السلام عليكم ورحمة الله وبركاته .
مساء الخير للجميع ..
قبل ما أبدأ في الموضوع أنا عارف في ناس راح يتضايقو من كلامي ويقولو انت غبي وغيرك مو لاقي وظيفة وراتبك حلو وووو الخ ... ( الراحه النفسية في العمل اهم من الراتب بكثيييييير )
انا خريج كلية تقنية وقررت ادخل العسكرية قبل 3 سنوات ومازلت على رأس العمل برتبة وكيل رقيب .
بدأت مشكلتي من أول يوم دخلت فيه العسكرية والله نفسيتي تغيرت وحياتي تدهورت كنت اخرج واروح مع الشباب كنت اجلس مع اهلي واسولف معاهم ومن يومها وانا كاره نفسي وصرت انسان معزول اغلب وقتي جالس في غرفتي يعني دوام بيت ونادراً اطلع من البيت حتى أهلي ماصرت اجلس معاهم ودايم مزاجي مو رايق .. والسبب ضغط العمل وسوء المعاملة والمذلة اللي بواجهها لجل لقمة العيش غير اتصالاتهم اللي تلاحقني في كل مكان حضر ياعسكري عندك استلام عندك مرابطة .. كذا مره افكر افصل واقول رزقي بيد رب العالمين ، لكن والله افكر في صحة الوالد واخاف يصيبه شي بسببي واتردد عن قراري .

هذي مشكلتي مع العسكرية بإختصار مو قادر اتأقلم مع الوضع احس اني اداوم مجبور بدون نفس .

كل اللي اتمناه منكم دعواتكم لي ان الله يفرج همي ويسر اموري ..

عذراً على الاطالة والله يوفق الجميع ..

لا تفصل نصيحة

استخير ربك


والله يفرجها


صحيح الراحة النفسية اهم شي

لاكن هذا رزقك


شوف يا اخوي اذ ماعنك بيت ملك والله ثم والله لاتندم

ليش لان الاجار ياشيخ ناااااار


يعني مثلا لو فصلت العسكرية ودخلت شركة وراتبها مثلا 5000

قول ايجار البيت 2000+مصاريف بيت1000+فاتورة الكهرباء+مصاريف السيارة

كم رح يبقالك ولا شي


لذالك خذ نصيحتى واستخير ربك يارجل

ان شاء الله تفرج

الله يعينك يا أخوي ، بس قبل تفكر بالفصل فكر بطرق أخرى

مثلاً // تنقل من إدارة لأخرى/ ترى بعض العساكر خصوصاً اللي في المحافظات الصغيرة في راحة

يعني شف لك حل غير الفصل ، رح للإدرات اللي مافيها ضغط ،، جوزرات // أمن المنشأت / الدفاع المدني
وغيرها هذا حسب رايي
أنت بأي قطاع الحين
أسال الله أن يرزقك من واسع رزقه ، وأن ينزل عليك السعادة والراحة النفسية
عليك بكثرة الصلاة والدعاء خصوصاً أخر الليل
تراها سلاح لا يخطئ هدفه بأذن الله

أعرف واحد كان شغال في أمن المشأت
يمكن أكثر من 4 أو 5 سنوات وبعدين جاه تعيين من الخدمة المدنية معلم
لانه من ألأصل كان متخرج من الجامعة بس
شكله فاقد الأمل من الخدمة ،، والحين معلم في نفس محافظته
أسال الله أن يرزقه الذرية الصالحة من زمان متزوج ولا جاه أبناء

أسال الله أن يرزقه الذرية الصالحة من زمان متزوج ولا جاه أبناء

وراه ماجاه ابناء ؟ خلهم يعالجون

كمل قصة حياتهم ؟

صراحه اهم شي راحة البال والاستقرار بعد الدوام الشفتات والتبديل صعبه
حاول فيهم دوام ثابت بساعات محدده

ومن ناحية التعب والانعزال وكل هالاشياء عندنا كلنا لان الوظيفه تاخذ الشخص من الحياة الاجتماعية
دور وظايف ثانيه لو مالقيت خلك ع وظيفتك

الله يفرجها ساعات الراحه النفسيه اهم نصيحه حاول تستخير واسال ربك ان يدلك للي فيه الخير