الحربية و الا ارامكو برنامج التدرج
 

الله يوفقكم عندي ولد اختي انقبل بعد الثانوية في كلية الملك عبد العزيز الحربية و كمان في ارامكو برنامج التدرج و بصراحة ماندري وش الافضل من حيث الرواتب و ساعات العمل و كل شي الله يخليكم اللي عنده خلفية عن هذي المكانين يساعدنا في الاختيار مافي وقت لازم يعطيهم شهادة الثانوية و هو للحين مايدري وش الافضل و من ناحية الرغبة هو ماعنده مشكلة كلهم عادي عنده

السلام عليكم ورحمة الله وبركاتة اولا ....
ثانيا ... الف الف مبروك لولد اختك القبول صراحة افضل شىء ارامكو بدون تفكير لا مناحية الراتب ولا مناحية المميزات اما الكلية الحربية الله يعينة على الراتب الشين والمميزات اصلا ما فية مميزات.......
اقول احسن له ارامكو ..
ولكن دعية يصلي صلاة الاستخارة ..

صااااحي انت اخوي ولد عمي متخرج من ارامكو بموووت قهر حرب نفسيه اللله لايوريك
صحاري وقلق اعوذ بالله وغربه عن اهلك

بيني وبينك والله اعلم وحسب علمي اذا يبي يغرق فلوس يخش ارامكو
ارامكو تعطي راتب 4500 اول راتب للموظف المترسم و15 الف ريال سنويا بدل سكن للعزوبي و25 الف ريال سنويا اذا كان متزوج وراتبين في شهر رمضان كل سنة واذا حولوه منطقة نائية او صحراوية يعطونه دبل الراتب يعني لو راتبه 4500 ياخذ 9000
لكن عيبها انها تحطك بأي مكان ترغبه على حسب حاجه العمل ممكن يشتغل في قرى بعيده ومهجورة وممكن يشتغل في البحر او اي شى وعلى حسب علمي العسكرية شينه ماحد يمدحها كلها اهانات وراتب ضعيف الا الظباط

والله اعلم بس كل شى على رغبه الولد وطموحه شف وش يبي وش الاريح له وش يبي يصير مستقبلا وخله يستخير الله والله يوفقه

<<<<<<<<<<<<<<<<<<< وان اكنت اتمنى مصلحتي لاني بالانتظار في ارامكو

الله يبارك فيك ان شاء الله بصراحة للحين في حيرة و ماندري وش يختار الله يسعده ان شاء الله

مشكور اخوي على الرد كيف يعني حرب نفسية ؟؟:(

تقصد الدراسة صعبة؟؟
طيب احد عنده فكرة عن ساعات الدوام في ارامكو ؟

معقول الراتب بس 4500:Looking: .........(داخلين على طمع:p )
والله الولد محتار مرة و مايبي يتورط و بالنسبة للحربية يطلع ضابط اكيد
تسلم اخوي ماقصرت

في احد يعرف عدد ساعات العمل في ارامكو

كانك مصر على ارامكو ارامكو شفتات مره بالصبح مره باليل مره اسبوع في الربع الخالي

ارامكو مثل العسكريه لانه تم تاسيسه من ظباط انجليز ايام زمان فنظام العمل مره يعني وقتك ماهو ملكك
ودوامهم شوي يوجع القلب مدري بس ارامكو فلووووووس ماقولك لكن راحه لا والله ماظنتي بيلقى راحه الا لما يتقاعد اما الحربيه زينه انا اشوفها وراحه ومافيه تعب الا بعد الدوره 45 يوم وينزل ملازم والسلام ع مكتب طول الاسبوعين وعنده يوم خفاره يشيك على الافراد ويرجع لمكتبه وخلاص يعني بيكون مرتاح وراتبه حلو بينزل ع 7 ولا 8 الالف وربك يوفق

والاستخاره طيبه