أبشررررركم بخصوص البطاقات
 

السلام عليكم والرحمة

ابشرررركم اليوم ولله الحمد والمنة رحت للضمان عشان أجدد بطاقتي وأخذ الجديدة البرتقالية وكانت يدي على قلبي خايفة يكون مشواري ع الفاضي توكلت على الله والحمد لله ربي يسرها كان اليوم أول يوم يوزعون فيه البطاقات للجميع.. طبعاً أقصد مكتب الرياض ماادري عن المناطق الأخرى
بالنسبة للملف الضماني ولا أحد يدري عنه كل مااسأل موظفة تقول اول مرة اسمع عن هالشي ماوصلنا شي بخصوص هالموضوع.. استغربت معقول ولا موظفة عندها حتى فكرة عن الموضوع؟!! المشكلة ماخليت مكان ماسألت فيه كلهم نفس الكلام

دعواااااتكم واسأل الله لكم التوفيق والتيسير

جزاك الله خيرا على الخبرية
ماشاءالله تبارك الله
مبارك لكي
الله يسعدك ويبشرك بمايسرك
عقبال أهل مكة وباقي المناطق يارب

أستغفرالله الذي لاإله إلا هوالحي القيوم وأتوب إليه

الف مبروك اختي عقبالنا يارب بالدمام وباقي مناطق المملكه

وشهي البطاقة البرتقالية

اللي يدخل يعلمني جزاه الله خير

الحمدلله اخيراً


ان شاء الله بكره باذن الله اروح

الله يبشرك بالجنه ي عسل

جزاك الله خيرا
طيب عندي استفسار إذا ممكن.
بطاقتي بتنتهي صلاحيتها بعد شهر .. هل بإمكاني الذهاب الآن واستخراج الجديدة؟ أو أنتظر لحد ما تنتهي صلاحية القديمة.

الله يباركم فيكم يااااارب عقبالكم
آميييين يارب وياكم أجمعين حبيباتي

البطاقة البرتقالية هي بطاقة الصرافة الجديدة
أول كانت خضرا وماكنا نقدر نسحب من أي بنك غير الراجحي ولا نستفيد منها بالشراء ولا شي
ولكن الجديدة البرتقالية نقدر نسحب من أي بنك ونشتري من المحلات فيها ونسدد فواتير وكل شي مرة راحة الحمدلله

وياك يارب

لا حبيبتي اصبري لاتروحين الآن ماراح تلقينها لأني انا من الأول كلمت الضمان وسألت بهالخصوص قال الموظف لازم توقف فعالية بطاقتك عشان تصدر لك الجديدة ودام ماانتهت صلاحيتها ماراح تلقينها جاهزة

يعني حتى لما تنتهي مدتها اصبري لين تصيرين لما تدخلينها وماتسحب من الصراف أبد وقتها تروحين للضمان وبإذن الله تلقينها جاهزة، أنا منتهية بطاقتي من شهر بس استمرت تشتغل معاي حول الشهر بعد ولما وقفت ماصرت أقدر أسحب بعدها بأسبوعين رحت اللي هو اليوم والحمدلله لقيتها جاهزة

موفقة يارب

على البركة
اختي بسألج تتفعل بيومها او تستنين كم يوم

الله يبارك فيك يارب

قالوا لي يوم الخميس إن شاء الله تتفعل وموظفة الراجحي قالت احتياطاً اصبري اسبوع بالضبط واسحبي عادي

ربي يسعد الجميع ،،،، وعقبال مكة المكرمة

ماشاءالله تبارك الله

الله يهنيك فيها

زين الحمدالله انهم غيروها وجزاك الله خير على الموضوع .و يعني لازم نروح المكتب اوستلمها

اختي تكفين علميني وش طلبوا منك غير بطاقتك الاحوال

آميييين يارب تسلموووون

آمين يارب وياك
ايه أكيد حبيبتي لازم تروحين المكتب تستلمينها مافي طريقة أخرى للاستلام :eek:

أبد بس أصل بطاقة الهوية وصورة منها فقط حتى بطاقتي القديمة قالوا مانبيها اكسريها وارميها

منطقة الرياض اطلعو بدري للضمان اذا واعدوكم من الاسبوع اللي راح عشان يمديكم تاخذون رقم سري لا استلام البطافة الجديدة من الصاله الثانيه و ارجعي اخذي رقم ثاني عشان تستلمين الرقم السري للصرافه و تتوجهين برا و انتي طالعه بتحصلين المكتب القزاز الخاص بمصرف الراجحي بعد ما تستلمين البطاقه منهم
انا امس الصباح تبهذلت و الله من 9 ل بعد الظهر عندهم زحمة و ماكان فيه ترتيب فوضى جدا بعد ايش رتبونا و احتسنا حوسه مايعلم فيها الا رب العالمين و انفس شينه ك العاده و المستفيدات ماقصرو زادو الطين بله الله يغنينا و لا يجعل لنا حاجه عند احد : ( .

استلمت بطاقتي اليوم من الضمان
قسم بالله مرمرطه الله حسيبهم لااحترام ولاحسن خلق لامع الكبير ولا الصغير ، يهوشون كنهم يعطونك من جيوبهم والا كنهم شغالين ببلاش
مرمطه
علشان تاخذ البطاقه لازم تاخذ رقم واذا جا رقمك واستلمت بطاقتك تروح تاخذ رقم ثاني للرقم السري والحد واقف للرقم 200 مايتجاوزونه
رحت اخذ رقم علشان الرقم السري وقالوا خلصت تعالي بكرا
ثلاث ايام اروح لهم ركبوا علي 300 ريال حق السواق غير حق الانتظار
حسبي الله ونعم الوكيل بس :(

الله يكون بعونك ياام فارس وهيا يالله الشكوى لله

اهم شي تاخذون بطاقاتكم وتفتكون من زحمتهم

هذي مشكلة من مشاكل المدن الكبيره

مكة ملفي اخبار عن بطايقنا :(

يالله التأخير باصدارها سبب هالفوضى وهم خلقة مايعرفون شي اسمه تنظيم وأخلاق
من حسن حظي ولله الحمد والمنّة جيتهم بأول يوم توزيع فدراً مابعد انتشر الخبر وكانت الزحمة معقولة مو بالشكل اللي وصفتوه الله يعينكم ويعين اللي بيروحون لهم بعد