الإعتذار عن الوظيفة الإدارية..
السلام عليكم
أنا ترشحت ترشيح نهائي على الوظايف الإدارية الأخيره ذي وأبغى أعتذر عنها لأن المكان بعيد ولا هي مناسبتني .. السؤال: وش يترتب على الاعتذار عن الوظيفة هل مثلا يحظرون اسمي في الخدمه او شي ؟؟ وإذا بيحظرون اسمي هل الأفضل اني أروح واقدم استقاله لتفادي الحظر ؟؟ اللي عنده معلومه متأكد منها يا ليت ما يبخل عليه وشكرا سلفا ،، |
أتذكر واحد بالمفاضله العام اعتذر قالو له راح تنحرم من اول مفاضله تجي وبعده ترجع تترشح عادي
والأفضل مر على الديوان وتاكد |
ممكن قبل تقدم اعتذار تروح للجهة المرشح لها وتسألهم هل من الممكن يعطونك تكليف للمدينة اللي تبيها
والله يسهل امرك |
والله حرام عليك تضيع فرصة بين يديك احمد ربك انا عاطل خمس سنوات اتمنى لو في اخر الدنيا اعيش بس واتزوج واشوف حياتي
|
تقدم تنازل
والافضل تراجع المكتب لعل استجد امر |
حسب علمي يحق لكل شخص يعتذر ثلاث مرات ولافيها اي مشكلة ولا ضرر بالعكس
|
طيب وليه تختارها من الاساس هالمدينة ما دامك ما تقدر تروح لها
كان الافضل تتركها لواحد محتاج ويتمنى الوظيفة لو كانت بكوكب زحل لكن الآن للاسف الآن انت لم تقبل بها و ضاعت على المحتاج وارجو منك تقبل عذري على هالرد |
يااخي والله حرام عليك
وش تقول اجل باللي يغترب برا السعودية دراسه او وظيفه بالسفاره يااخي كلها فتره وتنقل وانت رجال تتحمل يااخي المعلمات تغربن وهن حريم فما بالك انت تغرب وسكنن لحالهن يااخي زميل لي توظف بأحدى الوظائف عن طريف الخدمه المدنية مثلك باخر الدنيا حنا بالرياض وهم ومن اهل الرياض تدري وين تعين بالليث وراء مكه وعادي تحمل صح اول 3 شهور م تأقلم بس بعدها عادي وبعدها نقل لطايف ومرتاح حتى مو بنفس الطايف باحدى قراه ومع الوقت بيقرب اكثر يااخي انا عاطل واتمنى وظيفه لو ع البند باخر الدنيا تحمل يارجال وش بيقولون ربعك ومعارفك منت قد المسؤولية ياشيخ رح والله مع الوقت تبي تدعي لي يااخي ناس بشهادات عليا ماحصلوا وظيفه لاتضيع هالفرصه ورح والله بتندم لو اعتذرت صدقني والله اني لك من الناصحيين |
[align=center]
احترم كل الردود لكن خذ نصيحتي استخير الله وصلي صلاة استخارة واللي ترتاح له بعدها سوه الخيره فيما اختاره الله وماعليك ف كلام اي احد وبالتوفيق ياغالي [/align] |
تقبل صراحتي بكل صدر رحب
في حال اعتذارك تكون حرمت شخص من هالوظيفه كان مختارها ومستعد يتووظف فيها مادمت ماتقدر تروح بعيد ليش تختارها اساساً؟ الغلط الاكبر على الخدمه المدنيه المفروض تحرم المعتذرين من التقدم بالمفاضله الي بعدها لعدم الجديه |
الساعة الآن 10:14 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين