حلول البطالة Unemployment Solutions - نصايحكم في مشروع توزيع بطاقات شحن الاتصالات

حلول البطالة Unemployment Solutions (https://www.btalah.com/index.php)

- قسم مشاريع وأفكار (https://www.btalah.com/f12.html)

نصايحكم في مشروع توزيع بطاقات شحن الاتصالات

السلام عليكم ورحمة الله وبركاته

ياليت تفيديوني وين احصلهم في الدمام او الخبر

وكم اسعار الجملة للشركات الثلاث

راس المال 30 الف

عليكم السلام ورحمة الله وبركاته ..
الأسعار ثابته بينهم كلهم يمكن تفرق خمس هللات ..
الـ10 ريال بـ 9.78 أو 9.75 أو 9.7 على حسب المشغل ..
الـ5000 بـ4850 إلى 4900 ريال وأحيانا يجي معها هدية 20 بطاقة ..
يعني 5200 بـ4900 ريال ..
التوزيع لو تلاقي بقالات يضمنون إستمراريتك..
بياخذون منك على 300 ريال و500 ريال ..
يعني الـ5000 توزعها على 10 بقالات ..
ممكن عاد أنت وشطارتك ..
يمكن تلاقي أحد ياخذها منك كامله ويريحك ..
وغالباً العماله ماياخذون منك إلا بفائده ضئيله جداً ..
لأنهم يستطيعون الحصول عليها من بني جلدتهم بشكل أسهل وأرخص ..

مشكلتها تحتاج تدوير يومي ..
ولو قدرت تضمن تدوير 10 آلاف بشكل يومي فأنت ناجح ..
يعني 50 أو 75 ريال بكل يوم بالشهر تطلع 2000 ريال ممتاز ..
بسبب أنك وسيط تبي تشتري من الشركه وتبيع على تاجر..
أنت تبي ربح والبائع يبي ربح .. وبالتالي لازم تتقاسم المكسب معه ..
الله يوفقك ..

اقتباس:

المشاركة الأصلية كتبت بواسطة قسطنطيني (المشاركة 8527421)

يعطيك العافيه يالغالي

بس من وين احصلها بالدمام او الخبر

وبخصوص التدوير اليومي والتسويق انا للحين والحمد لله ضامن 3 بقالات عندنا بياخدون مني واسعى اني اتوسع لكن حاب اشوف وينها بالجملة

للرفع للاهميه..

آسف على التأخير كنت مسافر بالويكيند......
ما أدري والله عن الدمام والشرقيه ماني متأكد ..
لكن لها مناديب متخصصين فيها ..
أنت تروح لفرع الشركه وتطلب رقم مندوب أو ممثل مبيعات للشركه اللي تبيها ..
وممكن أحياناً تحصل عند مكاتب التقسيط أشخاص يوفرون لك حاجتك ..
بس بعضهم لعاب ويستغلك ولكن لكل تجربه ثمنها ..
الله يوفقك بإذنه تعالى ويغنيك بفضل وكرمه..