروعين على فكره من الحماس لفيت جده كلها اليوم ادور مواقع كويسه طبعا بحث عشوائي لسى مااستقريت على مشروع بس اشوف الاسعار واخذ فكره ومريت 3 قرطاسيات لقيت اصحابها فيها وسألتهم كم سؤال وجاني احباط شوي يعني ترجحت كفة المطعم اكثر مبدئيا ماقررت اش بيكون المطعم بس الاكيد انه مختص بحاجات معينه يعني منيو محدد وبسيط ومطلوب بنفس الوقت ورح ادخل العصيرات الطازجه والسلطات بمختلف انواعها يعني بركز عليهم اكثر شي رح اهتم بالشكل الخارجي والنظافه والصحه عندي افكار كثيررررررررررررررره بس لسى مارتبتها ولاحددتها ابغى تعطوني رايكم لاني بكره طالعه اكمل مسح عشوائي ابغى اشوف الاسعار والايجارات راس مالي مبدئيا 100 الف وممكن يزيد بس بعد 6 شهور تقريبا انصحوني وجهوني لاني خلاص تعبت من قعدة البيت والحال التعبان والمبلغ اللي له فتره طويله مصمد في البنك ارجوكم خذو بيدي ووجهوني وانصحوني |
الله يوفقك ويسعدك القرطاسيات كثير لكن كم مطعم نسائي في جدة ؟؟؟
اعتقد لايوجد .. لذلك استعيني بالله وجهزي المطعم خصوصا اذا كان عندك بنات ماهرات بالطبخ صدقيني اذا رتبتوا المشروع بيكون من انجح المشاريع على الاطلاق |
الله يوفقك
الناس دايماً يجذبهم المطعم النظيف والأكل اللذيذ . انا اشوف المطعم أفضل من القرطاسية |
افتحي مطعم وانتي مغمضه واعتقد لازم توفي عاملات لان بيجي ضغط من البدايه والشعب يحب الاكل البلدي افضل خصوصا من البنات بيكون افضل وله رغبه والله يوفقكم
|
المطعم ناجح جدا خصوصا انكم سعوديات وراح ترتاحو من هموم مكتب العمل انصحك تكون طلباتكم سفري فقط
|
خلاص رح استخير واتوكل على الله ونستقر على المطعم
بس اش الخطوات بالترتيب يعني اش الخطوه الاولى وين اروح بالضبط وش اخذ معي اوراق وهل المحل اول او البلديه ومن مين اخذ تراخيص جزاكم الله خير اوعدكم ان فتحناه (ان شاءالله) انزل صوره هنا في المنتدى بس ادعولي لاني متحمسه وابغى اعرف هل مسموح لنا كبنات نخليه سفري |
عندي بضاعة قرطاسية ابيع لج الحبة ب10 هللات فقط موجودة في دبي الكمية 350.000 حبة للتواصل 00971509631600
|
الله يوفقكم, ماشاءالله حماسكم جميل
|
الله يرزقك من واسع فضله ويفتحها بوجهك
بالتوفيق |
مايحتاج لك سجل تجاري لان السجل فقط اذا تبغين تجيبين عمال او نشاط فيه استيراد وتصدير وعشان تحفظين الاسم لك ومحد ياخذه غيرك وهذا اهم شي في السجل التجاري عشان لو نجح مشروعك بكره ماتلاقين فرع ثاني في مكان ثاني باسم مشروعك
حاليا انتي تحتاجين رخصه من البلديه وتصريح من الدفاع المدني وسجل تجاري اذا حابه مايسرقون الاسم منك يبقى محتكر لك فقط ومسجل بالسجل التجاري هنا تقدرين تطلعين سجل تجاري الكترونيا http://mci.gov.sa/ServicesDirectory/...ssuanceof.aspx اجراءات رخصه الامانه موجوده في الموقع تبع اامانه جده وايضا وضعتها هنا لك https://services.jeddah.gov.sa/ViewS...ault.aspx?Id=1 تسجيل الدخول إلى بوابة الخدمات الإلكترونية. اختيار خدمات رخص المحلات. اختيار إصدار جديد وإكمال البيانات المطلوبة. إرفاق المستندات المطلوبة، وتحديد الموقع الجغرافي للمحل. حجز موعد معاينة وتقديم الطلب. وقوف الكشاف على الطبيعة وإعداد تقرير المعاينة. مراجعة البلدية لمطابقة أصول المستندات المرفقة. موافقة الموظف المسؤول. حساب رسوم الطلب وإنشاء فاتورة سداد. طباعة الرخصة. بالعاميه وبشرح بسيط تستأجر المحل وتركب اللوحه وكم طاوله وكرسي المطبخ مجلى لغسيل الصحون فتحتين كبير طاوله عليها فرنين أبو أربع عيون كل واحد((( الصغير الي يحطونه في بيوت الشعر والخيام))) حاجز المنيوم لفصل المطبخ عن مكان الزبائن غساله صغيره للزبائن بعد الأنتهاء من هذه الأشياء في نفس الوقت تكونين مسجله في موقع البلديه بعدها تختارين اصدار رخصه محل وتعبي البيانات المطلوبه بعدها ترفقي في نفس الموقع الالكتروني بعض المستندات المطلوبه منك ممكن عقد الاجار وكذا وتقدري تتاكدي ايش هذي المستندات المطلوبه من انك تسجلي الحين في الموقع وتجربي تطلعي رخصه "فقط تجريبي" عشان تعرفي ايش هذي المستندات وتجهزيها من بدري بعد ماتعبي البيانات اللي فوق بتكوني خلصتي ٥٠٪ من الشغل وانجزتي الشي الكبير بعدها تحجزي موعد عشان يجو من البلديه للموقع عشان يتاكدو من التجهيزات وان شروط فتح المطعم مطبقه كلها علي المكان بعدها تروحي البلديه عشان يتاكدو من ان المستندات اللي ارفقتيها نفس الاصل ولا في اختلاف او تزوير بعد مايتاكد من ان الاصول نفس المرفقه في الموقع يقولك الموظف ان امورك تمام ويوافق على الرخصه وتسددي رسوم الطلب وتطبعي الرخصه والف الف مبروك هنا اصدار تصريح من الدفاع المدني ادخلي الموقع تبع الدفاع المدني في هذا الرابط http://www.998.gov.sa/Ar/Safety/Pages/Activities.aspx تصريح شهادة صحية للعامل الاhttps://www.jeddah.gov.sa/Amanah/Ini...subject5-2.pdf الوضع بسيط والله يوفقك وماتحتاجي معقب الا اذا كنتي تبغي ترتاحي من الروحه والجيه مع اني ماشوفها قد كذا تحتاج معقب وتقدري تخلصي امورك بنفسك وصار الوضع سهالات كل شي الكتروني |
أختي أولا
شوف العمل من نظرة شرعية وهل أنت تأمنين الفتنة حيث لا يسبب فتنة للزبائن أو العاملين وأهم من ذلك وضع المطبخ والعمل معزول عن الاستقبال لكي يأخذ العاملات راحتهم في العمل بلا عباية أو إذا سيعملون أمام الزبائن يجب التحشم والعباية الشرعية وأما الإقتراحات هي أولا : الحرص على العمل الإعلامي من منيو ولوحات في المطعم وتصميم المطعم ولوحة المطعم ويمكنك أخذ شعار احترافي مع هوية تجارية مفيدة جدا لك ب200 ريال كتصميم وطباعة الكروت البزنس ب60 ريال الف كرت راح تعطي المطعم هيبة قوية عمل مقاطع قصيرة ونشرها في حسابك في الانستقرام واليوتيوب وعمل استفتائات عن الطعم والجودة والخدمة الحرص على النظافة والحركات الإبداعية التي لا تكلف شيئا لو يتم التعامل مع مندوب لتوصيل الطلبات يأخذ نسبة من التوصيل والله يوفقكم لطاعته أختي ويستر حالكم وحال جميع المسلمين ولا تنسين أخواتك من نصائحك بعد ماتنجحين ومشاركة النجاح يزيد منه بالتوفيق |
الله يجزاكم خير بجد ماعرف كيف اشكركم كفيتو ووفيتو الله يوفقكم لكل خير
والحشمه هي سبب توفيق الله لاي انسان كيف نعصي الله والعياذ بالله ونبي التوفيق والرزق؟ والعمل بيكون امام الزبائن لكن بيننا عازل (افكر اخليه شفاف ضد الكسر)حتى نأمن انفسنا من بعض المرضى بحيث يطلبون من سبيكر ويتم تسليمهم الطلب من فتحات صغيره تناسبهم وتناسبنا وبيكون فيه سرعه في التسليم ان شاءالله |
اقتباس:
من جدك !!! لاتستطيع استخراج رخصة بلدية بدون سجل تجاري لاتستطيع استخراح موافقه الدفاع المدني بدون سجل تجاري اول شيئ السجل التجاري وبعدين تجي باقي الامور |
موفقين يارب
ارجح المطعم فيه مطعم عوائل نسائي بتبوك ..استفيدي من تجربتهم حاولي يكون عندكم شي مميز مثلا اكلات زمان الشعبيه اللي مايسووها الاجانب ماسووها غير ستات البيوت |
يااخوان واخوات انا مدري هل بتشوفون استفساراتي هنا والا افتح موضوع جديد كل مره
الحين انا بمرحلة اعداد الشعار والتاق والاسم ساعدوني اش اسميه وهو وجبات سريعه سندويشات منوعه ووافل وكريب كحلى وكيف طريقة اختيار اسم والحصول عليه هل لازم ناس مختصه والا كيف لان عقلي وقف مالقيت اسم سهل وسلس وقوي |
ممكن يكون المنيو كله أكل صحي .. ومبتكر يكون لك وصفات خاصة مميزة , بالأضافة ممكن تكون كل وصفة مميزة في أيام معينة مثل أوقات الاجازة خميس وجمعة ..
واحلى وافضل يكون كله سفري .. وممكن كمان تسوين أكلات جاهزة ( يعني تكون مفرزنة وياخذها الزبون ويسخن الأكل ) كثيير هذا الشي مطلوب بالذات للنساء العاملات .. ومكن تسوين أكلات شعبية لكن ما أنصحك تسوينها الااذا تعرفينها تضبطينها .. وحلو لو يكون المنيو متنوع يعني زي الأكلات الأيطالي . والشامي والتركية , والخليجي هادي كلها نوعا كا سهلة .. والله يوفقك وييسر لك الرزق الحلال |
الله يرزقك ويسر امرك فالك التوفيق
|
البنت توهم بالبدايه وتقولون لها إيطالي وشامي وتركي وخليجي
وجهة نظري متواضعه ابدي بشي بسيط ومميز او محدود ودرسي الموضوع زين قبل ماتستاجرين اسالي البلديه هل هم موافقين وشروطهم بضبط حلو الواحد يبداء بشي بسيط لين يفهم العمل زين وقوليلنا وش يصير معك اتمنالك توفيق ان شاءالله أهم شي تطلعين ع شروط وتتاكدين لأن في ناس يقولون أي عادي بس كذا دققي بكل شي وشوفي شروط بنفسك وتأكيد منها بالنسبه للااسم اجتمعي انتي وشريكاتك بالعمل وقررو الاسم وجد الاسم يجذب ناس مثلن عندنا بالرياض ناس حابه كوفي اسمه المذاق المغربي وزحمه جاذبهم الاسم هذي وجهة نظري وفي قهوة جدتي حصه أو ماما روتي ع حسب المكان وحلو لو ريادة اوعبداللطيف جميل اوتسليف بعد يدعمونك |
اقتباس:
|
فعلا لازم سجل تجاري الله يعين
وبالنسبه للاكل والمنيو فهو جدا بسيط ومحدود وركزنا على كم شغله فقط متفقين نبدا بهدوء وبشي بسيط ومحدد حتى نركز فيه ونبدع احنا شوي كم بنت يعني لازم نحدد المنيو ويكون بسيط جدا مبدئيا على الاقل ورياده ماعجبهم اي مشروع قدمت 3 مرات كلها تم رفضها والمئويه من زمااااااان مقدمه ولاردو |
| الساعة الآن 08:32 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين